Sunday, 2 September 2018

தினம் ஒரு மாற்றம் 01/09/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (01/09/2018)

குறள் 266:.
தவஞ்செய்வார் தங்கருமஞ் செய்வார்மற் றல்லார்
அவஞ்செய்வார் ஆசையுட் பட்டு.

Tamil meaning
அடக்கமும், அன்பு நெறியும், துன்பங்களைத் தாங்கும் பொறுமையும் வாய்ந்த தவம் மேற்கொண்டவர்கள் மட்டுமே தமது கடமையைச் செய்பவர்கள்; அதற்கு மாறானவர்கள், ஆசையால் அலைக்கழிக்கப்பட்டு வீணான செயல்களில் ஈ.டுபடுபவர்கள்.

Translation:.
Commentary:.
Those discharge their duty who perform austerities; all others accomplish their own destruction, through the entanglement of the desire (of riches and sensual pleasure).

எது தேவை?  எது தேவையில்லை? எங்கே யாரிடம் எப்படிப் பேச வேண்டும்? யாரிடம் அளவுமுறை காக்க வேண்டும்? என்கிற அடிப்படை அறிவு அனைவருக்குமே உள்ளது.

இதை துல்லியமாகக் கணிப்பதற்கும், சரியான முறையில், அதாவது அளவுமுறையோடு நடந்து கொள்ளவும், பேசவும்,  நல்ல பதிவுகளை குழுவில் போடுவதற்கும் கூட அந்த அடிப்படை அறிவு அவசியமாகிறது.

அதற்குத் தான் கவனம் தேவை.  மனதை ஒருமுகப்படுத்துதல் தேவை. (Focussing mind )

ஒரு செயல் செய்யும் போதும், பேசும் போதும் யார் மனதிற்கும் இதமாக இருக்க வேண்டும். அதே சமயம் தர்ம சங்கடம் ஏற்படுத்தாமல் இருக்க வேண்டும். மனதை இதமாக நடத்துபவனே மனிதன் என்பார்கள் அருட்தந்தை அவர்கள். அது தன்னுடைய மனதையும் பிறருடைய மனதையும் இதமாக அனைவரும் நடத்த முடிகிறதா??
மனவளக்கலைக்கு வந்த பின்னர் தான் அந்த பயிற்சியில் தன்னை மேம்படுத்துகிறோம்.

இதையே ஒழுக்கம் எனலாம்.  எண்ணம் சொல் செயலால் ஒருவருக்கு நன்மை/ இன்பம் தரும் செயல்கள்.. எல்லாம் புண்ணியச் செயலாகும்.

தவம் செய்பவர்களால் மனதில் தோன்றும் எண்ணங்களை ஆராய்ந்து விழிப்புநிலையில் அந்த எண்ணங்களை சீர் செய்ய இயலும். பிறரின் மனதை இதமாக நடத்தவும் கையாளவும் முடியும்.

யாரிடம் பேச வேண்டும், யாரிடம் மௌனம் காக்க வேண்டும் என்ற புரிதல் வரும்.

வேண்டியதை ஈர்க்கும் வல்லமையும் ஓங்கும். வேண்டாததை தவிர்க்கும் சுயசிந்தனையும் ஓங்கும்.

அனைவரையும் எந்த இடத்தில் வைக்க வேண்டும் என்றும், தன்னை எந்த இடத்தில் நிறுத்திக் கொள்ள வேண்டும் என்பதும் புலப்படும்.

அன்புடன் ஜே.கே

Friday, 31 August 2018

தினம் ஒரு மாற்றம் (31/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (31/08/2018)

இன்று பல குடும்பத்தில், வீட்டில், பெற்றோர்களில் யாராவது ஒருவர் மகளிடமோ/ மகனிடமோ நீ சொல் பேச்சேயே கேக்காதே! படிக்காதே!  எப்பப்பாரு மொபைல் கையில வச்சிக்கோ!   என்று சரமாரியாக  கண்டிக்கிறோம் என்ற பெயரில் அந்த எண்ணத்திற்கும் சொற்களுக்கும் வலிமை கூட்டி அவர்களை அப்படியே ஆக்கி விடுகிறார்கள்.

