பளிச் னு ஒரு தத்துவம்

*வாழ்க வையகம்!*

*வாழ்க வையகம்!*

*வாழ்க வளமுடன்!!*

*பளிச் - னு ஒரு தத்துவம்* 

*(13/12/2019)*

*எவை கட்டுப்படுத்த முடியும்? எவை கட்டுப்படுத்த முடியாது?*

*ஒருவர் தனது எண்ணங்களை, பேசும் சொற்களை, செய்யும் செயல்களை, தான் நடந்து கொள்ளும் முறைகளை, புலன்களை,   தனது நற்பண்புகள், ஒழுக்கம் ,தவம் , தன்னை ஆராய்ச்சி செய்வதின் மூலமாக ,  தனது களங்கங்களை போக்கி , இவை அனைத்தையும் ஒருவர் கட்டுப்படுத்திக் கொள்ள முடியும்.*

*எவையெல்லாம் கட்டுப்படுத்த முடியாது.? தனது எண்ணம் சொல் செயல்களின் விளைவுகளை கட்டுப்படுத்த முடியாது. பிறரது எண்ணம் , சொல், செயல்கள் நடந்து கொள்ளும் முறைகளை, இயற்கையின் சட்டத்தினை  கட்டுப்படுத்த முடியாது.*

*இதிலிருந்து ஒன்று புரிந்து கொள்ள முடிகிறது. தன்னைத்தான் நல்ல படியாக மாற்றிக்கொள்ள முயற்சியை மேற்கொண்டால்,  எல்லாம் இயல்பாக நல்லபடியாகவே  நடக்கும்.*

*உடல், மனம்,  கட்டுப்பாட்டிற்கு எண்ணத்தையே எண்ணத்திற்கு காவல் வைக்க அருட்தந்தை அவர்கள் கூறுகிறார்கள்.*

*அன்புடன் ஜே. கே*

https://youtu.be/mCnFOPPQptc

https://youtu.be/Mr9hpoZgioE

மகிழ்ச்சியை வரவேற்போமா!!? பேரா.ஜெயலட்சுமி குமரேசன் அவர்கள்

https://youtu.be/wzUeiFBj_h8

VeWa Jul2019 - Wave12%20

VeWa Jul2019 - Wave12%20

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(24/05/2019)*

*வாழ்க வளமுடன்* வாழ்த்து அனைத்தையும் அனைவரையும் கூறிப் பார்த்துக் கொண்டே இருக்க இருக்க அதனின் Magic புரிய வரும். நம்முடன் அவை அனைத்துடனும் நல்லிணக்கம் காண முடியும். முயற்சித்துப் பாருங்களேன்.

இதை எனது அனுபவத்தில் உணர்ந்திருக்கிறேன். யாராக இருந்தாலும், எந்த பொருளாக இருந்தாலும், அதை நினைக்கும் போது அன்பு பூரித்து அதனுடன் தொடர்பு கொள்ளும் போது அது ஒரு பொருளோ, நபரோ அல்லது உயிரினமோ... நமக்கு ஒத்தும் உதவியுமாக இருக்கும்.

நாம் பிறவற்றை நேசிக்கும் போதும்,  அன்பு பாராட்டும் போதும்,  அது நம்மிடம் தானாக அதன் காந்தத் தன்மையால் நம்மை ஈர்ப்பதை உணர முடியும். உதாரணத்திற்கு நமது அலைபேசி,     ஆடை,  உணவுப்பொருள்,  நமது கண்களைக் கவரும்.. ஈர்க்கும். ஆனால் நமது பயிற்சி மூலம் அளவுமுறை கையாள வேண்டும் என்ற விழிப்புணர்வும் கூடவே வந்து நம்மை அளவு மீறாமல் நிற்க வைக்கும். வாழ்க வளமுடன் பலன் அளப்பரியது.

