Friday, 17 May 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(13/05/2019)*

மனதின் ஒரு ஓரத்தில்.. எதையோ.. யாரோ  ஒருவரைப் பற்றிய கணிப்பில் மனதை வைத்துக் கொண்டு, அதை சிறிது சிறிதாக கற்பனைக் கோட்டையில் பெரிதாக்கி...  சிறு விஷயங்களைக் கூடப் பெரிதாக்குவதும்,  பெரிய விஷயங்களை சிறியதாக நினைப்பதும் மனிதர்களுக்குப் பழகி விட்டது. அந்தக் கணிப்பு , தனக்கும் பிறருக்கும் துன்பம் ஏற்படாத வகையில் இன்பம் தான .... ஆனால், துன்பம் ஏற்படும் போது தானே சிக்கலே ஆரம்பமாகிறது.

எதற்காக..  ஒரு விஷயத்தை நினைத்து நினைத்து...  தன்னைத் தானே துயரப் படுத்திக் கொள்ள வேண்டும்.. அல்லது துன்பப் பட வேண்டும்?

எந்த ஒன்று மனதிற்குப் பொருந்தவில்லையோ, அதைப் பற்றி நினைக்காமல் இருக்கப் பழகிக் கொள்ளலாமே! வேறு பிடித்த விஷயத்தில் கவனத்தை திருப்பிக் கொள்ளும் ஆறறிவு அனைவருக்கும் உள்ளது.

மனதின் வீணான குழப்பங்களால்,  தெளிவு பெற மனதை அனுமதிக்கலாமே!

யாரைப் பற்றியும், எந்த கணிப்பும் வைக்கவில்லை... என்றாலே கற்பனைகளை தவிர்க்க முடியும். அவங்க இப்படி? இவங்க இப்படியா?? என்ற எண்ணம் எதற்கு??

யாராவது 'தான் எப்படி?' 'என்ன செய்ய வேண்டும்?'  'எதற்கு இந்தப் பிறப்பு ?'என்று சிந்தனையில் ஆராய்ந்தால் ஒருவருக்கொருவர் உறவுகள் ஏன் ஏற்படுத்தப்பட்டன என்று புரிந்துகொண்டு கருமையத் தூய்மை பெற முயற்சிப்பார்கள். எதைப் பற்றியும் கவலையின்றி இருக்கவும் இன்பத்தையும் துன்பத்தையும் சமநிலையில் நினைக்கப் பழக முன் வருவார்கள்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(16/05/2019)*

எப்பொழுதும் ஒன்றை நினைவில் வைத்துக் கொள்ளவேண்டும். யாராவது ஒருவரை விமர்சிக்கிறார்/ கிண்டல் செய்கிறார்..  என்றால் கேலி செய்பவரை விட  ஒரு படி மேல்நிலையில் அந்த ஒருவர் இருக்கிறார் என்று பொருள்..

என்றுமே கிண்டல், கேலியை  நினைத்து ஒரு போதும் தன்னை தாழ்த்திக் கொள்ளக் கூடாது.. தயங்கக் கூடாது. தன்னை உயர்வாக நினைத்துக் கொள்ள வேண்டும். பிறர் கேலியையும் பொருட்படுத்தக் கூடாது.

தனது முன்னேற்றப் பாதை தனது கையில், தனது உழைப்பில், தனது தன்னம்பிக்கையில்.. தான் உள்ளது.. பிறரது கையில் இல்லை.. தனது வயிற்றை 'தான்' தான் பசியாற்ற வேண்டும்.. தன் கையால் தான் உட்கொள்ள வேண்டும். அனைத்தும் அவரவர் கையில் தான் உள்ளது.. வாழ்க்கையின் இலக்கை எதிர்வரும்  ஒவ்வொரு சவால்களையும் மனோதிடத்துடன் வெற்றிகொள்ள தைரியத்தை கையில் அல்ல.. மனதில் ஏந்திக் கொள்ள வேண்டும். அதற்கு தவம் துணைபுரியும்.

மனதில் உண்மை இருந்தால் பலம் தானாக வரும். பயம் காணாமல் போய்விடும். மனோ சக்தியை அதிகரிக்க தன்னைத் தானே இயற்கையோடு இணைத்துக் கொள்ள வேண்டும். இயற்கை தான் அனைத்தும். இயற்கை வேறு நாம் வேறு அல்ல. நாம் தான் இயற்கை. அனைத்தும் இயற்கையே.. இயற்கையோடு வாழும் வாழ்க்கையே ஒருவரை உயர்த்தும்.

அன்புடன் ஜே.கே

Sunday, 12 May 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(29/04/2019)*

தனது மகிழ்ச்சி என்பது எப்பொழுதுமே.. தன்னை மகிழ்ச்சியாக வைப்பதில் தான் உள்ளது. அது என்றுமே பிறரை சார்ந்தது அல்ல.

தனது சூழ்நிலையை.. சாதகமாக்குவதும், பாதகமாக்குவதும், அவரவர் கையில் தான் உள்ளதேத் தவிர.. என்றுமே பிறர் இதற்கு காரணகர்த்தாவாக இருக்கவே முடியாது.. அவரவர் வினைப்பயனை தான்.. அவரவர் அனுபவிக்கின்றனர். அது இன்பமோ துன்பமோ எதுவாகிலும் அவரை சார்ந்ததே.. இதையே *தீதும் நன்றும் பிறர் தர வாரா!*  என்கின்றனர்.

*எதை விதைக்கிறாரோ அதையே அறுவடை செய்கின்றனர்.*

ஆனால் இன்றைய சூழ்நிலை... எல்லாவற்றிற்கும் பிறரை சாக்கிட்டே,... பிறரை காரணம் காட்டியே... மக்கள் பழக்கி விட்டார்கள் தங்கள் மனதை.

ஒரு குழந்தைக்கு தரையில் அடிபட்டது என்றால் தரையை அடித்து பழி சொல்லி பழக்குவது.. பெரியவர்கள் கண்டித்தால் அவர்களிடம் எதிர்த்து பேச பழக்குவதும்.. இதே தான் பெரியவர்களானதும் ஆபீசுக்கு லேட் ஆகி விட்டால் கூட Traffic ஐ தான் காரணம் காட்டுவது.. வண்டி பங்சர்.. அல்லது பிறவற்றை... பிறரை சாக்கிட்டே ..பழகிவிட்டனர் மக்கள்.

இந்த பழக்கத்தை எல்லாம்....  ஒருவர் தன்னை மாற்றிக் கொண்டால் மட்டுமே, தன்னை காரணம் காட்டுவதற்கும், தன்னை சாக்கிடுவதற்கும் தைரியம் வரும். எதுவென்றாலும் தன்னை சார்ந்ததே அனைத்தும் என்று நினைக்கப் பழக்கினால்.. பிறரை காரணம் காட்ட துணிய மாட்டார்கள். தன்னை எவ்வாறு மாற்றிக் கொள்ள வேண்டும் என்றும் சிந்தித்து செயல்படுவார்கள்.

தன் நினைப்பை, செயலை, ஒருவர்  மாற்றாமல், எந்த மாற்றமும் உலகில் எதிர்நோக்குவது என்பது கொஞ்சம் கடினமான விஷயம். ஆனால் அதை எளிமையாக மாற்றினால் எல்லாமே சூழ்நிலையை மகிழ்ச்சியாக எதிர்கொள்ளும் தைரியம், மனதிற்குப் புது தைரியமும், தன்னம்பிக்கையும் வருவதை உணர முடியும். உண்மையை உணர இதுவே வழி. தன்னை அறியும் மார்க்கமும் இதுவே.

அன்புடன் ஜே.கே

தினம. ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(30/04/2019)*

( குறிப்பு:   குண்டலினி யோகம் குருவின் உதவியோடு மட்டுமே பயிற்சிகளை மேற்கொள்ள வேண்டும்.)

*விசுக்தி ( Thyroid gland and para thyroid gland)* ( விஷம் + சுத்தி). நம் உடலில் இருக்கும் நச்சை முறித்து சுத்தப்படுத்துகிறது இந்த சக்கரம். இதன் மந்திரம் 'ஹம்'' என்பதாகும். 

விசுக்தி ஐந்தாவது மையமாகும். இந்த சக்கரம் பஞ்சபூதங்களில் ஆகாசத்திற்குரிய மையம். இது தொண்டையில் இருக்கிறது. இத்தவம் மூலம் தைராய்டு, பாராதைராய்டு சுரப்பிகள் நன்கு செயலூக்கம் பெறுகின்றன.