அதற்கு பதில் மனதிற்குள் வாழ்க வளமுடன் என்றும் அருட்காப்பு போட்டுக் கொண்டும் தனது குழந்தைகள் நன்றாகப் படிக்க வேண்டும், சொல்பேச்சு கேட்டு நடக்க வேண்டும் என்றும் அச்சொற்களுக்கு அழுத்தம் கொடுக்க வேண்டும். அல்லது அவர்கள் எவ்வாறு சொன்னால் கேட்பார்களோ அவ்வாறு நேர்மறையாகக் கூற வேண்டும்.

எது வேண்டுமோ அதற்கு நேர்மறையாக எண்ணி அதற்கு அழுத்தம் கொடுப்பது பலன் கொடுக்கும்.

மாமியார், மருமகள் சில வீடுகளில் எதிர்ப்பு அலைகளை வீசிக் கொண்டே இருப்பார்கள். அங்கே வீடு அமைதியாகவே இருக்காது.

கணவன் மனைவிக்கும் இடையில், மனைவிக்கும் தனது அம்மாவிற்கும் இடையில் இதனால் சில சிக்கல்கள் நேரும்.

அந்த நேரங்களில் எனக்கு அவங்களப் பாத்தாலே பிடிக்கலை, எனக்கு இந்த உறவே வேண்டாம், என்று அந்த எண்ணத்திற்கு வலிமை கொடுப்பார்கள்.

சில விஷயம் புரியாததே காரணம். நாம் ஒரு உறவையே வேண்டாம் என்றால் அது தனக்கும் பிரதிபலிக்கும் என்பது புரிந்து கொள்ள வேண்டும்.

அதற்கு பதிலாக  எனக்கு மாமியார் அவர்கள் வேண்டும், இந்த உறவு வாழ்நாள் முழுதும் வேண்டும். எனது கடமையை நான் செய்ய வேண்டும் அவர்கள் எனது தாய் போன்றவர்.  அவரை நான் மகளாக இருந்து பார்த்துக் கொள்வேன் என்று சங்கல்பம் கூறி அவர்களுக்கு சேவை புரிவதே தர்மம்.

வருத்த அலை யாரிடமும் வேண்டாம். வாழ்த்து அலையை பெறுவோம்.

வீட்டில் உள்ளப் பெரியவர்கள் படிக்காதவர்களாக இருக்கலாம் , அவர்களிடம் இருக்கும் பண்பு இன்று உலகில் மக்களில் பல பேருக்கு வரவேண்டும்.

பண்பில்லாதவர்களை  வாழ்த்துவோம். வாழ்த்து ஒரு வரம். அதை சரியாகப் பயன்படுத்தினால் துல்லியமாக பலன் கிட்டும்.

பெரியவர்கள் தான் வாழ்க்கையின் அகராதி, இலக்கணம் எல்லாமே....

அவர்களிடம் வாழ்க்கையின் பொருளை கற்க வேண்டும். அவர்களின் அனுபவங்களே நாம் கற்க வேண்டிய பாடம்.

சிறியவர்களுக்குப் புரியவில்லை என்றால் பெரியவர்கள்  அன்பாக எடுத்துச் சொல்லி புரிய வைக்கலாம்.

புரிதல் இன்று குடும்பத்தில் வர வேண்டும். அப்படி வரவில்லை என்றால், அப்படியே சிலவற்றை ஏற்றுக் கொள்ளும் மனப்பக்குவமாவது வேண்டும்.

சுயபுத்தி /சொல்புத்தி இருந்தால் மட்டுமே முன்னேற முடியும்.

சிலவற்றை பட்டுத்தான் தெரிந்து கொள்வேன் என்று அடம் பிடிப்பவர்களுக்கு வாழ்த்து கூறுவது நலம் உண்டாகும்.

