Tuesday, 16 April 2019

அருட்தந்தையோடு அருளானந்தனின் அனுபவங்கள்

வாழ்க வளமுடன்

அருட்தந்தையோடு அருளானந்தனின் அனுபவங்கள்

பாகம் : 25

அறிவின் அலை மனம்

அறிவு சுத்தவெளியின் இயக்கநிலை என்பதால், அறிவைத் தன்னகத்தேக் கொண்டுள்ள சுத்தவெளியின் அலை 'மனம்' என்றும் கூறலாம். அருட்தந்தை அவர்கள் இந்த உண்மையைக் கீழ்க்காணும் சாமியத்தில் தெளிவுபடுத்துகிறார்கள்.

மனம் = அறிவின் நிலை
அறிவு = தெய்வத்தின் அலை
(இயக்க நிலை)

எனவே, மனம் தெய்வத்தின் அலை. இந்த சாமியத்திற்கான விளக்கத்தை கீழ்க்காணும் பாடலில் அளித்துள்ளார்கள்.

மனத்தின் அடித்தளம் இறைநிலை

அலையலையாய் இயங்கும் மனத்து அடித்தளமே நிலைப்பொருள்
அது தெய்வம் கடல் போன்று, அலை போன்றதே மனம்.

( ஞானக்களஞ்சியம் பாடல் எண்.1657)

எனவே, மனித அமைப்பில் உள்ள உடல், உயிர், மனம், அறிவு அனைத்தும் தெய்வம் என்பதை, "பேரின்ப ஊற்று" என்ற தலைப்பில்,
"இன்ப ஊற்றாய் நிறைந்த இறைவா" என்ற தொடங்கும் பாடலில் கீழ்க்காணுமாறு அருட்தந்தை அவர்கள் விளக்கமளிக்கிறார்கள்.

"உடலாய் எனை நினைந்தேன்! உணர்ச்சிகள் வருத்தின!
உடலுள் உயிராய் என்னை உணர்ந்து அறிவில் நிறைந்தேன்!
உடலுயிர் உடறிவாய் உன்னை உணர்ந்த போது,
உடலுயிர் அறிவு நீயாய்,
உணர்ந்துன்னுள் நானடங்க,
இன்ப ஊற்றாய் நிறைந்த இறைவா.

(ஞானக்களஞ்சியம் பாடல் எண் : 1646, பத்தி (stanza)-4)

எனவே, தெய்வமே தான் நம் ஒவ்வொருவரது, உடல், உயிர், அறிவு இவையாகத் தன்மாற்றம் பெற்றுள்ளது என்ற உண்மையை உணரும் ஒரு மனிதர், யாருக்கு ஒரு தீங்கு செய்தாலும், அது தெய்வத்திற்கு தீங்கு செய்வதாகும் என்ற உணர்வு பெறுவார். அத்தகைய மனிதரது மனதில் இரண்டொழுக்கப் பண்பாடு் இயல்பாக மலரும்.

தொடரும்......

அருட்தந்தையோடு அருளானந்தனின் அனுபவங்கள்

வாழ்க வளமுடன்

அருட்தந்தையோடு அருளானந்தனின் அனுபவங்கள்

பாகம் : 24

அன்பார்ந்த நண்பர்களே!

வணக்கம். வாழ்க வளமுடன்.

அருட்தந்தை அவர்களுடன் யான் பெற்ற புற அனுபவங்களை, தொடக்கத்தில் சில பாகங்களில் எழுதியிருந்தேன். அண்மையில் சில பாகங்களில், எனது வாழ்க்கையில் முதன் முதலாக அருட்தந்தை அவர்கள் மூலம் கிடைக்கப்பெற்ற அக (ஆழ்மன) அனுபவங்களை உங்களிடம் பகிர்ந்து கொண்டு வருகிறேன் என்பதை அன்புடன் தெரிவித்துக் கொள்கிறேன்.

மனித வாழ்வின் நோக்கம் முழுமைப்பேறு. இதனை அடைவதற்காகவே அருட்தந்தை அவர்கள் அன்போடும், கருணையோடும் வழங்கியுள்ள மனவளக்கலை யோகாவைக் கற்று, நடைமுறையில் பயன்படுத்தி வருகிறோம்.