இது தான் நமது ஆசான் அவர்கள் கூறிய *உறவிலே கண்ட உண்மைநிலைத் தெளிவே துறவு*. ஆக.. நாம் நம் அகநோக்குப் பயிற்சி அளக்க அளிக்க.. அது நம்மை வெளி விஷயங்களில் எது  தேவை ? எது தேவையில்லை?  எந்த இடத்தில்  விழிப்புநிலையோடு இருக்க வேண்டும்?  எந்த இடத்தில் எப்படி நடந்து கொள்ள வேண்டும். என்பதை இயல்பாக அறிவுறுத்தும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(03/06/2019)*

ஒவ்வொருவருக்கும் கிடைக்கும்  விஷயங்கள்.. யாவும் ஒருவரது புண்ணியப்பதிவுகளை அதிகரிப்பதற்கும், பாவப்பதிவுகளை குறைப்பதற்கும் தான்.  கருமையத் தூய்மை பெறும் போது விழிப்புணர்வுடன் கடக்க வேண்டும்.

தவம் தற்சோதனையில் நாம் இருக்கும் போது...  பொறுமையை.... மிகப் பொறுமையாக கையாள வேண்டும்.. ஏனென்றால் நம்மிடம் இருக்கும் பாவங்கள் குறையும் போது.. பிறரிடம் கோபம் கூட தலைகாட்டும்... தவத்தின் பலன் பொறுமையை கையாள்வதில் தான் உள்ளதே தவிர கோபப்பட்டு மேலும் பாவங்களை சேர்ப்பதற்கு தவம் செய்வதில்லை யாரும்.

தன்னை மென்மேலும், தனது குறைகளை, தவறுகளை, குற்றங்களை, கண்டுணர்ந்து திருத்தித் தூய்மைபடுத்தி, பிறருக்கு நன்மைகளை தொண்டாக செய்யும் போது அன்பு சுரக்க ஆரம்பிக்கும்.

எப்படி கிணற்றில் தூர் வாரிய பிறகு அதிகம் நீர் சுரக்குமோ.. அது போல் நம் மனதில் அழுக்குகளை அகற்றும் போது அதிகம் அன்பு ஊறும்... அன்பு  சுரக்கும்.  உள்ளுணர்வாக அதை உணர முடியும்.

மனக் கழிவுகள் நீங்கும் போது, மனம் தூய்மை பெறும்.  ஆகாம்ய தீவினையிலிருந்து காப்பாற்றப் படுவோம். நல்வினை ஓங்கும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(29/05/2019)*

எப்பொழுதும் நம் மனதின் எண்ண ஓட்டங்களை ஆராய்ச்சியில் வைத்திருத்தல் நலம். எது நல்லது, தூய்மையானது எது தேவையில்லாதது, தீங்கானது என்று பிரித்து பார்க்கும் திறனை வளர்த்துக் கொண்டே இருந்தால் ..அல்லது என்பது விலகும்.

நேரத்தை பயனுள்ள முறையில் பயன்படுத்துவதே சிறப்பு.. அது செலவழிப்பது ஆகாது.

நல்ல விஷயம், நல்ல தெய்வீக எண்ணம், நம் ஆற்றலை அதிகப்படுத்துமே தவிர குறைக்காது. தேவையில்லாத சிந்தனை ஆற்றலை விரயப்படுத்தும்.

தொடர்ந்து மனதில் நற்சிந்தனைகளை தூண்டிவிட்டுக் கொண்டே இருக்க வேண்டும். ஒரு போதும் குறைகள், வம்பு, கிண்டல் கேலி, பிறரைப் பற்றி என்னவென்று தெரியாமலே கற்பனையாக வதந்திகள்  பேசுவது, பிறரை வருந்தச் செய்வதும், தன்னை வருந்தச் செய்யும் வாய்ப்பையும்... தவிர்த்து, பிறருக்கு அந்த வாய்ப்பை அளிக்காமல் இருந்தாலே நலம் உண்டாகும்.

ஏனென்றால் இன்றைய உலக செயல்களுக்கு நாம் விதைக்கும் எண்ணங்களே காரணம் என்பதை புரிந்து கொண்டால்... வீணாக நேரத்தை விரயம் செய்வதை விட்டு ஆற்றலை சேமிக்கும் நல் வழியில் ஈடுபட்டு தொண்டாற்றி இன்பம் காண்பர். தொண்டு செய்வதே நிறைவை அளிக்கும். மனம் அமைதி பெறும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(11/06/2019)*

குடும்பத்தில் உறவுகளிடையே பிணக்கு தவிர்க்க முற்படும்போது.. தன்னைத் தானே செதுக்கிக் கொள்ளும் போது,  தற்சோதனையில் இருப்பவர்களுக்கு சவால்கள் வருவது இயல்பு தான். தனது கருமையத் தூய்மை நிகழும் போது இவ்வாறான சில நிகழ்வுகளை தவிர்க்கவோ அல்லது விலகிப் போகவும் முடியாது தான். அதற்கு சூழ்நிலையை ஏற்கும் திறன் வேண்டும்.