அன்புடன் ஜெ.கே

தினம் ஒரு மாற்றம் (30/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்*
(30/08/2018)

இன்று
*"மனைவி நல வேட்பு நாள்".*   
அருட்தந்தை வேதாத்திரி மகரிஷி அவர்களின் தனது அன்பிற்கும், மதிப்பிற்கும் உரிய தனது துணைவியார் அருளன்னை லோகாம்பாள் அம்மையார் அவர்களின் பிறந்தநாளை  முன்னிட்டு, அதை உலகமே, மனைவியை மதித்து நன்றி செலுத்தும் நன்னாளாக போற்றப்படுகிறது.

குறள்: இல்வாழ்க்கை 41

"இல்வாழ்வான் என்பான் இயல்புடைய மூவர்க்கும்நல்லாற்றின் நின்ற துணை."

பெற்றோர், வாழ்க்கைத் துணை, குழந்தைகள் என இயற்கையாக அமைந்திடும் மூவர்க்கும் துணையாக இருப்பது இல்லறம் நடத்துவோர் கடமையாகும்.

மனைவியும் கணவரும் மனமொத்து ஒருவரின் எண்ணத்தை  குறிப்பறிந்து செயல்பட்டு, இல்லற வாழ்க்கையில் ஒருவரை ஒருவர் பாராட்டியும், நன்றி கூறியும், ஒத்தும் உதவியுமாக, அறநெறி வாழ்ந்து, பிறருக்கும் எடுத்துக்காட்டாக வாழ்க்கை எனும் பிறவிக்கடலை நீந்தி கடக்க முற்படவேண்டும்.

ஏனென்றால் மனிதப்பிறப்பு என்பது குடும்பம் என்ற இணைப்பிலே தான் முழுமை அடைய முடியும்.

வாழ்க்கை என்பது ஒரு உன்னதமான அனுபவம். அதை பலபேர் இனிமையாக கடக்கின்றனர் மகிழ்ச்சியாகவும், மனநிறைவாகவும், வாழ்கின்றனர்.

மனவளக்கலை பயிற்சிகளை மேற்கொண்டால் இனிமையாகக் கடக்க முடியும்.

ஒற்றுமையே குடும்ப உறவுகளின் அமைதிக்கு வழிவகுக்கும்.

இல்லற வாழ்வில் தம்பதிகள் அன்பும், மனநிறைவுடனும் இருந்தால் மட்டுமே தான் தன்னிடமும், தன்னைச் சார்ந்தவர்களிடமும், நல்லிணக்கம் பேண முடியும்.

கணவன், மனைவி உறவு என்பது ஒருவருக்கொருவர் பின்னிப் பிணைந்த புரிதலுடைய உறவு. வள்ளுவர் வாசுகி அம்மா போன்று, வேதாத்திரி மகரிஷி அன்னை லோகாம்பாள் அம்மையார்  போன்று.

தங்களது வாழ்க்கையை
மேன்மைப்படுத்தி, மேலும் பிறருக்கு முன்னுதாரணமாக வாழ்ந்தவர்கள்.

வாழ்க்கை வாழத் தெரிந்து மகிழ்ச்சியாக வாழ வேண்டும். அதற்கு அவரவர் எண்ணங்களை ஒழுங்குபடுத்திக் கொண்டாலே போதும். அதற்கு மனவளக்கலை பேருதவியாக துணை நிற்கும்.

அன்புடன் ஜே.கே

தினம் ஒரு மாற்றம் (29/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்*  (29/08/2018)

*வேதாத்திரியம்* என்பதே வாழ்க்கையில் அத்தனையையும்  எளிமையாகக் கடைபிடிக்கும் விஷயங்களையே அருட்தந்தை அவர்கள் அத்தனைப் பயிற்சிகளையும் எளிமையான குண்டலினியாகக் கொடுத்திருக்கிறார்கள்.

மனவளக்கலை மன்றங்களிலும் அதையே பின்பற்றி வருகின்றனர்.

இருப்பவர்கள் இல்லாதவர்களுக்குக் கொடுப்பதற்காகவே அருளும் பொருளும்.

தன்னிடம் இருக்கும் ஆற்றலை பிறர் நலனுக்காக பயன்படுத்தி மேன்மை காண்பவரே உத்தமமான எளிமையான சீடன்.