எனவே, மனித அமைப்பின் இன்றியமையாத சாதனங்களான (phenomena)
உயிர், மனம், அறிவு, தெய்வம் (இதுகாறும் விஞ்ஞானத்தில் விளக்கப்படாதவை) - இவற்றைத் தெளிவாகப் புரிந்து கொள்ள வேண்டுமென்ற அருட்தந்தை அவர்களின் விருப்பத்தை நிறைவேற்றும் வகையில் யான் பெற்ற இன்பம் (பேரின்பம்) அனைவரும் பெற வேண்டுமென்ற பெரு நோக்கத்துடன் தான் இந்த 'அக' அனுபவங்களை உங்களோடு பகிர்ந்து கொள்கிறேன்.

மனதின் அடித்தளம் இறைநிலை

நமது உடலில் இயங்கிக் கொண்டிருக்கும் உயிரின் அமைப்பு, அதனுள் இடம்பெற்றுள்ள தெய்வம் (சுத்தவெளி), அறிவு, மனம் இவற்றைப் பற்றியும், இவற்றிற்கிடையேயானத் தொடர்பு குறித்தும் இதுகாறும் சிந்தனை மேற்கொண்டோம்.

இனி, மனித வாழ்விற்கு மிகவும் இன்றியமையாத சாதனமாகிய மனதுக்கும், தெய்வத்திற்குமிடையே உள்ள
தொடர்பு குறித்து அருட்தந்தை அவர்களின் விளக்கத்தைக் காண்போம்.

உயிரின் அமைப்பில் மூன்று சாதனங்கள் (அங்கங்கள் -phenomena) இருக்கின்றன என்பதை அறிவோம். இவற்றுள் உயிர் (உயிர்த்துகள்) என்ற சாதனத்தின் உட்பொருளாக இருப்பது சுத்தவெளிதான் என்பதையும், சுத்தவெளியின் சிறப்பு மிக்கத் தன்மையாகிய அறிவு தான் மனமாக (அறிவின் அலையாக) செயல்படுகிறது என்பதையும் இதற்கு முந்தைய பகுதிகளில் விளக்கம் பெற்றோம்.

மனத்தின் அடித்தளமாக எவ்வாறு தெய்வம் உள்ளது என்பதை நாளைய பதிவில் காண்போம்.

தொடரும்....

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(09/04/2019)*

குடும்பம் என்பது கணவன் மனைவி, குழந்தைகள் மற்றும் உறவுகள் ஒருவருக்கு ஒருவர் கொடுக்கும்  மகிழ்ச்சியை பரிமாறிக் கொள்வதே உறவுகளின் வலிமையாகும். ஒற்றுமையாகவும் உதவியாகவும்,  ஒருவருக்கொருவர் ஊக்கப்படுத்தி முன்னேற்றும் பாலமாக இருப்பதற்காகத் தான்.

குடும்ப அமைதிக்கு முதலில் பிணக்கில்லாத ஒற்றுமை வேண்டும். அந்த பிணக்கு என்பது அன்பினால் போக்க முடியும். பொறுமையை கடைபிடிப்பதாலும், பதிலுக்குப் பதில் பேசாமல் இருப்பதாலும், சங்கடம்  வராமல் இருக்க... சில வாக்குவாதங்களை உடனடியாக தவிர்ப்பதாலும்... சிக்கலை மேலும் பெரிதாக்காமல் இருக்க முடியும். 

குடும்ப உறவுகள்... நான், நீ, என்று போட்டி போடாமல் விட்டுக்கொடுத்து செல்வதும், வீட்டு விஷயங்களை நான்கு  சுவற்றுக்குள் பாதுகாப்பதும், குடும்ப நபர்களுக்கு அழகு.

குடும்ப நபர்கள் ஒவ்வொருவரும் குடும்பத்தில் உள்ளவர்களை மதித்து வாழ்வது.... அன்பு ஓங்கவும், நிலைக்கவும் ஒரு காரணமாக இருக்கும்.

வாழ்க்கையில் இனிமை வேண்டுமென்றால், முதலில் குடும்பத்தில் சுமுகமான நல்லுறவும், ஒற்றுமையும் ஒவ்வொருவரிடமும் வேண்டும்.

அற வாழ்க்கை என்பது ஒழுக்கம், கடமை, ஈகை ஆகும். இதை ஒருவர் கடைபிடித்தால்  எதையும் சமாளிக்கும் வல்லமை வரும். இது உண்மை நிலைக்க உதவும்.