இந்த தைராய்டு சுரப்பி நமது உடலின் ஆற்றல் நிலையம் (Power house) என்று குறிப்பிடலாம். உடல்செல்களின் வளர்சிதை மாற்றத்தை பாதுகாக்கிறது ( Metabolism). சுவாச இயக்கத்துடன் தொடர்புடையது. உடலுக்குத் தேவையான அயோடின் சக்தியை 2/3 பங்கு இச்சுரப்பியில் சுரக்கும் இரண்டு ஹார்மோன்கள் மூலமாக கிடைத்து விடுகிறது. ஹைப்போதலாமஸ் மற்றும் பிட்யூட்டரி  இணைந்து இந்த ஹார்மோன்கள் சுரப்பதை ஒழுங்குபடுத்துகிறது.

இதிலிருந்து சுரக்கும் கால்சிடோனின் என்ற ஹார்மோன் எலும்பு மற்றும் பற்களுக்குத் தேவையான சுண்ணாம்புச் சத்து,  இரும்புச் சத்தை கொடுத்து விடுகிறது. இதனுடன் இணைந்து செயல்படும் பாரா தைராய்டு எலும்பில் உள்ள சுண்ணாம்புச் சத்தை இரத்தத்திற்கு அனுப்பிவிடும். எலும்பில் உள்ள சுண்ணாம்புச் சத்தை அளவிற்கு அதிகமாகக் குறைத்து விடாமல் இந்த Calcitonin சமன் செய்து கொண்டே இருக்கும். நம் உடலுக்குள்ளே இருக்கும் ஒவ்வொரு நாளமில்லா சுரப்பியும் நம் உடலில் இயங்கக் கூடிய இயற்கை மருத்துவர் என்பதை அனைவருமே இங்கு புரிந்து கொள்ள வேண்டும்.

இத்தவத்தில் மூலம் உணவு உட்கொள்ளும் திறன் இயல்பாக கட்டுப்பாட்டுக்குள் வரும்.   ஆற்றல் இருந்துகொண்டே இருக்கும்.

விண்ணை பற்றிய தெளிவான அறிவு கிடைக்கிறது.

விண் தான் உயிர்த்துகள்களாக மனித உடலில் உயிரோட்டமாக உயிராற்றலாக மாறிக் கொண்டு இருக்கிறது. உடல்நலம் சீராகிறது. மனம் உற்சாகமாக ஆற்றல் மிக்கதாக இருக்கிறது.

பிரபஞ்ச இயக்க ரகசியங்கள் மனத்திற்கு எளிதாகப் புலப்படும். பேராதார அறிவோடு  ( Universal consciouness) மனத்திற்கு தொடர்பு கிடைக்கிறது.

அறிவுக்கு நுண்ணியக்கம் ( Subtle frequency) கிடைப்பதால் உயிராற்றல் செலவை மிச்சப்படுத்துகிறது. சேமிக்கிறது. மனநிறைவு, பெருந்தன்மை, மனவிரிவு, சகிப்புத்தன்மை இத்தவத்தில் கைகூடுகிறது.
 
அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(07/05/2019)*

*ஆக்கினை சக்கரம்*

ஆறாவது சக்கரமாக உள்ளது இச்சக்கரம்.

நெற்றியில் இரு புருவங்களுக்கு மத்தியிலுள்ள பகுதியில் இந்தச் சக்கரம் அமைந்துள்ளது. “நெற்றிக் கண்’, “மூன்றாவது கண்’, “ஞானக் கண்’ என பல பெயர்களால் இந்தச் சக்கரம் அழைக்கப்படுகிறது.

மூலாதாரம் முதல் விசுத்தி வரையிலான ஐந்து சக்கரங்களும் இடகலை, பிங்கலை நாடிகள் வழியாக ஆறாவது சக்கரமான ஆக்கினையுடன் இணைக்கப்பட்டுள்ளன.

இந்த இரு நாடிகளின் வழியாக ஆக்கினை சக்கரம் பிற ஐந்து சக்கரங்களையும் ஆளுகிறது. எனவே ஆக்கினைக்கு ஆளுமைச் சக்கரம் (Commanding Chakra) என்ற பெயரும் உண்டு.

'ஆக்கினை’ என்றால் கட்டளை அல்லது ஆணை என்பது பொருள்.

இடகலை, பிங்கலை நாடிகள் வழியாக மட்டுமின்றி பீனியல், பிட்யூட்டரி போன்ற நாளமில்லா சுரப்பிகளின் வழியாகவும் ஆக்கினை சக்கரம் முழு உடலின்மீதும் ஆளுமை அல்லது ஆட்சி செலுத்துகிறது.

ஆன்மிக உணர்வுக்கு திருப்புமுனை. உள்ளொளி பூரித்து உயிருக்கு மேல்நோக்கு வேகத்தைத் தருகிறது.
பொருள் கவர்ச்சி நீங்குகிறது. தன்னிலை விளக்கம் கிடைக்கிறது. விரும்பிய நல்வழியில் நிற்கும் திறன் கிடைக்கிறது. ஆசை அளவோடு நிற்கும். விளைவறிந்த விழிப்புநிலை கிடைக்கிறது.

ஐம்புலன்களில் விரிந்த மனம் சுருங்கி ஒரே புலனாக தொடு உணர்வில் நிலைக்கிறது. ஆகாம்ய வினைகளில் இருந்து விடுபடுகிறது. 
இதில் பழகப் பழக மனம் ஆல்பா நிலையில் விநாடிக்கு 8-13 சுழல்விரைவு வந்து அமைதி நிலைக்கு வருகிறது.

தேவை, பழக்கம் சூழ்நிலைக்கு அறிவு மயங்குவதில்லை.

உடல், மனம் ஆக்கினை சக்கரம் தூய்மைப்படுத்திவிடும். மனதிலுள்ள அழுக்குகள் அனைத்தும் மறைந்துபோகும்.

சிந்தனைகளும் எண்ணங்களும் சீரடையும். மனம் பண்படும். எதிர்மறை எண்ணங்களும் எதிர்மறை குணங்களும் அறவே மறைந்துபோகும்.

இதை Pituitary gland என்று கூறுவார்கள். இளஞ்சிவப்பு நிறத்தில் மூளையின் கீழ்புறத்தில் ஜெர்சி பழம் போலத் தொங்கும். மூளைக்கு அடுத்து இது தான் உடலிலே பல சிக்கலான வேலைகளை செய்யும் உறுப்பு. இதை தலைமை சுரப்பி ( Master Gland) என்றும் நாளமில்லா சுரப்பி நடத்துநர் 'Conductor of Duckless Glands' என்று கூறுவார்கள். இது தனது கட்டளையை ஹைப்போதலாமஸிலிருந்து ( Hypothalamus) நேரடியாகப் பெறுகிறது. நாளமில்லா சுரப்பிகளுக்கு கட்டளை விடுப்பது இது தான். சமநிலையை உருவாக்கும் ஒரு சுரப்பியாகும். மற்ற நாளமில்லா சுரப்பிகள் சரிவர இயங்காத போது இதன் செயல்முறை அதிகமாகி மற்ற சுரப்பிகளின் இயக்கத்தைச் சமன்படுத்தும்.

இது இரண்டு இதழ்களினால் (Lobes)  பிரிக்கப்பட்டுள்ளது. இது சுரக்கும் ஹார்மோன் கழுத்தில் இருக்கும் தைராய்டு சுரப்பியை பராமரிக்கிறது. மற்றொரு ஹார்மோன் சிறுநீரகத்தைப் பராமரித்து வருகிறது. இந்த சுரப்பி சீராக சுரப்பதால் ஒழுக்க மேம்பாட்டை குழந்தைகளிடம் காணமுடியும்.

உயர்நிலைச் சக்கரங்களான ஆக்கினை, சகஸ்ராரம் ஆகிய இரண்டும் பஞ்சபூதங்களின் ஆளுமைக்கு அப்பாற்பட்டவை.

முதல் ஐந்து சக்கரங்களை தத்துவச் சக்கரங்கள் எனவும்; கடைசி இரு சக்கரங்களை ஆன்மிக சக்கரங்கள் எனவும் கூறுவதுண்டு.

வானவில்லின் ஆறாவது வண்ணமான “இண்டிகோ’ என்ற வண்ணமே ஆக்கினை சக்கரத்தின் வண்ணமாகும். வயலெட், நீலம் ஆகிய இரு வண்ணங்களுக்கும் இடைப்பட்ட, அந்த இருவண்ணங்களும் கலந்த ஒரு வண்ணமே “இண்டிகோ’ என்றழைக்கப்படுகிறது.