மனவளக்கலையில் தரம் இருக்கிறது. அதை நோக்கி ஈர்க்கப்படுவார்கள் மக்கள். புண்ணியப்பதிவு யாரிடம் உள்ளதோ அவருக்கே யோகம் பயிலும் வாய்ப்பு கிட்டும். ஏனென்றால் அதில் யார் வருகிறார்களோ அவர்களுடைய நலம் தான் அங்கே முக்கியத்துவம் கொடுக்கப்படுகிறது. அவர்களின் வாழ்க்கை நல்வழிப்படுத்தப்படுகிறது.

விளம்பரமோ, ஆடம்பரமோ, திருவிழாக் கோலமோ,  இலவசங்களோ, பகட்டோ, புகழோ மகரிஷி அவர்களின் மனவளக்கலைக்கு அவசியமில்லாதது.

கடைகளில், ஊடகங்களில், சானல்களில் தான் இலவசங்களை காட்டி மக்களை ஈர்ப்பார்கள்.

இயற்கையாக இருக்கும் ஒன்று, இயல்பாக இருக்கும் ஒன்றை யாரும் விளம்பரப்படுத்தத் தேவையே இல்லை. அதில் பலனடைந்த மக்களே பேசுவர். எங்கு தரம் உள்ளதோ அங்கு தானாகவே அனைவரும் வருவார்கள்.

அன்பு அனைத்தையும் ஈர்க்கவல்லது.

போட்டி, பொறாமையை வளர்க்கும் எந்த ஒரு விஷயமும் மக்களுக்கு அவசியமில்லாதது.

உலக அமைதிக்கான வழியே மனவளக்கலை.

அன்புடன் ஜே.கே

தினம் ஒரு மாற்றம் (28/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (28/08/2018)

வீடுகளிலும், பள்ளிகளிலும், அலுவலகங்களிலும், பொது இடங்களிலும் பிறருடனான பேச்சு வார்த்தை, நடந்து கொள்ளும் முறை ஒருவருக்கு எவ்வாறு அமைகிறது??

சில வீடுகளிலே குழந்தைகளுக்கு பெயர்களை வைப்பார்கள்...ஆனால் அந்த பெயரை வைத்துக் கூப்பிடுவதில்லை... கோபத்தில்  ஐந்தறிவு விலங்கனிங்களின் பெயரை வைத்துக் கூப்பிடுவார்கள்.

பத்தாததற்கு கோள்கள் பெயரை வேறு கூப்பிடுவார்கள்.

ஒன்றை நினைவில் கொள்ள வேண்டும். எதை ஒருவர் நினைத்து எந்த மனஅலைச்சுழலில் கூப்பிடுகிறாரோ அந்தப் பெயருக்கு ஒரு அழுத்தம் கூடும். பிரபஞ்சத்தில் ஒரு அழுத்தம் பதியும். அந்த அதிர்வுகளினால் அழுத்தம் கூடி அந்தப் பெயருக்கான அதிர்வலைகளை அக்குழந்தைகளுக்கு அடி மனம் ஆழத்தில் சென்று அவ்வாறே விலங்கினத்தின் தன்மையாகவே செயல்படுவார்கள்.

ஆகவே தான் அருட்தந்தை  வேதாத்திரி மகரிஷி அவர்கள் எதற்குமே காந்தம் உண்டு, ஈர்ப்பு உண்டு. அதற்கு அழுத்தம் கூடக் கூட அது செயலாகும் என்று கூறுகிறார்கள்.

தவறு என்று தெரிந்தும் தப்பு செய்தால் விளைவை இறைநீதி இம்மி அளவும் பிசகாமல் அளிக்கும்.