ஒன்று செய்யலாம். எந்த இருவரிடையே பிணக்கோ, அவர்களை மனதால் நினைத்து வாழ்த்தும் போது அதி வேகமாக... அது செயல்பட ஆரம்பிக்கும். இருவரிடையே சமாதானப்பேச்சு வர ஆரம்பிப்பதை உணர முடியும்.

தன்னிடம் கோபமோ அல்லது கவலையோ வருத்தமோ ஏற்படும் போது அந்த சீவகாந்த இழப்பை சமன்படுத்த மூலாதாரத்தில் மனதை வைக்கும் போது தனக்குள் அமைதி நிலவுவதை உணர முடியும். மூச்சை கவனிக்கும் போதும் அமைதி நிலவும்.

குடும்ப வாழ்க்கையில் ஈடுபட்டு இருக்கும் போது பொறுமைக்கு சவால்கள் வரும். அங்கே தான் நம் பயிற்சி பழக்கத்தில் இருக்கும் போது   சாந்தி தவம் கைகொடுத்து உதவுகிறது. பொறுமையும் சாத்தியமாகிறது. பொறுமை வளர்த்துக் கொள்ள வேண்டுமென்றால் விட்டுக்கொடுத்தல் பழக வேண்டும். அன்பை வளர்க்க வேண்டும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(13/05/2019)*

மனதின் ஒரு ஓரத்தில்.. எதையோ.. யாரோ  ஒருவரைப் பற்றிய கணிப்பில் மனதை வைத்துக் கொண்டு, அதை சிறிது சிறிதாக கற்பனைக் கோட்டையில் பெரிதாக்கி...  சிறு விஷயங்களைக் கூடப் பெரிதாக்குவதும்,  பெரிய விஷயங்களை சிறியதாக நினைப்பதும் மனிதர்களுக்குப் பழகி விட்டது. அந்தக் கணிப்பு , தனக்கும் பிறருக்கும் துன்பம் ஏற்படாத வகையில் இன்பம் தான .... ஆனால், துன்பம் ஏற்படும் போது தானே சிக்கலே ஆரம்பமாகிறது.

எதற்காக..  ஒரு விஷயத்தை நினைத்து நினைத்து...  தன்னைத் தானே துயரப் படுத்திக் கொள்ள வேண்டும்.. அல்லது துன்பப் பட வேண்டும்?

எந்த ஒன்று மனதிற்குப் பொருந்தவில்லையோ, அதைப் பற்றி நினைக்காமல் இருக்கப் பழகிக் கொள்ளலாமே! வேறு பிடித்த விஷயத்தில் கவனத்தை திருப்பிக் கொள்ளும் ஆறறிவு அனைவருக்கும் உள்ளது.

மனதின் வீணான குழப்பங்களால்,  தெளிவு பெற மனதை அனுமதிக்கலாமே!

யாரைப் பற்றியும், எந்த கணிப்பும் வைக்கவில்லை... என்றாலே கற்பனைகளை தவிர்க்க முடியும். அவங்க இப்படி? இவங்க இப்படியா?? என்ற எண்ணம் எதற்கு??

யாராவது 'தான் எப்படி?' 'என்ன செய்ய வேண்டும்?'  'எதற்கு இந்தப் பிறப்பு ?'என்று சிந்தனையில் ஆராய்ந்தால் ஒருவருக்கொருவர் உறவுகள் ஏன் ஏற்படுத்தப்பட்டன என்று புரிந்துகொண்டு கருமையத் தூய்மை பெற முயற்சிப்பார்கள். எதைப் பற்றியும் கவலையின்றி இருக்கவும் இன்பத்தையும் துன்பத்தையும் சமநிலையில் நினைக்கப் பழக முன் வருவார்கள்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(16/05/2019)*

எப்பொழுதும் ஒன்றை நினைவில் வைத்துக் கொள்ளவேண்டும். யாராவது ஒருவரை விமர்சிக்கிறார்/ கிண்டல் செய்கிறார்..  என்றால் கேலி செய்பவரை விட  ஒரு படி மேல்நிலையில் அந்த ஒருவர் இருக்கிறார் என்று பொருள்..