பீஜா மந்திரம்

“அம்’ (ஆன்ம்) என்பதே ஆக்கினை சக்கரத்தின் பீஜா மந்திரமாகும்.

குண்டலினி சக்தி ஆக்கினை சக்கரத்தினுள் நுழைந்து அதைத் திறக்கும்போது  எல்லாம் ஒன்றுதான் என்ற பரிபூரண நிலை உருவாகிவிடும்.

நமது மூளை செயல்பட பிராணன் அவசியம். ஆனால் “மனம்’ செயல்பட பிராண சக்தியோடு மனசக்தியும் தேவை. இந்த மனசக்தியை ஆளும் சக்கரமே ஆக்கினை சக்கரமாகும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(07/05/2019)*

*ஆக்கினை சக்கரம்*

ஆறாவது சக்கரமாக உள்ளது இச்சக்கரம்.

நெற்றியில் இரு புருவங்களுக்கு மத்தியிலுள்ள பகுதியில் இந்தச் சக்கரம் அமைந்துள்ளது. “நெற்றிக் கண்’, “மூன்றாவது கண்’, “ஞானக் கண்’ என பல பெயர்களால் இந்தச் சக்கரம் அழைக்கப்படுகிறது.

மூலாதாரம் முதல் விசுத்தி வரையிலான ஐந்து சக்கரங்களும் இடகலை, பிங்கலை நாடிகள் வழியாக ஆறாவது சக்கரமான ஆக்கினையுடன் இணைக்கப்பட்டுள்ளன.

இந்த இரு நாடிகளின் வழியாக ஆக்கினை சக்கரம் பிற ஐந்து சக்கரங்களையும் ஆளுகிறது. எனவே ஆக்கினைக்கு ஆளுமைச் சக்கரம் (Commanding Chakra) என்ற பெயரும் உண்டு.

'ஆக்கினை’ என்றால் கட்டளை அல்லது ஆணை என்பது பொருள்.

இடகலை, பிங்கலை நாடிகள் வழியாக மட்டுமின்றி பீனியல், பிட்யூட்டரி போன்ற நாளமில்லா சுரப்பிகளின் வழியாகவும் ஆக்கினை சக்கரம் முழு உடலின்மீதும் ஆளுமை அல்லது ஆட்சி செலுத்துகிறது.

ஆன்மிக உணர்வுக்கு திருப்புமுனை. உள்ளொளி பூரித்து உயிருக்கு மேல்நோக்கு வேகத்தைத் தருகிறது.
பொருள் கவர்ச்சி நீங்குகிறது. தன்னிலை விளக்கம் கிடைக்கிறது. விரும்பிய நல்வழியில் நிற்கும் திறன் கிடைக்கிறது. ஆசை அளவோடு நிற்கும். விளைவறிந்த விழிப்புநிலை கிடைக்கிறது.

ஐம்புலன்களில் விரிந்த மனம் சுருங்கி ஒரே புலனாக தொடு உணர்வில் நிலைக்கிறது. ஆகாம்ய வினைகளில் இருந்து விடுபடுகிறது. 
இதில் பழகப் பழக மனம் ஆல்பா நிலையில் விநாடிக்கு 8-13 சுழல்விரைவு வந்து அமைதி நிலைக்கு வருகிறது.

தேவை, பழக்கம் சூழ்நிலைக்கு அறிவு மயங்குவதில்லை.

உடல், மனம் ஆக்கினை சக்கரம் தூய்மைப்படுத்திவிடும். மனதிலுள்ள அழுக்குகள் அனைத்தும் மறைந்துபோகும்.

சிந்தனைகளும் எண்ணங்களும் சீரடையும். மனம் பண்படும். எதிர்மறை எண்ணங்களும் எதிர்மறை குணங்களும் அறவே மறைந்துபோகும்.

இதை Pituitary gland என்று கூறுவார்கள். இளஞ்சிவப்பு நிறத்தில் மூளையின் கீழ்புறத்தில் ஜெர்சி பழம் போலத் தொங்கும். மூளைக்கு அடுத்து இது தான் உடலிலே பல சிக்கலான வேலைகளை செய்யும் உறுப்பு. இதை தலைமை சுரப்பி ( Master Gland) என்றும் நாளமில்லா சுரப்பி நடத்துநர் 'Conductor of Duckless Glands' என்று கூறுவார்கள். இது தனது கட்டளையை ஹைப்போதலாமஸிலிருந்து ( Hypothalamus) நேரடியாகப் பெறுகிறது. நாளமில்லா சுரப்பிகளுக்கு கட்டளை விடுப்பது இது தான். சமநிலையை உருவாக்கும் ஒரு சுரப்பியாகும். மற்ற நாளமில்லா சுரப்பிகள் சரிவர இயங்காத போது இதன் செயல்முறை அதிகமாகி மற்ற சுரப்பிகளின் இயக்கத்தைச் சமன்படுத்தும்.

இது இரண்டு இதழ்களினால் (Lobes)  பிரிக்கப்பட்டுள்ளது. இது சுரக்கும் ஹார்மோன் கழுத்தில் இருக்கும் தைராய்டு சுரப்பியை பராமரிக்கிறது. மற்றொரு ஹார்மோன் சிறுநீரகத்தைப் பராமரித்து வருகிறது. இந்த சுரப்பி சீராக சுரப்பதால் ஒழுக்க மேம்பாட்டை குழந்தைகளிடம் காணமுடியும்.

உயர்நிலைச் சக்கரங்களான ஆக்கினை, சகஸ்ராரம் ஆகிய இரண்டும் பஞ்சபூதங்களின் ஆளுமைக்கு அப்பாற்பட்டவை.

முதல் ஐந்து சக்கரங்களை தத்துவச் சக்கரங்கள் எனவும்; கடைசி இரு சக்கரங்களை ஆன்மிக சக்கரங்கள் எனவும் கூறுவதுண்டு.

வானவில்லின் ஆறாவது வண்ணமான “இண்டிகோ’ என்ற வண்ணமே ஆக்கினை சக்கரத்தின் வண்ணமாகும். வயலெட், நீலம் ஆகிய இரு வண்ணங்களுக்கும் இடைப்பட்ட, அந்த இருவண்ணங்களும் கலந்த ஒரு வண்ணமே “இண்டிகோ’ என்றழைக்கப்படுகிறது.

பீஜா மந்திரம்

“அம்’ (ஆன்ம்) என்பதே ஆக்கினை சக்கரத்தின் பீஜா மந்திரமாகும்.

குண்டலினி சக்தி ஆக்கினை சக்கரத்தினுள் நுழைந்து அதைத் திறக்கும்போது  எல்லாம் ஒன்றுதான் என்ற பரிபூரண நிலை உருவாகிவிடும்.

நமது மூளை செயல்பட பிராணன் அவசியம். ஆனால் “மனம்’ செயல்பட பிராண சக்தியோடு மனசக்தியும் தேவை. இந்த மனசக்தியை ஆளும் சக்கரமே ஆக்கினை சக்கரமாகும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(10/05/2019)*

இந்த வாழ்க்கை ஒரு மனிதனுக்கு அளிக்கப்பட்டிருப்பது, மனிதன் மேல் இறைநிலைக்கு உள்ள நம்பிக்கையும்.., மற்றும் மனிதன் 'தன்' மேல் கொண்ட தன்னம்பிக்கையும் தான் காரணம்.

ஒற்றுமையே பலம். அதை வளர்க்க வளர்க்க அமைதியும்,  மகிழ்ச்சியும் அதிகரிக்கும்.

ஏற்ற இறக்கம் நிறைந்த வாழ்க்கையில் அதில் சமாளிக்கத் தெரிந்து வாழ்பவன் தான் சாதனை மனிதன்.

ஏற்ற இறக்கம் கண்டு பயத்தில் தோல்வியடையாமல் நேருக்கு நேர் சந்தித்து வாழக் கற்றுக் கொள்ள.. தன்னை தகுதிப்படுத்திக் கொள்ளவே சில சூழ்நிலைகள் தரம் பிரித்து சவால்களாக வருகிறது. அதை சந்திக்க மனோபலம் முதலில் வேண்டும்.

அதற்கு நமக்குக் கிடைத்திருக்கும் வரம் தான் தியானம், தற்சோதனை, திருத்தம், பயிற்சிகள் எல்லாமே.. ஒருவர் தன்னிடம் திருத்தம் காணாமல் எந்த மாற்றத்தையும் உலகில் கொண்டு வர இயலாது.

மாற்றம் என்பது தன்னிடமிருந்து மட்டுமே பிறக்க முடியும். அப்படி தனது திருத்தம் மேற்கொண்டால் சிறு துளி பெரு வெள்ளம் போல் அந்த திருத்தம் மனிதர்களிடையே மனமாற்றத்தை அளிக்கும்.