*குழந்தைகளை மட்டுமல்ல அனைவரையுமே  தெய்வத்திற்கு சமமாக பார்த்தால் எதிரே நமது கண்ணாடியின் பிரதிபிம்பம் தான் என்பது புரியும்.*

*அதன் முன் நின்று நானே வைத்துக் கொள்கிறேன் என்று தன் பக்கம் கைகளை வைத்துக் கொண்டால் எதிரில் கண்ணாடியும் அவ்வாறே பிரதிபலிக்கும்.*

*நான் பிறருக்குக் கொடுக்கிறேன் என்று கைகளை நீட்டிப் பார்த்தால் எதிரே பிம்பமும் நானும் தருகிறேன் என்று கைகளை நீட்டும். எதை ஒருவர் எந்த தன்மையில் நினைக்கிறாரோ, பேசுகிறாரோ, பழகுகிறாரோ, அதே பிரதிபலிக்கும் நம்மிடம்.*

இவ்வளவு தான் விஷயம். காந்தமும் அவ்வாறே.
*நான்* என்பதை நாமாக/ இறைநிலையாகப் பார்த்தோமானால் அது பிரபஞ்சம் முழுவதும் பிரதிபலித்து அதுவும் நமக்கு ஒத்தும் உதவியுமாக இருக்கும். ஒற்றுமை ஓங்கும். வார்த்தைகளும் இனிமையாக மாறும்.

எதிரே இருக்கும் குழந்தைகள் நம் பிரதிபிம்பம் என்று உணர்ந்தால் திட்டவோ அடிக்கவோ தோன்றுமா?? சுயமாக சிந்தித்தேத் தெளிக....

அன்புடன் ஜெ.கே

தினம் ஒரு மாற்றம் (27/08/2018))

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (27/08/2018)

ஆசான் அருட்தந்தையின் *மனவளக்கலை*,  மக்கள் அனைவரும் வாழ்க்கையில் தவத்தையும், தற்சோதனையும், உடற்பயிற்சியையும், செய்து கொண்டு, தன்னைத் தானே மேம்படுத்திக் கொண்டு வாழ்ந்தும், வாழ்த்தியும், இனிமையாக வாழ்கின்றனர்.

உலகியல் வாழ்க்கையில் வரும் அனைத்து சவால்களையும், தைரியத்துடனும், தன்னம்பிக்கையுடனும், அன்புடனும், நிதானத்துடனும், எதிர்கொண்டு அணுகும் போது வாழ்க்கையை  மகிழ்ச்சியாக வாழ முடிகிறது.

அதற்குக் காரணம் (மனம் + வளம் + கலை) அருட்தந்தை அவர்களின் மனத்தை வளப்படுத்தி செம்மையாக வைக்கப் பழக்கத்திற்கான பயிற்சியை முறையாக செய்து வருவதால் இந்த மாற்றத்தில் ஏற்றம் கொள்ள முடிகிறது.

அருட்தந்தை அவர்களின் பயிற்சிகள் அத்தனையும் மிகச் சிறப்பான பயிற்சிகள். எளிமையான பயிற்சிகள். எந்த வயதினரும் கற்கக் கூடியக் கல்வி முறை.  வாழ்க்கையை எளிமையாக கையாளக் கூடிய பயிற்சிகள்.

வாழ்க்கையில் மனவளக்கலை பயிற்சி ஒன்று போதும்.
*வாழ்க வளமுடன்* வாழ்த்து போதும்.

அனைத்து வளங்களும் ஒருவரைத் தேடித் தானாக வரும்.

இது வெறும் யோகப்பயிற்சி மட்டும் அல்ல. வாழ்க்கையின் வெற்றி, மனநிம்மதி, மனநிறைவுக்கான பயிற்சிகளாகும்.

இதை தத்துவமாகப் பார்க்காமல் வாழ்க்கையில் கடைபிடித்தாலே போதும். மனம் செம்மையுறும்.

அன்புடன் ஜெ.கே

Thursday, 30 August 2018

தினம் ஒருமாற்றம் (26/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம்  ஒரு மாற்றம்* (26/08/2018)

"மனந்தூய்மை செய்வினை தூய்மை இரண்டும்
இனந்தூய்மை தூவா வரும்".

பொருள்:

ஒருவன் கொண்டுள்ள தொடர்பு தூய்மையானதாக இருந்தால்தான் அவனுடைய மனமும் செயலும் தூய்மையானவையாக இருக்கும்.

Couplet 455

Both purity of mind, and purity of action clear,
Leaning no staff of pure companionship, to man draw near.