என்றுமே கிண்டல், கேலியை  நினைத்து ஒரு போதும் தன்னை தாழ்த்திக் கொள்ளக் கூடாது.. தயங்கக் கூடாது. தன்னை உயர்வாக நினைத்துக் கொள்ள வேண்டும். பிறர் கேலியையும் பொருட்படுத்தக் கூடாது.

தனது முன்னேற்றப் பாதை தனது கையில், தனது உழைப்பில், தனது தன்னம்பிக்கையில்.. தான் உள்ளது.. பிறரது கையில் இல்லை.. தனது வயிற்றை 'தான்' தான் பசியாற்ற வேண்டும்.. தன் கையால் தான் உட்கொள்ள வேண்டும். அனைத்தும் அவரவர் கையில் தான் உள்ளது.. வாழ்க்கையின் இலக்கை எதிர்வரும்  ஒவ்வொரு சவால்களையும் மனோதிடத்துடன் வெற்றிகொள்ள தைரியத்தை கையில் அல்ல.. மனதில் ஏந்திக் கொள்ள வேண்டும். அதற்கு தவம் துணைபுரியும்.

மனதில் உண்மை இருந்தால் பலம் தானாக வரும். பயம் காணாமல் போய்விடும். மனோ சக்தியை அதிகரிக்க தன்னைத் தானே இயற்கையோடு இணைத்துக் கொள்ள வேண்டும். இயற்கை தான் அனைத்தும். இயற்கை வேறு நாம் வேறு அல்ல. நாம் தான் இயற்கை. அனைத்தும் இயற்கையே.. இயற்கையோடு வாழும் வாழ்க்கையே ஒருவரை உயர்த்தும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(29/04/2019)*

தனது மகிழ்ச்சி என்பது எப்பொழுதுமே.. தன்னை மகிழ்ச்சியாக வைப்பதில் தான் உள்ளது. அது என்றுமே பிறரை சார்ந்தது அல்ல.

தனது சூழ்நிலையை.. சாதகமாக்குவதும், பாதகமாக்குவதும், அவரவர் கையில் தான் உள்ளதேத் தவிர.. என்றுமே பிறர் இதற்கு காரணகர்த்தாவாக இருக்கவே முடியாது.. அவரவர் வினைப்பயனை தான்.. அவரவர் அனுபவிக்கின்றனர். அது இன்பமோ துன்பமோ எதுவாகிலும் அவரை சார்ந்ததே.. இதையே *தீதும் நன்றும் பிறர் தர வாரா!*  என்கின்றனர்.

*எதை விதைக்கிறாரோ அதையே அறுவடை செய்கின்றனர்.*

ஆனால் இன்றைய சூழ்நிலை... எல்லாவற்றிற்கும் பிறரை சாக்கிட்டே,... பிறரை காரணம் காட்டியே... மக்கள் பழக்கி விட்டார்கள் தங்கள் மனதை.

ஒரு குழந்தைக்கு தரையில் அடிபட்டது என்றால் தரையை அடித்து பழி சொல்லி பழக்குவது.. பெரியவர்கள் கண்டித்தால் அவர்களிடம் எதிர்த்து பேச பழக்குவதும்.. இதே தான் பெரியவர்களானதும் ஆபீசுக்கு லேட் ஆகி விட்டால் கூட Traffic ஐ தான் காரணம் காட்டுவது.. வண்டி பங்சர்.. அல்லது பிறவற்றை... பிறரை சாக்கிட்டே ..பழகிவிட்டனர் மக்கள்.

இந்த பழக்கத்தை எல்லாம்....  ஒருவர் தன்னை மாற்றிக் கொண்டால் மட்டுமே, தன்னை காரணம் காட்டுவதற்கும், தன்னை சாக்கிடுவதற்கும் தைரியம் வரும். எதுவென்றாலும் தன்னை சார்ந்ததே அனைத்தும் என்று நினைக்கப் பழக்கினால்.. பிறரை காரணம் காட்ட துணிய மாட்டார்கள். தன்னை எவ்வாறு மாற்றிக் கொள்ள வேண்டும் என்றும் சிந்தித்து செயல்படுவார்கள்.