இத்தனை நாள் சண்டை போட்டவங்க இன்னிக்கு அமைதியாயிட்டாங்களே... உலகம் மனிதனை பார்த்து வியக்கும் அளவு ஒரு உத்வேகத்தை பரப்ப வேண்டும்.

அதற்கு தனி மனித ஒழுக்கம் நிறைந்த பண்பாடு மட்டுமே மக்களிடையே சீர்திருத்தம் கொண்டு வரும். பேசிக் கொண்டே இருப்பதால் ஆகப் போவது ஒன்றுமில்லை என்பதை உணர்வது... புரிந்து கொள்ள வேண்டும். அமைதிக்கான செயலில் இறங்கினால் மட்டுமே மேம்பாடு காண முடியும்.

அன்புடன் ஜே.கே

Saturday, 27 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(26/04/2019)*

வாய் விட்டு சிரித்தால் நோய் விட்டுப் போகும் என்பார்கள்.

வீட்டிலும் உறவுகளுடன், நட்புறவுகளுடன், அனைவரும் அளவளாவி பேசிக் களிப்பூட்டும் போது நகைச்சுவை என்பது இயல்பான ஒரு விஷயமாக மனதில் உள்ள இறுக்கத்தைப் போக்கிடும். வயிறு வலிக்க சிரித்து சிரித்து கண்களில் கண்ணீர் வரும். மனம் குதூகலமடையும். மகிழ்ச்சி பொங்கும்.

நகைச்சுவை வாழ்க்கையோடு இணைந்து வரும் போது மனதில் நோய் எதிர்ப்பு சக்தி என்பது தானாகவே பயணிப்பதை காண முடியும். உடல், மனம் உற்சாகம் பெறும். இரத்த ஓட்டம் சீராகும். மன அழுத்தத்தால் ஏற்படும் இருதய நோய் எட்டியும் கூட பார்க்காது. சிரிப்பதால் முக அழகு கூடுகிறது. ஆயுள் நீட்டிக்கிறது. இளமையான தோற்றம் பெற முடியும்.

என்டார்பின் எனும் ஹார்மோன் சிரிப்பதால் மூளையில் சுரப்பது. அது எவ்வளவு நன்மைகளை உடலுக்கும் மனதுக்கும் ஏற்படுத்துகிறது என்பது அனைவரும் தெரிந்து கொண்டால்.. எத்தனையோ மாத்திரைகளினால் மட்டுமே குணமடையும் என நம்பிக் கொண்டிருக்கும் மனிதரின் மனம் வியப்படையும். ஹாஸ்யத்தை விரும்பி புன்னகைத்து அதையும் முகத்தில் அழகான அணிகலனாக முகத்தில் சூடுவர்.

புன்னகை இருக்கும் போது பொன்னகை தேவையே இல்லை.

புன்னகைக்கும் மனம் வெளித் தோற்றத்தில் அது சிரிப்பாக மலர்ந்தால் தசைகள் விரிவு கொடுக்கும். அக அழகை முகத்தில் காட்டும்.

அன்புடன் ஜே.கே

அருட்தந்தை கேள்வி பதில்


அன்பர்களின் கேள்விகளும் – அருட்தந்தையின் பதில்களும்

 ✅ பதில்: அட்சரம் என்றால் ஒலியைக் குறிக்கும் எழுத்து. அட்சரத்திற்கு அடிப்படை மௌனம். அதிலிருந்து “அ” என்று விரிந்தது முதல் அட்சரம் “அ” விலிருந்து இன்றைக்கு 31 அட்சரங்கள் தமிழில் உள்ளன. வடமொழியில் 47 அட்சரங்கள் இருக்கின்றன. அங்கும் மூன்று ஒலிகள் குறைவு. அதனால் அவர்கள் அராபியில் இருந்து அந்த ஒலியை எடுத்துக் கொண்டு அதுபோன்ற சில எழுத்துக்களைக் கண்டுபிடித்துச் சேர்த்துக் கொண்டுள்ளார்கள். அதையும் சேர்த்தால் 50 அட்சரங்கள் வந்துவிடும். இந்த 50 அட்சரங்களைக் கொண்டு எல்லா சப்தங்களையும் எழுதி விடலாம்.

 இந்த 50 ஒலிகளிலும்கூட சில ஜீவன்களின் சப்தத்தை எழுத முடியாது. (உ.ம்) பல்லி சப்தம் “த்ச”: பையன் மாடு ஓட்டுவது, குழந்தைகளை முத்தமிடும்போது வரும் சப்தம், இவையெல்லாம் காற்று வெளியிலிருந்து உள்ளே போகும் சப்தங்கள். அதனால் இவைகளை எழுத முடியாது. உள்ளேயிருந்து வெளிவரும் சப்தங்களைத்தான் எழுத முடியும். இந்த 50 அட்சரங்களுடன் “ஓம்” என்ற மௌன ஒலியும் சேர்த்து 51 அட்சரங்கள் ஆக்கியுள்ளார்கள்.

வாழ்க வளமுடன்!

அருள்தந்தை தத்துவஞானி வேதாத்திரி மகரிஷி

Thursday, 25 April 2019

பஞ்ச பூத நவகிரக தவம்

பஞ்சபூத நவகிரக தவம் செய்வது எப்படி?.

( நவகிரகங்களின் காந்த அலைகளிலிருந்து நம்மைநாமே காத்துக்கொள்ள பஞ்ச பூத நவகிரக தவம்)

★ இறையாற்றலின் தத்துவத்தை விஞ்ஞானப்பூர்வமாக விளக்கி, குண்டலினி உள்ளிட்ட பல்வேறு யோகங்களை எளிமைப்படுத்தி பலருக்கும் கற்பித்து, வாழ்நாளெல்லாம் மனிதகுல நன்மைக்கு பெருந்தொண்டாற்றியவர் அருட்தந்தை வேதாத்திரி மகரிஷி. 

நவகிரகங்களிலிருந்து வரும் காந்த அலைகளை ஏற்புடையதாகவும், தீமை செய்யும் அலைகளை நல்லவையாகவும் மாற்றும் சூட்சும வித்தையையும் "பஞ்சபூத நவகிரகத் தவம்' என்னும் தியான முறையாக அவர் வடிவமைத்துத் தந்துள்ளார். 
உலகெங்குமுள்ள அவரது லட்சக்கணக்கான அடியவர்கள் இதைச் செய்து பயன்பெறுகின்றனர்.

பஞ்சபூதங்களின்மீதும் நவகிரகங்களின் மீதும் மனதையும் அறிவையும் செலுத்தி தவம் செய்வதையே பஞ்சபூத நவகிரகத் தவம் என்கிறோம். 
நட்சத்திரங்கள், கோள்களின் இயக்கத்தால் ஏற்படும் காந்த ஆற்றல் நிலவுலகில் வாழும் உயிர்களை பாதிக்கின்றன. 
குறிப்பாக மனிதர்களின் உயிருக்கும், உடலுக்கும், மனதிற்கும் நன்மை, தீமைகளை ஏற்படுத்துவதாய் அமைகின்றன. 
மனித மனம் விரியும்பட்சத்தில், நமது வாழ்வில் மகிழ்ச்சியையும் நன்மையையும் அள்ளித்தரும். 
அப்படி முழு அறிவைப் பெற்ற நிலையில் மனமானது அமைதியையும் நிறைவையும் பெறும். 

★விரிந்த மனதும் தெளிந்த நுண்ணறிவும் வாழ்வில் வெற்றியை ஏற்படுத்தும். 

பிரபஞ்சப் பொருட்கள் அனைத்தும் பஞ்சபூதங்களால் ஆனவை. நாமும் பஞ்சபூதங்களால் ஆனவர்கள். 
பருவுடல் - நிலம். 
ரத்தம் - நீர். 
உடல் சூடு - நெருப்பு. 
மூச்சு - காற்று. 
உயிர் - ஆகாயம். 

ஆகாயமே மற்ற பூதங்களிலும் மனிதர்களுக்குள்ளும் இருப்பதால், ஐந்து பூதங்களையும் பிரபஞ்சத்தையும் மனித மனதால் உணரமுடியும். 
அந்த ஆகாயமே உயிராகவும் இருப்பதால் உயிர்க்கலப்பு எதனோடும் ஏற்பட முடியும். 
நிலம், நீர், நெருப்பு, காற்று, விண் என்று ஒவ்வொரு பூதத்தின் பெருமை உணர்தல், உயிர்க் கலப்புப் பெறுதல், உற்பத்தி ரகசியம் தெரிந்துகொள்ளல், காப்புப் பெறுதல், பயன்கொள்ளல் என்பனவற்றை உணர்ந்து தியானித்தலே பஞ்சபூதத் தவம் எனப்படுகிறது. 