மனிதன் நற்செயலுக்கேற்ற விளைவே நல்ல விளைவை கொண்டு வந்து சேர்க்கும்.

'தீதும் நன்றும் பிறர் தர வாரா'
ஒருவரின் எண்ணம், குணம், பண்பை சார்ந்தே  ஒருவருக்கு அனைவருடனான நட்பும், நல்லிணக்கமும் அமையும்.

அதற்கு ஒருவரது தனிப்பட்ட  குணமும், பண்பும் காரணம்.

தூய நட்பு உயர்நட்புக்கு வழி வகை செய்யும். மேன்மை பெறச் செய்யும்.

வாழ்க்கையில் அனைத்து ஏற்றதாழ்வுகளிலும் நட்பின் தொடர்பு நீடிக்கும்.

பலன்களை எதிர்பார்த்து வருவது அல்ல நட்பு..

அனைத்திற்குமே அன்பே அடிப்படை.
நட்பிற்கு மட்டுமல்ல அன்பு ..
அனைத்து வகையான நல்லுறவுக்கும் அன்பே அடிப்படை.

ஆனால் அந்த அன்பை ஒருவர் தவறாகப் பெற நேருமானால் அங்கே அதே அன்பு நெருப்பாக மாறும்.

இதையே சாது மிரண்டால் காடு கொள்ளாது என்பார்கள்.

இயற்கை சீற்றம் என்பது கூட இப்படித்தான் போலும்.

உண்மையில் இயற்கை அன்பும் கருணையுமானது. மனிதனின் செயல்களினால் தான் நீர் வரத்தும்... நீர் வராததற்கும் காரணம் என்று தோன்றுகிறது.

இயல்பாக இயற்கையை அப்படியே பாதுகாத்து வந்தால் ஒருவருக்கு இயற்கை நட்புடன் இருக்கும்.

மனிதன் இயற்கையுடன், உறவுகளுடன்,  நட்புடன், நல்லிணக்கத்துடன், ஒத்தும் உதவியுமாக இருந்தால் சீற்றம் எப்படி வரும்?

நீர் வளம் மிக்க மரங்களை நடுவோம். மனசாட்சிக்கு ஒத்த அறிவிற்குப் பொருந்திய நட்புடனான, நற்செயல்களை புரிவோம்.

செயல்விளைவை உணர்ந்து செயல்கள் புரிந்தால் அனைத்து வகையிலும் இயற்கை மனிதனுக்கு சோதனை தராது அதற்கு பதிலாக சாதனை புரியத் தூண்டும்.

அன்புடன் ஜே.கே

தினம் ஒரு மாற்றம். (25/08/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (25/08/2018)

குறள்:
நிலத்தியல்பால் நீர்திரிந் தற்றாகும் மாந்தர்க்(கு)
இனத்தியல்ப தாகும் அறிவு.

452
சேர்ந்த நிலத்தின் இயல்பால் அந்த நீர் வேறுபட்டு அந் நிலத்தின் தன்மையுடையதாகும், அதுபோல் மக்களுடைய அறிவு இனத்தின் இயல்பினை உடையதாகும். 

பலபேர் இன்பத்திற்கும்/ துன்பத்திற்கும் அவர்களின்  மனமே காரணம்.

மனதை பக்குவப்படுத்தப் பழகிக் கொண்டால் போதும்.

இனம் இனத்தோடு சேரும் என்பார்கள். ஒத்த எண்ணம் உடையவர்களை ஈ.ர்க்கும் வல்லமையுடையது மனம்.

ஒருவர் தன்னைத் தானே ஒப்பிட்டுக் கொள்ள வேண்டும்.  மனதை சென்ற நாட்களில் எப்படி வைத்திருந்தார்? தற்போது எப்படி இருக்கிறார்? எப்படித் தன்னை திருத்தி இன்று தூய்மையாக இருக்கிறார் என்றும்,  வரும் நாட்களில் தன்னை மேலும் தூய்மையாக்கி, தனக்கும்  பிறருக்கும் நலம் விளைவிக்க எண்ணம் கொண்டு மேலும் தூய்மையில் கவனம் செலுத்த வேண்டும். அதற்கே இப்பிறவி..