தன் நினைப்பை, செயலை, ஒருவர்  மாற்றாமல், எந்த மாற்றமும் உலகில் எதிர்நோக்குவது என்பது கொஞ்சம் கடினமான விஷயம். ஆனால் அதை எளிமையாக மாற்றினால் எல்லாமே சூழ்நிலையை மகிழ்ச்சியாக எதிர்கொள்ளும் தைரியம், மனதிற்குப் புது தைரியமும், தன்னம்பிக்கையும் வருவதை உணர முடியும். உண்மையை உணர இதுவே வழி. தன்னை அறியும் மார்க்கமும் இதுவே.

அன்புடன் ஜே.கே

தினம. ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(30/04/2019)*

( குறிப்பு:   குண்டலினி யோகம் குருவின் உதவியோடு மட்டுமே பயிற்சிகளை மேற்கொள்ள வேண்டும்.)

*விசுக்தி ( Thyroid gland and para thyroid gland)* ( விஷம் + சுத்தி). நம் உடலில் இருக்கும் நச்சை முறித்து சுத்தப்படுத்துகிறது இந்த சக்கரம். இதன் மந்திரம் 'ஹம்'' என்பதாகும். 

விசுக்தி ஐந்தாவது மையமாகும். இந்த சக்கரம் பஞ்சபூதங்களில் ஆகாசத்திற்குரிய மையம். இது தொண்டையில் இருக்கிறது. இத்தவம் மூலம் தைராய்டு, பாராதைராய்டு சுரப்பிகள் நன்கு செயலூக்கம் பெறுகின்றன.

இந்த தைராய்டு சுரப்பி நமது உடலின் ஆற்றல் நிலையம் (Power house) என்று குறிப்பிடலாம். உடல்செல்களின் வளர்சிதை மாற்றத்தை பாதுகாக்கிறது ( Metabolism). சுவாச இயக்கத்துடன் தொடர்புடையது. உடலுக்குத் தேவையான அயோடின் சக்தியை 2/3 பங்கு இச்சுரப்பியில் சுரக்கும் இரண்டு ஹார்மோன்கள் மூலமாக கிடைத்து விடுகிறது. ஹைப்போதலாமஸ் மற்றும் பிட்யூட்டரி  இணைந்து இந்த ஹார்மோன்கள் சுரப்பதை ஒழுங்குபடுத்துகிறது.

இதிலிருந்து சுரக்கும் கால்சிடோனின் என்ற ஹார்மோன் எலும்பு மற்றும் பற்களுக்குத் தேவையான சுண்ணாம்புச் சத்து,  இரும்புச் சத்தை கொடுத்து விடுகிறது. இதனுடன் இணைந்து செயல்படும் பாரா தைராய்டு எலும்பில் உள்ள சுண்ணாம்புச் சத்தை இரத்தத்திற்கு அனுப்பிவிடும். எலும்பில் உள்ள சுண்ணாம்புச் சத்தை அளவிற்கு அதிகமாகக் குறைத்து விடாமல் இந்த Calcitonin சமன் செய்து கொண்டே இருக்கும். நம் உடலுக்குள்ளே இருக்கும் ஒவ்வொரு நாளமில்லா சுரப்பியும் நம் உடலில் இயங்கக் கூடிய இயற்கை மருத்துவர் என்பதை அனைவருமே இங்கு புரிந்து கொள்ள வேண்டும்.

இத்தவத்தில் மூலம் உணவு உட்கொள்ளும் திறன் இயல்பாக கட்டுப்பாட்டுக்குள் வரும்.   ஆற்றல் இருந்துகொண்டே இருக்கும்.

விண்ணை பற்றிய தெளிவான அறிவு கிடைக்கிறது.

விண் தான் உயிர்த்துகள்களாக மனித உடலில் உயிரோட்டமாக உயிராற்றலாக மாறிக் கொண்டு இருக்கிறது. உடல்நலம் சீராகிறது. மனம் உற்சாகமாக ஆற்றல் மிக்கதாக இருக்கிறது.

பிரபஞ்ச இயக்க ரகசியங்கள் மனத்திற்கு எளிதாகப் புலப்படும். பேராதார அறிவோடு  ( Universal consciouness) மனத்திற்கு தொடர்பு கிடைக்கிறது.