★ அடுத்து நட்சத்திரம், கோள்களை நினைத்து நவகிரகத் தவம் செய்ய வேண்டும். சூரியன், புதன், சுக்கிரன், சந்திரன், செவ்வாய், வியாழன், சனி, ராகு, கேது ஆகிய கிரகங்கள் ஒவ்வொன்றிலும் மனதைச் செலுத்தவேண்டும். 
ஒவ்வொரு கிரகத்தின் பெருமை, சூரியனைச் சுற்றி வரும் காலம், நிறம், நமது எந்த உடலுறுப்போடு தொடர்புள்ளது என்பவற்றைத் தெரிந்து தியானிக்க வேண்டும். 
அந்த கிரகங்கள் நமக்கு செய்யக்கூடிய நன்மைகள், அந்த கிரகத்திலிருந்து வரக்கூடிய அலைகளை நாம் ஏற்றுப் பயன் கொள்ள வேண்டும். 

★ அந்தந்த கிரகத்தினுடைய ரசாயன அமைப்பிற்குத் தக்கவாறும், மனிதர்களுடைய கருவமைப்பிற்குத் தக்கவாறும் கோள்களிலிருந்து வரும் அலைகளின் பாதிப்பு அமையும். 
கிரகங்களிடம் நட்புணர்வோடு உயிர்க்கலப்பு பெறுவதால், அதனால் ஏற்படும் பாதிப்பு குறையும் என்பதையும், நன்மைகள் விளையும் என்பதையும் புரிந்துகொள்ள வேண்டும். 

★ பஞ்சபூதத் தவம் செய்யும் முறை 
முதலில் கீழுள்ள நான்கு வேண்டுதல்களை மும்மூன்று முறை சொல்லி தியானிக்கவும்.

1. காப்பு: அருட்பேராற்றல் இரவும் பகலும், எல்லா நேரங்களிலும் எல்லா இடங்களிலும் எல்லாத் தொழில்களிலும் உறுதுணையாகவும் பாதுகாப்பாகவும் வழிநடத்துவதாகவும் அமைவதாக. 

2. இடத்தூய்மை: நாம் அமர்ந்துள்ள இடத்தைச் சுற்றிலும் நல்ல தெய்வீக ஆற்றலே நிரம்பின. 

3. அருட்பேராற்றல் உடலிலே, உயிரிலே அலை அலையாகப் பாய்ந்து நிரம்புவதை உணர்கிறேன். 

4. அன்னைக்கு வணக்கம்; தந்தைக்கு வணக்கம்; ஆசான் வேதாத்திரி மகரிஷி அவர்களுக்கு வணக்கம். 

இதன்பின் பஞ்சபூதங்களில் ஒன்றான மண் என்ற தத்துவத்தின்மீது தவத்தைத் தொடங்குவோம். நிலத்திற்கு அறிகுறியாக இந்தப் பூவுலகையே மனதில் கொள்வோம். 

● இந்தப் பூவுலகம் மிகப்பெரியது. 25,000 மைல் சுற்றளவுடையது. மண், உலோகங்கள், ரசாயனங்கள் போன்றவற்றாலானது. 
தன்னைத்தானே மணிக்கு 1,000 மைல் வேகத்தில் சுற்றிக்கொள்கிறது. சூரியனின் பாதையில் நாள் ஒன்றுக்கு சுமார் 16 லட்சம் மைல் ஓடுகிறது. இத்தகைய வியத்தகு கோள் இந்த நிலம். 

● இதன் பெருமையையும் மதிப்பையும் மன விரிவுகொண்டு மதித்துப் போற்றுவோம். 

● இதனோடு ஒன்றிக்கலந்து உயிர்த் தொடர்புகொண்டு, அதனுடைய தெய்வீகத் தன்மையை கிரகித்துக்கொள்வோம். 

● பிரபஞ்சப் பரிணாமத்தில் மண்ணின் உற்பத்தி ரகசியத்தை உணர்ந்து கொள்வோம். 

● இந்த நிலவுலகம் என்ற மண்ணினாலும், மண்ணிலிருந்தும் வாழ்நாள் முழுமைக்கும் காப்புப் பெறுவோம். 

● மண்ணைப் பயனுள்ள முறையிலே பயன்படுத்திக்கொள்ளத்தக்க விஞ்ஞானத்தை வளர்த்துக்கொள்வோம். 
மண் என்ற நிலவுலகின்மீது மனம் செலுத்தி தவம் இயற்றுவோம். 

(இரண்டு நிமிடம் உலகத்தை எண்ணி தியானிக்கவும்.)

அடுத்து பிரபஞ்சப் பரிணாமத்தில் நான்காவது தத்துவமாகிய நீரின்மீது தவம் தொடங்குவோம். 

● இந்தப் பூவுலகம் நூற்றுக்கு 72 பாகம் நீரால் சூழப்பட்டுள்ளது. நீரினுடைய இருப்பை மேகங்களிலும், தாவரங்களிலும், உயிரினங்களிலும் நாம் காணமுடிகிறது. நீர் உயிர்களின் வாழ்க்கைக்கு எவ்வளவு அவசியம் என்பதைத் தெரிந்துகொள்கிறோம். 

● நீரின் பெருமையையும் மதிப்பையும் மனவிரிவு கொண்டு மதித்துப் போற்றுவோம். 

● நீரோடு ஒன்றிக் கலந்து உயிர்க்கலப்புப் பெறுவோம்.

● பிரபஞ்சப் பரிணாமத்தில் நீரின் உற்பத்தி ரகசியத்தை உணர்ந்து கொள்வோம். 

● நீரிலிருந்தும், நீரினாலும் வாழ்நாள் முழுமைக்கும் காப்புப் பெறுவோம். 

● நீரைப் பயனுள்ள முறையிலே பயன்படுத்துகின்ற விஞ்ஞானத்தை வளர்த்துக் கொள்வோம். 
நீரின்மீது மனம் செலுத்தித் தவம் இயற்றுவோம்.

(இரண்டு நிமிடம் தியானிக்கவும்). 

பிரபஞ்சப் பரிணாமத்தில் மூன்றாவது தத்துவமாகிய நெருப்பின்மீது தவம் இயற்றுவோம். 

● பூமி தன்னைத்தானே வேகமாகச் சுற்றிக் கொண்டிருக்கிறது. அதனால் அதன் கனத்த அணுக்களெல்லாம் நடுமையத்தில் நெருக்கமாகக் கூடிக்கொண்டிருக்கின்றன. 
அந்த நெருக்கத்தால் அணுச்சிதைவு ஏற்பட்டு எப்பொழுதும் ஒரு பெரிய நெருப்பு பூமியின் நடுமையத்தில் ஏற்பட்டுக்கொண்டேயிருக்கிறது. 
அதனுடைய கனல் பூமியின் மேற்பகுதி வரை வந்து, அங்கு வாழும் உயிர்களுக்கு ஆக்கமும் ஊக்கமும் அளித்துக் கொண்டேயிருக்கிறது. 
அந்தப் பெருநெருப்பையே தவத்திற்கு மனதில் கொள்வோம். 

● நெருப்பின் பெருமையையும் மதிப்பையும் மனவிரிவு கொண்டு மதித்துப் போற்றுவோம். 

● நெருப்போடு ஒன்றிக் கலந்து, உயிர்க்கலப்புப் பெறுவோம். 

● பிரபஞ்சப் பரிணாமத்தில் நெருப்பின் உற்பத்தி ரகசியத்தை உணர்ந்து கொள்வோம். 

● நெருப்பிலிருந்தும், நெருப்பினாலும் வாழ்நாள் முழுமைக்கும் காப்பு பெறுவோம்.

● நெருப்பைப் பயனுள்ள முறையில் பயன்படுத்துகின்ற விஞ்ஞானத்தை வளர்த்துக் கொள்வோம். 

● நெருப்பின்மீது மனம் செலுத்தித் தவம் இயற்றுவோம்.

(இரண்டு நிமிடம் தியானிக்கவும்). 

பிரபஞ்சப் பரிணாமத்தில் இரண்டாவது தத்துவமாகிய காற்றின்மீது தவத்தைத் தொடங்குவோம். 

● நிலவுலகைச் சுற்றி சுமார் 19 மைல் உயரத்திற்கு அடர்த்தியாகவும், அதற்கு மேல் லேசாகவும் கவசம்போல் சூழ்ந்து காற்று இயங்கிக் கொண்டிருக்கின்றது. 