அன்பும் அறனும் மட்டுமே இல்வாழ்க்கை சிறக்க வழிகள்.

அன்புடன் ஜே.கே

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(15/04/2019)*

பஞ்ச மகா பாதகங்கள் பொய், களவு, சூது, கற்பழிப்பு, கொலை அனைத்தும் பாவச் செயல். இதில் எதெல்லாம் அடக்கமாகிறது..?  பொய் பேசுவதும், செய்த தவறை மறைக்க பல பொய்கள், தவறான வதந்திகள் பரப்புவதும், பிறரைப்பற்றி கோள் பேசுவதும் , நேரில் கண்டமாதிரியே பேசுவதும், ...

சிறு வயதிலிருந்து தொடரும் பிறரது வீட்டு தோட்டத்து மரத்தில் மாங்காய் கொய்யா  உரிமையாளரிடம்... கேட்காமலேயே பறிப்பது போன்று செயல்கள், பெரியவர்களானாலும்... விளையாட்டாக பிறர் பொருளை மற்றும் சிலவற்றை கேட்காமலே எடுக்கும் பழக்கம் சிலருக்கு உண்டு.. அது தவறில்லை என்று நினைத்து திருட்டை அல்லவா செய்ய நேர்கிறது..?? பிறரின் அனுமதியோடு எதையும் பெற வேண்டும் என்ற அறிவு வர வேண்டும்.

பெற்ற தாய் தந்தையே ஆனாலும் பிள்ளைகளே ஆனாலும் கேட்காமல் எடுக்கும் பணம், பொருள், எதுவானாலும்  தவறாகும்.
கேட்டு எடுக்கும் பழக்கம் நல்லது. பிறர் பொருளுக்கும்/ நபருக்கும் ஆசைப்படாமல் வாழ்வதும், தன் சுய உழைப்பினால் ஈட்டுவதும் ஒருவரது கடமை.. இதில் யாருக்கு விலக்கு உண்டு...? குழந்தைகள், இயலாதவர்கள் ஊனமுற்றவல்கள்,  வயதில் முதிந்தோர்கள். அவர்களது உழைப்பைப் பெற்று வளர்ந்து அதை அவர்களுக்கு அன்பினால் திருப்பி தனது கடமையை  நன்றியுணர்வுடன் செய்ய வேண்டும்.

பணம் வைத்து ரகசியமாகவும், சட்ட விரோதமாகவும், எந்த  சூதாட்டமும் ஒரு   பாவச்செயல்.. சூது/ மது/ மாது  என்பது பிறர் அறியாமையை பயன்படுத்தி நயவஞ்சகமாக பணம், பொருள், மற்ற பிற தவறான செயலில் ஈடுபடுவதும்  அதில் வருமானத்தை சேர்ப்பதும் பாவமாகும். பிறர் குடும்பத்தை பிரிப்பதும்... இதில் அடங்கும். நேர்மையாக பொருள் ஈட்ட பழக்குதல் நலம். பெண்களை மதிப்பதும் நலம்.

பிறர் சுதந்திரத்தை பறித்து வலுக்கட்டாயமாக பலவந்தப்படுத்துவதும், வன்முறைகள் செய்வதும் மாபெரும் பாதகமாகும். துரோகச் செயலும் இதில் அடக்கம். கற்பொழுக்கத்திற்கு அதிக முக்கியத்துவம் கொடுக்க வேண்டும்.

உயிர்கொலை ..தீங்கு செய்பவர் அவரவருக்கான விளைவுக்கேற்பவே விளைவுகளை அனுபவிக்கிறார்கள். தண்டனை இறைநிலையால் மனிதன் மூலமே அளிக்கப்படுகிறது.. பாவச்செயலுக்கு தண்டனை மூலமாக முற்றுப்புள்ளி வைக்கப் படுகிறது. உயிர்களை மதிக்க பழக வேண்டும்.

பாதகச் செயலே பிறவிகளின் தொடருக்குக் காரணம். துன்பம் அனுபவிப்பதற்கும் காரணம்.

சிறிய/பெரிய  அளவில் செய்யும் தவறுகள் அதற்கேற்ற துன்பங்கள் பிறவிகளில் அனுபவிக்கிறார்கள்.. பாவங்கள் குறைந்து புண்ணியங்கள் மேலோங்கும் போது தன்னை அறிய முனைகிறார்கள். ஞான மார்க்கம் இங்கே தான் துவங்குகிறது.