தன்னைத் தானே தரம் தாழ்த்திக் கொள்ள அல்ல இப்பிறவி..
என்பதை மனதில் கொள்ள வேண்டும்.

ஒருவருக்கு சில விஷயம் பிடித்தமாக இருக்கலாம். அதுவே பிறருக்கு சங்கடங்களை உருவாக்கலாம். தனக்குப் பிடித்தவை என்பதற்காக பிறரிடம் திணிக்காமல் பிறரின் நலனில் அக்கறை கொண்டு சிலவற்றை தவிர்ப்பது நலம் உண்டாகும்.

வசதி வாய்ப்போடு....
அதாவது
கல்வி, அறிவு,  பொருள், எண்ணம்... இவற்றில் மேன்மையோடு இருப்பவர்கள் இல்லாதவர்களுக்கு என்ன செய்யலாம்? என்று சிந்தித்தால் செழிப்பு நீடிக்கும். வளம் பெருகும்.

பெருந்தன்மை அனைவரிடத்தில் வந்தால் அனைவரையுமே வாழ்த்தும் மனம் வரும் . பிறருக்கும் நலம் விளைவிக்கும்.

பண்பு, பணிவு, கல்வியறிவு, இயற்கையறிவு, உறைவிடம், பொருளாதாரம் என்பது அடிப்படையில் அனைவருக்குமே மிக மிக அவசியம்.

ஒருவரின் தகுதி பொறுத்தே அனைத்துமே வந்து சேர்கிறது.

அந்தத் தகுதி எப்படி வரும்??

‌தான் எதை ஒருவரிடம் எதிர்பார்க்கிறோம் அன்பா,  பணமா, பொருளா? அதிகாரமா? இன்பமா? துன்பமா? பகையா?  நட்பா? தனிமையா? கூட்டுறவா?ஒற்றுமையா? வேற்றுமையா?? இப்படி சொல்லிக் கொண்டே போகலாம்.

எதை எதிர்பார்க்கிறோமோ அதைக் கொடுத்தால் அது தனக்கே திரும்பி வரும்.
சுயமாக சிந்தித்தேத் தெளிக..
‌
‌அதுவே இறைநீதி.
‌
‌எப்பொழுதும் பிறர் மனம் புண்படாத வண்ணம் நலம் விளைவிக்க நாட்டமாக இருத்தலே ஒருவருக்கு நலம் விளைவிக்கும் என்று அருட்தந்தை அவர்கள் கூறுகிறார்கள்.
‌
‌அன்புடன் ஜெ.கே

தினம் ஒரு மாற்றம் (24/08/2018)

வாழ்க வையகம்!
வாழ்க வையகம்!
வாழ்க வளமுடன்!!

தினம் ஒரு மாற்றம் (24/08/2018)

அனைத்திற்கும் மூலம் ஒன்றே .. அதுவே சுத்தவெளி, தூயவெளி,  வெற்றிடம், இறையாற்றல் (அதுவே வற்றாயிருப்பு, பேராற்றல், பேரறிவு, காலம்) அதுவே காந்தம் அதுவே ரசாயன மாற்றமாக உருவாகி அதிலேயே கரைந்து தன்மாற்றம் பெற்று மனிதன் வரை வந்துள்ளது என்று தத்துவஞானி வேதாத்திரி மகரிஷி அவர்கள் கூறுகிறார்கள்.

எங்கெல்லாம் தூய வெளி உள்ளதோ அங்கெல்லாம் அறிவு தனது ரசாயன மாற்றத்தை ஏற்படுத்துகிறது. அதை மதிப்பதன் மூலம், அன்பின் அடிப்படையிலும் ஒத்தும் உதவியுமாக உள்ளது.

மனிதனாக பிறப்பெடுத்த இறைவன் மனிதனுக்குள் அறிவாக இருக்கிறார்கள்.

மனிதன் களங்கப்பட்டு துன்பம் அனுபவிப்பது ஏன்?
அவனது கருமையம் தூய்மையாக ஆன்மாவாக, வெற்றிடமாக அதுவே  உயிராற்றலாக களங்கத்தை சுமந்து அதை தூய்மை செய்ய  அறிவு செயல்படுகிறது. 