● உயிர்களின் வாழ்க்கைக்கு காற்று எவ்வளவு அவசியம் என்பதை உணர்வோம். 

● மனவிரிவு கொண்டு காற்றின் பெருமையையும் மதிப்பையும் உணர்ந்து போற்றுவோம். 

● அதனோடு ஒன்றிக்கலந்து, உயிர்த்தொடர்பு கொண்டு அதனுடைய தெய்வீகத் தன்மையை கிரகித்துக் கொள்வோம். 

● பிரபஞ்சப் பரிணாமத்தில் காற்றின் உற்பத்தி ரகசியத்தை உணர்ந்து கொள்வோம். 

● காற்றிலிருந்தும், காற்றினாலும் வாழ்நாள் முழுமைக்கும் காப்புப் பெறுவோம். 

● காற்றைப் பயனுள்ள முறையில் பயன்படுத்திக் கொள்ளத்தக்க விஞ்ஞானத்தை வளர்த்துக்கொள்வோம். 
காற்றின்மீது மனம் செலுத்தித் தவம் இயற்றுவோம்.

(இரண்டு நிமிடம் தியானிக்கவும்). 

பிரபஞ்சப் பரிணாமத்தில் முதல் தத்துவமாகிய விண்ணின்மீது தவம் தொடங்குவோம். 

● இந்தப் பிரபஞ்சத் தோற்றங்களுக்கெல்லாம் காரணமாகிய நுண்ணிய மூலக்கூறுதான் விண் என்ற உயிராற்றல். 
நம் உடலில் உயிராற்றலாகவும், பிரபஞ்சம் முழுவதும் ஆற்றல் களமாகவும் எங்கும் நீக்கமற நிறைந்துள்ளது விண். 
இந்த விண்ணின் சேர்க்கைதான் நிலம், நீர், நெருப்பு, காற்று என்ற மற்ற நான்கு பூதங்களும். 

● மனவிரிவு கொண்டு விண்ணின் பெருமையையும் மதிப்பையும் உணர்ந்து போற்றுவோம். 

● அதனோடு ஒன்றிக்கலந்து, உயிர்க்கலப்புப் பெற்று அதனுடைய தெய்வீகத் தன்மையை கிரகித்துக் கொள்வோம். 

● பிரபஞ்சப் பரிணாமத்தில் விண்ணின் உற்பத்தி ரகசியத்தை உணர்ந்து கொள்வோம். 

● விண்ணிலிருந்தும், விண்ணினாலும் எல்லா நேரங்களிலும், எல்லா இடங்களிலும், எல்லாத் தொழில்களிலும் காப்புப் பெறுவோம். 

● விண்ணைப் பயனுள்ள முறையில் பயன்படுத்தும் விஞ்ஞானத்தை அறிந்துகொள்வோம். 
விண்மீது மனம் செலுத்தித் தவம் இயற்றுவோம். 

(பிரபஞ்சம் முழுவதும் உள்ள விண் நிறைந்த சக்திக் களத்தை நோக்கி இந்தத் தவத்தை இரண்டு நிமிடம் இயற்றவேண்டும்.) 

★நவகிரகத் தவம் 
விண் நிறைந்த சக்திக் களமாகிய பிரபஞ்சத்தில் பலகோடி நட்சத்திரங்களைப் பார்க்கின்றோம். 
ஒவ்வொரு நட்சத்திரமும் ஒரு சூரியனே. அவற்றில் ஒரு நட்சத்திரம்தான் இப்பூவுலகம் சுற்றி வந்துகொண்டிருக்கும் சூரியன். 
சூரியனையும் அதைச் சார்ந்த கோள்களையும் நவகோள்கள் என்று அழைக்கிறோம். 
சூரியக் குடும்பத்தைச் சேர்ந்த எல்லாக் கோள்களிலிருந்தும் வருகின்ற காந்த அலைகளும், மனிதனின் உடலோடும் உயிரோடும் நேரடியான தொடர்புள்ளவை. 
இப்பொழுது இக்கோள்களின்மீது மனம் செலுத்தித் தவம் இயற்றுவோம். 

சூரியன்மீது தவம் தொடங்குவோம். 

● சூரியன் ஒரு மாபெரும் நெருப்புக்கோளம். இதன் விட்டம் 8.7 லட்சம் மைல் என்று கணக்கிட்டுள்ளார்கள். சூரியன் பூமியைவிட 1,400 மடங்கு உருவத்தில் பெரியது. 25 நாட்களுக்கு ஒரு சுற்று வீதம் தன்னைத்தானே சுற்றிக் கொள்கிறது. 

● சூரியன் ஆரஞ்சு நிறமான காந்த அலைக்கதிர்களை வீசிக்கொண்டுள்ளது. இக்கதிர்கள் நம் உடலிலுள்ள எலும்போடு தொடர்புடையவை. 

● சூரியனுடைய காந்த அலைக்கதிர்கள் வாழ்வில் வெற்றியையும் அறிவு மேன்மை, கல்வி மேன்மை, வாழ்க்கை வளங்கள் இவையனைத்தையும் அளிக்க வல்லவை. 

● சூரியனின் காந்த அலைக்கதிர்களை ஏற்று நம் உடலோடும் உயிரோடும் ஒன்றுபடுத்திக் கொள்வோம். அவை எப்பொழுதும் நமக்கு நன்மையே செய்து கொண்டிருக்குமாக. 
சூரியனின்மீது மனம் செலுத்தித் தவம் இயற்றுவோம்.

(இரண்டு நிமிடம் தியானிக்க வேண்டும்.) 

புதன் என்ற கோள்மீது தவம் இயற்றுவோம். 

● சூரியனிலிருந்து சுமார் மூன்று கோடி மைல்களுக்கப்பால் முதல் வட்டப் பாதையில் சூரியனை வலம்வந்து கொண்டிருக்கக்கூடிய கோள் புதன். இதன் விட்டம் 3,030 மைல்கள். இது சூரியனை ஒருமுறை சுற்றிவர 88 நாட்களை எடுத்துக்கொள்கிறது. 

● புதன், பசுமை நிறமான காந்த அலைக்கதிர்களை வீசிக்கொண்டுள்ளது. இக்கதிர்கள் நம் உடலில் உள்ள தோலோடு தொடர்புடையன. 

● இந்த காந்த அலைக்கதிர்கள் நமக்கு அறிவு மேன்மை, கல்வி மேன்மை, வாழ்க்கை வளங்கள் இவை அனைத்தையும் அளிக்க வல்லவை. 

● புதனுடைய பசுமை நிறமான காந்த அலைக்கதிர்களை ஏற்று நம் உடலோடும் உயிரோடும் ஒன்றுபடுத்திக்கொள்வோம். அவை நமக்கு எப்பொழுதும் நன்மையே செய்துகொண்டிருக்குமாக.
புதன் என்ற கோள்மீது மனம் செலுத்தி தவம் இயற்றுவோம்.

(இரண்டு நிமிடம் தியானிக்க வேண்டும்.) 

சுக்கிரன் என்ற கோள்மீது தவம் தொடங்குவோம். 

● இது சூரியனிலிருந்து இரண்டாவது வட்டப்பாதையில் சுமார் ஆறு கோடி மைல்களுக்கு அப்பால் சூரியனை வலம் வந்துகொண்டிருக்கிறது. 
இதனுடைய விட்டம் 7,625 மைல்கள் என்று கணக்கிட்டுள்ளார்கள். இது சூரியப் பாதையில் ஒருமுறை சுற்றிவர 225 நாட்கள் எடுத்துக்கொள்கிறது. 

● சுக்கிரன் வெண்மை நிறமான காந்த அலைக்கதிர்களை வீசிக்கொண்டுள்ளது. இக்கதிர்கள் நமது உடலில் உள்ள சுக்கிலத்தோடு தொடர்புடையன.

● இக்கதிர்கள் நமக்கு மனமகிழ்ச்சியையும், உயர் நட்பையும், வாழ்க்கை வளங்களையும் அளிக்க வல்லது. 

● சுக்கிரனுடைய காந்த அலைக்கதிர்களை ஏற்று நம் உடலோடும் உயிரோடும் ஒன்றுபடுத்திக்கொள்வோம். அவை நமக்கு எப்பொழுதும் நன்மையே செய்துகொண்டிருக்குமாக. 
சுக்கிரன் என்ற கோள்மீது மனம் செலுத்தி தவம் இயற்றுவோம்.

(இரண்டு நிமிடம் தியானிக்க வேண்டும்.) 

சந்திரன் என்ற கோள்மீது தவம் இயற்றுவோம். 