அன்புடன் ஜே.கே

Tuesday, 9 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(09/04/2019)*

குடும்பம் என்பது கணவன் மனைவி, குழந்தைகள் மற்றும் உறவுகள் ஒருவருக்கு ஒருவர் கொடுக்கும்  மகிழ்ச்சியை பரிமாறிக் கொள்வதே உறவுகளின் வலிமையாகும். ஒற்றுமையாகவும் உதவியாகவும்,  ஒருவருக்கொருவர் ஊக்கப்படுத்தி முன்னேற்றும் பாலமாக இருப்பதற்காகத் தான்.

குடும்ப அமைதிக்கு முதலில் பிணக்கில்லாத ஒற்றுமை வேண்டும். அந்த பிணக்கு என்பது அன்பினால் போக்க முடியும். பொறுமையை கடைபிடிப்பதாலும், பதிலுக்குப் பதில் பேசாமல் இருப்பதாலும், சங்கடம்  வராமல் இருக்க... சில வாக்குவாதங்களை உடனடியாக தவிர்ப்பதாலும்... சிக்கலை மேலும் பெரிதாக்காமல் இருக்க முடியும். 

குடும்ப உறவுகள்... நான், நீ, என்று போட்டி போடாமல் விட்டுக்கொடுத்து செல்வதும், வீட்டு விஷயங்களை நான்கு  சுவற்றுக்குள் பாதுகாப்பதும், குடும்ப நபர்களுக்கு அழகு.

குடும்ப நபர்கள் ஒவ்வொருவரும் குடும்பத்தில் உள்ளவர்களை மதித்து வாழ்வது.... அன்பு ஓங்கவும், நிலைக்கவும் ஒரு காரணமாக இருக்கும்.

வாழ்க்கையில் இனிமை வேண்டுமென்றால், முதலில் குடும்பத்தில் சுமுகமான நல்லுறவும், ஒற்றுமையும் ஒவ்வொருவரிடமும் வேண்டும்.

அற வாழ்க்கை என்பது ஒழுக்கம், கடமை, ஈகை ஆகும். இதை ஒருவர் கடைபிடித்தால்  எதையும் சமாளிக்கும் வல்லமை வரும். இது உண்மை நிலைக்க உதவும்.

அன்பும் அறனும் மட்டுமே இல்வாழ்க்கை சிறக்க வழிகள்.

அன்புடன் ஜே.கே

Monday, 8 April 2019

அருட்தந்தையோடு அருளானந்தனின் அனுபவங்கள்

வாழ்க வளமுடன்

அருட்தந்தையோடு அருளானந்தனின் அனுபவங்கள்

பாகம் : 23

சீவகாந்தம் எவ்வாறு உண்டாகிறது.?

நமது உடலில் உள்ள சுத்தவெளியில் தான் உயிர்த்துகள் வேகமாக சுழன்று கொண்டிருக்கிறது. எனவே, உயிர்த்துகளிலிருந்து வேகமாக வெளியேறும் விரிவலை, உயிர்த்துகளைச் சூழ்ந்துள்ள சுத்தவெளியில் உரசுவதனால், சீவகாந்தம் உண்டாகிறது.

எனவே, நிலைப்பொருளான சுத்தவெளியும் (தெய்வமும்), அலைநிலையில் உள்ள உயிர்த்துகளும் இணைந்தது தான் காந்தம்.

மனம் தோன்றுமிடம்

சீவகாந்தம் ஐந்து புலன்கள் மூலம் உடலை விட்டு வெளியேறும்போது அழுத்தம், ஒலி, ஒளி, சுவை, மணம் இவையாக ஐந்து தன்மாற்றங்கள் உண்டாகின்றன. எடுத்துக்காட்டாக, சீவகாந்தம் கண்கள் வழியாக வெளியேறும் போது ஒளியாகத் தன்மாற்றம் பெறுகிறது. இந்தத் தன்மாற்றம் நிகழும்போது, சீவகாந்தத்தின் நிலைப் பகுதியாகி சுத்தவெளி தன்னுள் அடங்கியுள்ள அறிவைக் கொண்டு, இன்பமோ துன்பமாக உணருகிறது.