அறிவுக்கு நுண்ணியக்கம் ( Subtle frequency) கிடைப்பதால் உயிராற்றல் செலவை மிச்சப்படுத்துகிறது. சேமிக்கிறது. மனநிறைவு, பெருந்தன்மை, மனவிரிவு, சகிப்புத்தன்மை இத்தவத்தில் கைகூடுகிறது.
 
அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(07/05/2019)*

*ஆக்கினை சக்கரம்*

ஆறாவது சக்கரமாக உள்ளது இச்சக்கரம்.

நெற்றியில் இரு புருவங்களுக்கு மத்தியிலுள்ள பகுதியில் இந்தச் சக்கரம் அமைந்துள்ளது. “நெற்றிக் கண்’, “மூன்றாவது கண்’, “ஞானக் கண்’ என பல பெயர்களால் இந்தச் சக்கரம் அழைக்கப்படுகிறது.

மூலாதாரம் முதல் விசுத்தி வரையிலான ஐந்து சக்கரங்களும் இடகலை, பிங்கலை நாடிகள் வழியாக ஆறாவது சக்கரமான ஆக்கினையுடன் இணைக்கப்பட்டுள்ளன.

இந்த இரு நாடிகளின் வழியாக ஆக்கினை சக்கரம் பிற ஐந்து சக்கரங்களையும் ஆளுகிறது. எனவே ஆக்கினைக்கு ஆளுமைச் சக்கரம் (Commanding Chakra) என்ற பெயரும் உண்டு.

'ஆக்கினை’ என்றால் கட்டளை அல்லது ஆணை என்பது பொருள்.

இடகலை, பிங்கலை நாடிகள் வழியாக மட்டுமின்றி பீனியல், பிட்யூட்டரி போன்ற நாளமில்லா சுரப்பிகளின் வழியாகவும் ஆக்கினை சக்கரம் முழு உடலின்மீதும் ஆளுமை அல்லது ஆட்சி செலுத்துகிறது.

ஆன்மிக உணர்வுக்கு திருப்புமுனை. உள்ளொளி பூரித்து உயிருக்கு மேல்நோக்கு வேகத்தைத் தருகிறது.
பொருள் கவர்ச்சி நீங்குகிறது. தன்னிலை விளக்கம் கிடைக்கிறது. விரும்பிய நல்வழியில் நிற்கும் திறன் கிடைக்கிறது. ஆசை அளவோடு நிற்கும். விளைவறிந்த விழிப்புநிலை கிடைக்கிறது.

ஐம்புலன்களில் விரிந்த மனம் சுருங்கி ஒரே புலனாக தொடு உணர்வில் நிலைக்கிறது. ஆகாம்ய வினைகளில் இருந்து விடுபடுகிறது. 
இதில் பழகப் பழக மனம் ஆல்பா நிலையில் விநாடிக்கு 8-13 சுழல்விரைவு வந்து அமைதி நிலைக்கு வருகிறது.

தேவை, பழக்கம் சூழ்நிலைக்கு அறிவு மயங்குவதில்லை.

உடல், மனம் ஆக்கினை சக்கரம் தூய்மைப்படுத்திவிடும். மனதிலுள்ள அழுக்குகள் அனைத்தும் மறைந்துபோகும்.

சிந்தனைகளும் எண்ணங்களும் சீரடையும். மனம் பண்படும். எதிர்மறை எண்ணங்களும் எதிர்மறை குணங்களும் அறவே மறைந்துபோகும்.

இதை Pituitary gland என்று கூறுவார்கள். இளஞ்சிவப்பு நிறத்தில் மூளையின் கீழ்புறத்தில் ஜெர்சி பழம் போலத் தொங்கும். மூளைக்கு அடுத்து இது தான் உடலிலே பல சிக்கலான வேலைகளை செய்யும் உறுப்பு. இதை தலைமை சுரப்பி ( Master Gland) என்றும் நாளமில்லா சுரப்பி நடத்துநர் 'Conductor of Duckless Glands' என்று கூறுவார்கள். இது தனது கட்டளையை ஹைப்போதலாமஸிலிருந்து ( Hypothalamus) நேரடியாகப் பெறுகிறது. நாளமில்லா சுரப்பிகளுக்கு கட்டளை விடுப்பது இது தான். சமநிலையை உருவாக்கும் ஒரு சுரப்பியாகும். மற்ற நாளமில்லா சுரப்பிகள் சரிவர இயங்காத போது இதன் செயல்முறை அதிகமாகி மற்ற சுரப்பிகளின் இயக்கத்தைச் சமன்படுத்தும்.