● சூரியனிலிருந்து மூன்றாவது வட்டப்பாதையில் சுமார் ஒன்பது கோடியே முப்பது லட்சம் மைல்களுக்கு அப்பால் சூரியனை சுற்றிவந்து கொண்டிருக்கும் கோள் பூவுலகம். 
இப்பூவுலகிலிருந்து சுமார் 2,40,000 மைல்களுக்கு அப்பால் இப்பூவுலகை வலம் வந்துகொண்டிருக்கும் துணைக்கோள் சந்திரன். 
இதனுடைய விட்டம் 2,175 மைல்கள் என்று கணக்கிட்டுள்ளார்கள். இது ஒருமுறை பூமியைச் சுற்றிவர சுமார் 29 நாட்கள் எடுத்துக்கொள்கிறது. 

● சந்திரன் வெண்மை நிறமான காந்த அலைக்கதிர்களை வீசிக்கொண்டிருக்கிறது. இக்கதிர்கள் நம் உடலிலுள்ள ரத்தத்தோடு தொடர்புடையன. 

● இந்த காந்த அலைக்கதிர்கள் நம் உடலில் ஓடும் ரத்த ஓட்டத்தை சீரமைப்பது; அறிவு வளம், வாழ்க்கை வளங்கள் ஆகியவற்றை அளிக்கவல்லது. 

● சந்திரனுடைய காந்த அலைக்கதிர்களை ஏற்று நம்மோடு ஒன்றுபடுத்திக் கொள்வோம். 

● அவை எப்பொழுதும் நமக்கு நன்மையே செய்துகொண்டிருக்குமாக. 
சந்திரன் என்ற கோள்மீது மனம் செலுத்தி தவம் இயற்றுவோம்.

(இரண்டு நிமிடம் தியானிக்கவும்.) 

செவ்வாய் என்ற கோள்மீது தவத்தைத் தொடங்குவோம். 
சூரியனிலிருந்து நான்காவது வட்டப் பாதையில் சுமார் 14 கோடி மைல்களுக்கு அப்பால் சூரியனை வலம்வந்து கொண்டிருக்கும் கோள் செவ்வாய். 

இதனுடைய விட்டம் 4,300 மைல்கள். இது சூரியனை ஒருமுறை சுற்றிவர 18 மாதங்களை எடுத்துக்கொள்கிறது. 

● செவ்வாய் செந்நிறமான காந்த அலைக்கதிர்களை வீசிக்கொண்டுள்ளது. இக்கதிர்கள் நம் உடலிலுள்ள மஜ்ஜையோடு தொடர்புடையன. 
இந்த காந்த அலைக்கதிர்கள் விஞ்ஞான அறிவையும் மெய்யறிவையும் தைரிய உணர்வையும் வாழ்க்கை வளத்தையும் அளிக்கவல்லவை. 

● செவ்வாயினுடைய காந்த அலைக்கதிர்களை ஏற்று நம் உடலோடும் உயிரோடும் ஒன்றுபடுத்திக்கொள்வோம். 

● இவை எப்பொழுதும் நமக்கு நன்மையே செய்துகொண்டிருக்குமாக. 
செவ்வாய் என்ற கோள்மீது மனம் செலுத்தி தவம் இயற்றுவோம்.

(இரண்டு நிமிடம் தியானிக்க வேண்டும்.) 

குரு என்ற ஆற்றல்மிக்க கோள்மீது தவம் இயற்றுவோம். 
சூரியனிலிருந்து ஐந்தாவது வட்டப்பாதையில் சுமார் 48 கோடி மைல்களுக்கு அப்பால் சூரியனை வலம் வந்துகொண்டிருக்கும் கோள் குரு. 
இதனுடைய விட்டம் 88,000 மைல்கள் என்று கணக்கிட்டுள்ளார்கள். இது சூரியப் பாதையில் ஒரு சுற்று முடிக்க 12 ஆண்டுகள் எடுத்துக்கொள்கிறது. 

● குரு பொன்னிறமான காந்த அலைக் கதிர்களை வீசிக்கொண்டுள்ளது. இக்கதிர்கள் நம் மூளைசெல்களோடு தொடர்புடையன. 
குருவினுடைய காந்த அலைக்கதிர்கள் மெய்யுணர்வையும் அனைத்து வாழ்க்கை வளங்களையும் அளிக்கவல்லன. 

● குருவினுடைய காந்த அலைக்கதிர்களை ஏற்று நம் உடலோடும் உயிரோடும் ஒன்று படுத்திக் கொள்வோமாக. 

● அவை நமக்கு எப்பொழுதும் நன்மையே செய்துகொண்டிருக்குமாக. 
குரு என்ற கோளின்மீது  செலுத்தி தவம் இயற்றுவோம்.

(இரண்டு நிமிடம் தியானிக்க வேண்டும்.) 

சனி என்ற ஆற்றல்மிக்க கோள்மீது தவம் இயற்றுவோம். 
சூரியனிலிருந்து ஆறாவது வட்டப் பாதையில் சுமார் 88 கோடி மைல்களுக்கு அப்பால் சூரியனை வலம்வந்து கொண்டிருக்கும் கோள் சனி. 
இதனுடைய விட்டம் 75,000 மைல்கள் என்று கணக்கிட்டுள்ளார்கள். இது சூரியப் பாதையில் ஒரு சுற்றுவர 30 ஆண்டுகள் எடுத்துக்கொள்கிறது. 
சனி சாம்பல் நிறமான காந்த அலைக் கதிர்களை வீசிக்கொண்டுள்ளது. இந்தக் கதிர்கள் உடலில் உள்ள நரம்புகளோடு தொடர்புடையன. 

● சனியினுடைய இந்த சாம்பல் நிறமான காந்த அலைக்கதிர்கள் நீண்ட ஆயுளையும் உடல்நலத்தையும் அளிக்கவல்லன. 

● சனியினுடைய காந்த அலைக்கதிர்களை ஏற்று நம் உடலோடும் உயிரோடும் ஒன்றுபடுத்திக்கொள்வோம். அவை நமக்கு எப்பொழுதும் நன்மையே செய்து கொண்டிருக்குமாக. 
சனி என்ற கோள்மீது மனம் செலுத்தி தவம் இயற்றுவோம். (இரண்டு நிமிடம் தியானிக்கவும்.) 

ராகு, கேது என்ற காந்த அலைப் பாதைகளின்மீது தவம் இயற்றுவோம். 
சூரியனுடைய மையத்தில் அணுக்கள் செயலற்று நின்றுவிடுகின்றன. 
அவை சுத்தவெளியாக, பிரம்மமாக மாறிக்கொண்டிருக்கும் நிலை. 
மேலும் அவை மிகவே, அங்கு நிற்க முடியாமல் ஒரு கோடுபோல் சூரியனின் மையத்தில் ஆரம்பித்து பிரபஞ்சத்தையெல்லாம் கடந்து சுத்தவெளியுடன் கலந்துகொண்டிருக்கின்றன. 
இவ்வாறு சூரியனின் இருபுறமும் எப்பொழுதும் இயங்கிக்கொண்டிருக்கக்கூடிய கருநிறமான காந்த அலைப் பாதைகளைத்தான் ஒரு புறம் ராகு என்றும், மறுபுறம் கேது என்றும் கூறுகிறோம். 

● ராகு, கேது காந்த அலைப் பாதைகளிலிருந்து கருமை நிறமான காந்த அலைக் கதிர்கள் வீசிக்கொண்டுள்ளன. இக்கதிர்கள் நம் உடலில் உள்ள ஓஜஸ் என்ற சுத்த சக்தியோடு தொடர்புகொள்கின்றன. 

● இந்த காந்த அலைகள் மெய் விளக்கம், உடல்நலம், வாழ்க்கை வளங்கள் ஆகியவற்றை அளிக்கவல்லன. 

● ராகு, கேதுவின் காந்த அலைகளை நாம் ஏற்று உடலோடும் உயிரோடும் ஒன்றுபடுத்திக்கொள்வோம். 

● அவை நமக்கு எப்பவாழ்வில் நன்மையே செய்துகொண்டிருக்குமாக. 
ராகு, கேது காந்த அலைப்பாதைகளின்மீது மனம் செலுத்தி தவம் இயற்றுவோம். (இரண்டு நிமிடம் தியானிப்போம்). 