இவ்வாறு அறிவு இன்பமோ, துன்பமோ அனுபவிக்கும்போது அறிவு, மனம் என அழைக்கப்படுகிறது.

எனவே, மனம், அறிவினது அலையெனவும், மூன்று நிலைகளில் செயல்படுகிறது எனவும் கீழ்க்காணும் பாடலில் அருட்தந்தை அவர்கள் தெளிவுப்படுத்துகிறார்கள்.

மதிப்புடைய அறிவியக்க நிலைகள் மூன்று.

மனம் என்பது அறிவினது செயல்பாடாகும்
மதிப்புடைய அறிவியக்க நிலைகள் மூன்று
மனம் புறமாய், புலன் மூலம் இன்ப துன்ப
மருட்சியிலே இயங்குநிலை ஒன்று; பின்னும்
மனம் கருவில் பதிவான வினைகள் தம்மை
மருவியுணர் நிலையொன்று, அதற்கு மேலாய்
மனம் உயிரை, உலகைக் கடந்தாதியான
மவுனநிலை நிற்பதொன்று ; உணர்ந்து கொள்வோம்

ஞானக்களஞ்சியம் பாடல் எண் : 1179

தொடரும்.....

Saturday, 6 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(06/04/2019)*

ஸ்வாதிஷ்டான சக்கரம்

இது பஞ்சபூதத்தில் நீருக்குரிய இடம். இதை அட்ரினல் சுரப்பி என்று ஆங்கிலத்தில் கூறுவர்.

இங்கு நமது மகரிஷி அவர்கள் சிறிதளவு நேரமே தவம் இயற்றக் கூறுகிறார்கள். . இதை யாரும் சரியான முறையில் பயன்படுத்தினால், ஹார்மோன் சீராக சுரக்கும்.... கணைய நீர், பித்தநீர் உற்பத்தியை சரி செய்து சீராக இயங்கச் செய்கிறது. இரத்த ஓட்டம் சீரமைக்கிறது. ரத்த அழுத்தத்தை சமநிலையில் வைக்க உதவுகிறது. சுறுசுறுப்பாகவும், பிராணவாயு சீராக இருக்க உதவுகிறது.

தூண்டப்படும் இடம், தூண்டப் படும் பொருள் உணர்ச்சிக்குட்பட்டது என்றாலும் பாலியல் சக்தி இதில்தான் மையம் கொண்டிருக்கிறது. இந்த  சக்தியை புனிதமாகக் கருதுவோர் அதை தற்காத்துக் கொள்கிறார்ள்.  ஈகோவுக்கும் இந்த சக்திதான் காரணமாக இருக்கிறது.
மற்றவர்களின் மன அலைச்சுழலை உணரும் தன்மை இந்த சக்கரத்துக்கு உண்டு. ஐம்புலன்களை அடக்கி அறிகின்ற சக்தியும் இதிலிருந்து தொடர்கிறது. பாலியல் சுரப்பிகளின் மீது இது ஆதிக்கம் செலுத்துகிறது. உற்பத்தி உறுப்புகள், கால்கள்  இதன் கட்டுப்பாட்டில் இருக்கின்றன.

சிறிதளவு தவமியற்றி அதன் செயல்பாட்டை சீராக வைத்துக் கொண்டும் காயகல்பம் பயிற்சியை செய்வதன் மூலம் பாலுணர்வு தூண்டுதலை சமன்படுத்திக் கொள்ளவும் கற்பொழுக்கம் ஓங்கவும், செய்ய முடியும்.

இந்த சக்கரத்தினால் விளைவும் நன்மைகளை மட்டுமே கவனத்தில் கொண்டு பயன்பெறலாமே! அதிகம் தூண்டப்படுவதற்குப் பதிலாக குறைந்த நேரம் தவமியற்றி தன்னை பாதுகாத்துக் கொள்ளலாமே.. சீரான இயக்கம் உணர்ச்சியை தூண்டுவதிலிருந்து தன்முனைப்பிலிருந்து (ஈகோ) காத்துக் கொள்ள முடியும். மன அமைதிக்கும் வழி வகுக்கும்.

அன்புடன் ஜே.கே

அருட்தந்தையோடு அருளானந்தனின் அனுபவங்கள்

வாழ்க வளமுடன்

அருட்தந்தையோடு அருளானந்தனின் அனுபவங்கள்

பாகம் : 22

மனித அமைப்பில் உள்ள மற்றுமொரு சிறப்பு மிக்க சாதனம் மனம்.