இதை எப்படித் தீர்ப்பது? பல பிறவிகள் எடுத்து தனது பாவங்கள், புண்ணியங்கள் களைந்து ஒன்றுமே இல்லாது காலி இடமாக வைத்திருந்தால் இறைவனாக மாறலாம். எண்ணங்களை குறைப்பதன் மூலம், உடற்பயிற்சி செய்வதன் மூலம், செயல் விளைவு உணர்ந்து விழிப்புணர்வோடு அனைத்திலும்  அளவுமுறை காப்பதின் மூலம். கடமையை செய்வதன் மூலம், பிரதி உபகாரம் எதிர்பார்க்காமல் இருப்பதன் மூலம், தொண்டாற்றுவது மூலம்.

வீடு கட்ட காலி இடம், வெற்றிடம் கிடைத்து வீடு கட்டி விட்டோம். பொருட்களை சேகரித்தோம். அங்கங்கே அடைசல், குப்பை போட்டு வைத்தோம். தூய வெளியாக, காலி மனையாக இருந்த இடம் இப்பொழுது என்னவாயிற்று.. அடைத்து வைத்திருப்பதால் பிரபஞ்ச சக்தி தேங்கிய இடத்தில் வர மறுக்கிறது. தூய்மையான வெளியையே களங்கமற்ற குப்பைகளற்ற வெற்றிடத்தையே இறைவன் இருப்பிடமாகக் கொள்வான்.

ஆறு ஆதாரங்களிலும் வெற்றிடம் உள்ளது. உடல் முழுவதும் ரத்தம் ஓடுவதற்கு ஒவ்வொரு செல் இருப்பதற்கும் இயக்குவதற்கும் அறிவு வெற்றிடமாக காந்தத்தை அளித்துக் கொண்டே இருக்கிறது உயிராற்றலாக..

ஒரு குழந்தை வளர்ந்து பெரிதாகும் போது வித்து வழியாக வந்த புலன் மயக்கம், ஆசை இவற்றால் மனதளவில் தேவையில்லாத எண்ணங்களுக்கு இடம் கொடுத்து, குப்பையை எனும் களங்கங்கத்தை நிரப்பிக் கொண்டே வந்தால் அங்கே இறைவனை உணர முடியுமா??

வெற்றிடமாக மனதை வைத்தால் தானே இறைவனை உணரமுடியும்... நற்சிந்தனைகள் தோன்றும். நற்செயல்கள் புரிய முடியும்.

பிறவிப்பிணியை தீர்க்கவல்லவா வந்தோம். காலத்தால் நல்ல எண்ணங்களை மனதிற்குள் போடும் போது பல பிறவிகள் எடுத்துத் தீர்க்க வேண்டியுள்ளது.

உடலுக்குள் எங்கெல்லாம் வெற்றிடம் உள்ளதோ அங்கெல்லாம் சிற்றறிவு வேலை செய்கிறது. அங்கெல்லாம் உயிராற்றல் ஊடுருவுகிறது. அதுவே உடல்உறுப்புகளை, மனதை இயக்குகிறது.

பிரபஞ்சத்தில் பேரறிவு வான்காந்தமாக வேலை செய்கிறது.

மனிதனில் சீவகாந்தமாக சிற்றறிவாக  வேலை செய்கிறது.

உயிராற்றலாக இயக்கம் பெறும் போது சீவவித்துக் குழம்பில் உள்ள பாவ புண்ணியங்களுக்கு ஏற்ப கருவுக்கு மூலமான அறிவு தூய்மை பெற உதவுவதே ஆன்மாவின் வேலை.

சீவனுக்குள் சீவாத்மா.
பரத்தில் பரமாத்மா.

மனிதன் பழக்கப்பதிவில் ஐந்தறிவில் தன்னை இயக்க முனைகிறான்..

ஆறாவது அறிவாக, மனமாக இறைவனை  உணர, முழுமைப்பேறு பெற  மனவளக்கலை பயிற்சிகள் உதவுகிறது.

அன்புடன் ஜே.கே