இது இரண்டு இதழ்களினால் (Lobes)  பிரிக்கப்பட்டுள்ளது. இது சுரக்கும் ஹார்மோன் கழுத்தில் இருக்கும் தைராய்டு சுரப்பியை பராமரிக்கிறது. மற்றொரு ஹார்மோன் சிறுநீரகத்தைப் பராமரித்து வருகிறது. இந்த சுரப்பி சீராக சுரப்பதால் ஒழுக்க மேம்பாட்டை குழந்தைகளிடம் காணமுடியும்.

உயர்நிலைச் சக்கரங்களான ஆக்கினை, சகஸ்ராரம் ஆகிய இரண்டும் பஞ்சபூதங்களின் ஆளுமைக்கு அப்பாற்பட்டவை.

முதல் ஐந்து சக்கரங்களை தத்துவச் சக்கரங்கள் எனவும்; கடைசி இரு சக்கரங்களை ஆன்மிக சக்கரங்கள் எனவும் கூறுவதுண்டு.

வானவில்லின் ஆறாவது வண்ணமான “இண்டிகோ’ என்ற வண்ணமே ஆக்கினை சக்கரத்தின் வண்ணமாகும். வயலெட், நீலம் ஆகிய இரு வண்ணங்களுக்கும் இடைப்பட்ட, அந்த இருவண்ணங்களும் கலந்த ஒரு வண்ணமே “இண்டிகோ’ என்றழைக்கப்படுகிறது.

பீஜா மந்திரம்

“அம்’ (ஆன்ம்) என்பதே ஆக்கினை சக்கரத்தின் பீஜா மந்திரமாகும்.

குண்டலினி சக்தி ஆக்கினை சக்கரத்தினுள் நுழைந்து அதைத் திறக்கும்போது  எல்லாம் ஒன்றுதான் என்ற பரிபூரண நிலை உருவாகிவிடும்.

நமது மூளை செயல்பட பிராணன் அவசியம். ஆனால் “மனம்’ செயல்பட பிராண சக்தியோடு மனசக்தியும் தேவை. இந்த மனசக்தியை ஆளும் சக்கரமே ஆக்கினை சக்கரமாகும்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(07/05/2019)*

*ஆக்கினை சக்கரம்*

ஆறாவது சக்கரமாக உள்ளது இச்சக்கரம்.

நெற்றியில் இரு புருவங்களுக்கு மத்தியிலுள்ள பகுதியில் இந்தச் சக்கரம் அமைந்துள்ளது. “நெற்றிக் கண்’, “மூன்றாவது கண்’, “ஞானக் கண்’ என பல பெயர்களால் இந்தச் சக்கரம் அழைக்கப்படுகிறது.

மூலாதாரம் முதல் விசுத்தி வரையிலான ஐந்து சக்கரங்களும் இடகலை, பிங்கலை நாடிகள் வழியாக ஆறாவது சக்கரமான ஆக்கினையுடன் இணைக்கப்பட்டுள்ளன.

இந்த இரு நாடிகளின் வழியாக ஆக்கினை சக்கரம் பிற ஐந்து சக்கரங்களையும் ஆளுகிறது. எனவே ஆக்கினைக்கு ஆளுமைச் சக்கரம் (Commanding Chakra) என்ற பெயரும் உண்டு.

'ஆக்கினை’ என்றால் கட்டளை அல்லது ஆணை என்பது பொருள்.

இடகலை, பிங்கலை நாடிகள் வழியாக மட்டுமின்றி பீனியல், பிட்யூட்டரி போன்ற நாளமில்லா சுரப்பிகளின் வழியாகவும் ஆக்கினை சக்கரம் முழு உடலின்மீதும் ஆளுமை அல்லது ஆட்சி செலுத்துகிறது.

ஆன்மிக உணர்வுக்கு திருப்புமுனை. உள்ளொளி பூரித்து உயிருக்கு மேல்நோக்கு வேகத்தைத் தருகிறது.
பொருள் கவர்ச்சி நீங்குகிறது. தன்னிலை விளக்கம் கிடைக்கிறது. விரும்பிய நல்வழியில் நிற்கும் திறன் கிடைக்கிறது. ஆசை அளவோடு நிற்கும். விளைவறிந்த விழிப்புநிலை கிடைக்கிறது.