★ பிரபஞ்சக் களம் 
இப்பேரியக்க மண்டலம் என்ற பிரபஞ்சக் களத்தில் சூரிய குடும்பத்தைப் போல் கோடானுகோடி சூரியக் குடும்பங்கள் உள்ளன. 
அவற்றையெல்லாம் நட்சத்திரங்கள் என்று அழைக்கின்றோம். 
இப்படி பிரபஞ்சம் முழுவதும் உள்ள எல்லா நட்சத்திரக்கூட்டங்களையும் மேஷம், ரிஷபம், மிதுனம், கடகம், சிம்மம், கன்னி, துலாம், விருச்சிகம், தனுசு, மகரம், கும்பம், மீனம் என்ற 12 தொகுதிகளாகப் பிரித்துள்ளனர். 
இந்த அனைத்து நட்சத்திரத் தொகுதிகளிலிருந்து காந்த அலைகள் வீசிக்கொண்டிருக்கின்றன. 
இக்காந்த அலைகள் நமக்கு நன்மையே செய்துகொண்டிருக்குமாக. 

★ மெய்ப்பொருள் 
பிரபஞ்சக் களத்தைக் கடந்து மனதை விரிக்கிறோம். எல்லையற்றதாக இருக்கின்ற சுத்தவெளி, மெய்ப்பொருள். 
அதே மெய்ப் பொருள் இப்பேரியக்க மண்டலம் முழுவதிலும் ஒவ்வொரு அணுவுக்கு மத்தியிலும் இரண்டு அணுக்களுக்கு இடையேயும் இருப்பதை உணர்கிறோம். 
இந்த மெய்ப்பொருள் என்ற சுத்த வெளியே நமக்குள்ளாக அறிவாக இயங்கிக்கொண்டிருப்பதையும் உணர்கிறோம். 
அந்த மெய்ப்பொருள் என்ற சுத்த வெளியே நமக்குள்ளாக கெட்டிப் பொருளான உடல், ரத்த ஓட்டம், வெப்ப ஓட்டம், காற்று, உயிர் என்ற ஐந்து பௌதிகப் பிரிவுகளாக இயங்குவதை உணர்கிறோம். 
இவை எல்லாவற்றையும் அவ்வறிவே ஆண்டுகொண்டிருப்பதையும் உணர்கிறோம். 
இதேபோன்று ஒவ்வொரு மனிதரிடத்தும் ஒவ்வொரு உயிரிடத்தும் அமைந்திருப்பதையும் உணர்கிறோம்.
இவ்வாறு மெய்ப்பொருள் என்ற பிரம்மமே பரிணாமத்தில் எல்லா உயிர்களாகவும் வந்துள்ளன என்பதை உணர்ந்து, 
எந்தவொரு உயிருக்கும் துன்பம் செய்விக்காமலும்; எங்கு, எந்தவொரு உயிர் துன்பப்பட்டாலும் அந்த துன்பத்தை போக்குமளவிற்கு நம் செயல்களை ஒழுங்குபடுத்திக் கொண்டு கருணையோடும் வாழமுயல்வோம். 
இந்த விரிவான மனநிலையில் எப்பொழுதும் நாம் மறவாது மனதில் கொண்டு வாழ்வில் சிறப்பாக வாழ செயல்பட முயல்வோம். 

★ அருட்பேராற்றலின் கருணையினால் உடல்நலம், நீளாயுள், நிறைசெல்வம், உயர்புகழ், மெய்ஞ்ஞானம் ஓங்கி வாழ்வோம். 
வாழ்க வையகம்! வாழ்க வையகம்! வாழ்க வளமுடன்!
நம் மனதில் அமைதி நிலவட்டும்! 
நம்மைச் சுற்றிலும் அமைதி நிலவட்டும்! 
உலகம் முழுவதும் அமைதி நிலவட்டும்! 
அமைதி! அமைதி! அமைதி! 

★ பஞ்சபூத நவகிரகத் தவத்தின் பயன்கள் 
நமக்குத் தெரிந்தோ தெரியாமலோ கோள்களிலிருந்தும் பொருட்களிடமிருந்தும் மக்களிடமிருந்தும் அலைகள் வந்துகொண்டே இருக்கும். அந்த அலைகள் நமக்கு சாதகமாகவும் பாதகமாகவும் இருக்கலாம். 
பாதகம் என்பது வெளியிலிருந்து வரக்கூடிய ஆற்றல் நம்மிடையே இருக்கக்கூடிய ஆற்றல்மீது அதிக அழுத்தம் தருமானால், அதைத் தாங்க முடியாதபொழுது அது துன்பத்திற்குரியதாக மாறுகிறது. அதைத்தாங்கும் பொழுது அதுவே இன்பமாக மாறுகிறது. 
நமக்கு எப்போதுமே கோள்களிலிருந்து வரக்கூடிய அலையினாலும், பொருட்களிடமிருந்து வரக்கூடிய அலையினாலும், நாம் செய்கின்ற செயல்களிலிருந்து வரக்கூடிய அலையினாலும் அதிகமாக பாதிக்கப்படாத நிலையான தாங்கும் சக்தி அவசியம். 
அந்த ஆற்றலை ஏற்படுத்திக் கொள்வதற்காக நாம் நமது உடல், உயிர், சீவகாந்தம், மனம் என்ற நான்கையும் சேர்த்து ஒவ்வொரு பஞ்சபூதப் பிரிவோடும் இணைக்கவேண்டும். 
இந்தப் பிரபஞ்சத்தைப் பற்றிய அறிவு என்பது பஞ்சபூதங்களின் நன்மையை உணர்ந்து கொள்வதுதான். ஏனென்றால் பஞ்சபூதங்களையும் அதிலிருந்து வரக்கூடிய விளைவுகளையும் தவிர வேறொன்றையும் மனிதன் அறிவதில்லை. 
எனவே, இதையெல்லாம் அறிந்துகொள்வதற்குரிய சங்கற்பத்தை எடுத்துக்கொள்ள வேண்டும். 

★ பஞ்சபூதத் தவம் செய்வதன் மூலமாக எந்தப் பொருளோடும் சக்தியோடும் இணைந்து பயன்கொள்ள முடிகிறது. 
எந்தப் பொருள் சக்தியாலும் விளையக்கூடிய தீமைகளிலிருந்தும் காப்பு பெறமுடிகிறது. 
அந்தப் பொருள் சக்தியைப் பற்றிய முழு விளக்கமும் தெளிவும் பெற்றுக்கொள்ள முடிகிறது. 
உடலுக்கும் உயிருக்கும் ஆக்கம் கிடைக்கிறது. நோய் எதிர்ப்பு சக்தி கூடுகிறது. 
ஒவ்வொரு கோளும் பல ரசாயனங்களைக் கொண்டு பரிணாமம் அடைந்ததற்குத் தக்க வாறு அலை வீசிக்கொண்டே இருக்கின்றது. 
ரசாயன அம்சங்கள் அடைந்த அந்த அலை எந்தப் பொருள்மீது வீசுகிறதோ, அந்தப் பொருளிலே அந்த அலையின் தன்மை அத்தனையும் தூண்டிவிடும். 
ஒன்பது கோள்களின் தன்மைகளும், அதன் அலைகளும் வந்துகொண்டே இருக்கின்றன. 
உடலுக்கு ஆறுவகையில் ரசாயன மாற்றங்கள் உண்டாகின்றன. 
கருவமைப்பு, உணவு, எண்ணம், செய்கை, கோள்களின் சஞ்சாரம், சந்தர்ப்ப மோதல் என்ற ஆறு வகையில் உண்டாகின்ற ரசாயன வேகத்திற்குத் தக்கவாறு காந்தக் களம், மின்சாரக் களம் மற்றும் இயந்திரக் களம் எல்லாமே பாதிக்கப்படுகின்றன. 

★ நாம் இருக்கக்கூடிய நிலையை மாற்றிக் கொள்ளும்போது, நம்மை பாதிக்கக்கூடிய அலைகளைக்கூட நல்ல அலைகளாக மாற்றி, நமக்கு இனிமையான அலைகளாக மாற்றி ஏற்பு சக்தியைப் பெற்றுக்கொள்கிறோம். 

நமக்கு தீமை வராமல் தாங்கும் சக்தியைப் பெறுவதற்கு, ஒவ்வொரு கோள்களோடும் தொடர்புகொண்டு; மனத்தாலே அந்த அலையோடு தொடர்புகொண்டு, உயிர்க்கலப்புப் பெற்று சங்கற்பம் எடுத்துக்கொள்கிறோம். 
ஒன்பது கோள்களிலிருந்தும் வரக்கூடிய எந்த அலையும் நமக்கு ஒத்ததாகவே இருக்க வேண்டும் என்று ஏற்புச் சக்தியை ஏற்படுத்திக் கொள்கிறோம்

-- அருட்தந்தை வேதாத்திரி மகரிஷி