ஐம்புலன்களில் விரிந்த மனம் சுருங்கி ஒரே புலனாக தொடு உணர்வில் நிலைக்கிறது. ஆகாம்ய வினைகளில் இருந்து விடுபடுகிறது. 
இதில் பழகப் பழக மனம் ஆல்பா நிலையில் விநாடிக்கு 8-13 சுழல்விரைவு வந்து அமைதி நிலைக்கு வருகிறது.

தேவை, பழக்கம் சூழ்நிலைக்கு அறிவு மயங்குவதில்லை.

உடல், மனம் ஆக்கினை சக்கரம் தூய்மைப்படுத்திவிடும். மனதிலுள்ள அழுக்குகள் அனைத்தும் மறைந்துபோகும்.

சிந்தனைகளும் எண்ணங்களும் சீரடையும். மனம் பண்படும். எதிர்மறை எண்ணங்களும் எதிர்மறை குணங்களும் அறவே மறைந்துபோகும்.

இதை Pituitary gland என்று கூறுவார்கள். இளஞ்சிவப்பு நிறத்தில் மூளையின் கீழ்புறத்தில் ஜெர்சி பழம் போலத் தொங்கும். மூளைக்கு அடுத்து இது தான் உடலிலே பல சிக்கலான வேலைகளை செய்யும் உறுப்பு. இதை தலைமை சுரப்பி ( Master Gland) என்றும் நாளமில்லா சுரப்பி நடத்துநர் 'Conductor of Duckless Glands' என்று கூறுவார்கள். இது தனது கட்டளையை ஹைப்போதலாமஸிலிருந்து ( Hypothalamus) நேரடியாகப் பெறுகிறது. நாளமில்லா சுரப்பிகளுக்கு கட்டளை விடுப்பது இது தான். சமநிலையை உருவாக்கும் ஒரு சுரப்பியாகும். மற்ற நாளமில்லா சுரப்பிகள் சரிவர இயங்காத போது இதன் செயல்முறை அதிகமாகி மற்ற சுரப்பிகளின் இயக்கத்தைச் சமன்படுத்தும்.

இது இரண்டு இதழ்களினால் (Lobes)  பிரிக்கப்பட்டுள்ளது. இது சுரக்கும் ஹார்மோன் கழுத்தில் இருக்கும் தைராய்டு சுரப்பியை பராமரிக்கிறது. மற்றொரு ஹார்மோன் சிறுநீரகத்தைப் பராமரித்து வருகிறது. இந்த சுரப்பி சீராக சுரப்பதால் ஒழுக்க மேம்பாட்டை குழந்தைகளிடம் காணமுடியும்.

உயர்நிலைச் சக்கரங்களான ஆக்கினை, சகஸ்ராரம் ஆகிய இரண்டும் பஞ்சபூதங்களின் ஆளுமைக்கு அப்பாற்பட்டவை.

முதல் ஐந்து சக்கரங்களை தத்துவச் சக்கரங்கள் எனவும்; கடைசி இரு சக்கரங்களை ஆன்மிக சக்கரங்கள் எனவும் கூறுவதுண்டு.

வானவில்லின் ஆறாவது வண்ணமான “இண்டிகோ’ என்ற வண்ணமே ஆக்கினை சக்கரத்தின் வண்ணமாகும். வயலெட், நீலம் ஆகிய இரு வண்ணங்களுக்கும் இடைப்பட்ட, அந்த இருவண்ணங்களும் கலந்த ஒரு வண்ணமே “இண்டிகோ’ என்றழைக்கப்படுகிறது.

பீஜா மந்திரம்

“அம்’ (ஆன்ம்) என்பதே ஆக்கினை சக்கரத்தின் பீஜா மந்திரமாகும்.

குண்டலினி சக்தி ஆக்கினை சக்கரத்தினுள் நுழைந்து அதைத் திறக்கும்போது  எல்லாம் ஒன்றுதான் என்ற பரிபூரண நிலை உருவாகிவிடும்.

நமது மூளை செயல்பட பிராணன் அவசியம். ஆனால் “மனம்’ செயல்பட பிராண சக்தியோடு மனசக்தியும் தேவை. இந்த மனசக்தியை ஆளும் சக்கரமே ஆக்கினை சக்கரமாகும்.

அன்புடன் ஜே.கே