"இந்த மனம் எங்கே தோன்றுகிறது, எவ்வாறு இயங்குகிறது, மனம் இயங்கும் போது நமது உயிரிலும் உடலிலும் எத்தகைய விளைவுகள் நிகழ்கின்றன - என்ற விவரங்கள் குறித்து அருட்தந்தை அவர்கள் வழங்கியுள்ள விளக்கங்களைக் கீழே காணலாம்.

" மனம் இல்லாத மனிதனும் இல்லை. மனதை அறிந்து கொண்ட மனிதர்கள் சிலர் தான் " என்று அருட்தந்தை அவர்கள் கூறுவார்கள். மேலும், மனதின் சிறப்பைப் பற்றி,
" மனம் புலன் உணர்வினில் மயங்கிட மாயையாம் " என்ற வரியில் தொடங்கும் பாடலில் கீழ்க்காணுமாறு குறிப்பிட்டுள்ளார்கள்.

"மனமது இயற்கையின் மாபெரும் நிதியலோ!
மனமதைத் தாழ்த்திட மயக்கத்தால் துன்பமே
மனமதை உயர்த்தினால் மட்டிலா இன்பமாம்
மனத்திலே உள எல்லாம் மற்றெங்கேத் தேடுவீர்?

- பாடல் எண் : 1176, ஞானக்களஞ்சியம்.

இத்தகைய மனம் எங்கே தோன்றுகிறது என்பதை அருட்தந்தை அவர்கள் கீழ்க்காணுமாறு விளக்கமளிக்கிறார்கள்.

உயிரின் உட்பொருளாய் சுத்தவெளி (தெய்வம்) இருக்கிறது என்றும் இயக்க நிலையில் தெய்வமே அறிவாக செயல்படுகிறது என்பதையும் ஏற்கனவே சிந்தித்தோம். இதற்குச் சான்றாக அருட்தந்தை அவர்கள் ஒரு பாடலை நினைவு கூருவோம்.

"அறிவாக என்னுள்ளே அமர்ந்து இயங்கிக்கொண்டே
அகண்ட பேரண்டத்துள் அடங்கியுள்ளவற்றை
பொறி ஐந்தின் புலனைந்தின் இயக்க அலை மூலம்
புரிந்து கொள்ளும் நுட்பத்தை எனக்களித்து விட்டாய்

பாடல் எண்: 5, பக்கம் : 17
அருட்பேராற்றலின் அன்புக்குரல்

தொடரும்....

Friday, 5 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(05/04/2019)*

*எப்பொருளை எச்செயலை எக்குணத்தை எவ்வுயிரை ஒருவர் அடிக்கடி நினைந்தால் அப்பொருளின் தன்மைதாய் நினைப்போர் ஆற்றல் அறிவினிலும் உடலினிலும் மாற்றம் காணும்..* ( ஞா.க. 10)
        

இது தான் இயல்பூக்க நியதி.. குருவின் மதிப்பை மட்டும் மகரிஷி இங்கே குறிப்பிடவில்லை.. இததைத் உள்ளார்ந்த பொருளை கவனிக்க வேண்டியுள்ளது.

யார் எதை, யாரை, எந்த விஷயத்தை, எந்த செயலை நினைத்துக் கொண்டே இருக்கிறார்களோ.. அந்தத் தன்மையினை தனது குணநலன்களாக, பண்புநலன்களாகப் பெறுவது திண்ணம்.

இதன் மூலம் சில கேள்விகள் சிந்தனைக்கு எடுத்துக் கொள்ளலாம்.

குழந்தைகள் முதற்கொண்டு பெரியவர்கள் வரை..
எவ்வகையான நண்பர்களை அவர்கள் பெற்றிருக்கிறார்கள்??

எந்த விளையாட்டை அவர்கள் அதிகம் நாடுகிறார்கள்?? அதாவது சில Games அலைபேசியில் உள்ளதில் பல Shooting games (சுடுதல் ) உள்ளது.. ஒருவருக்கு உதவி செய்வது போல உணவு பரிமாறுவது போல சில Games . இப்படி ஆக்கத்திற்கு உதவும் விளையாட்டா, அழிவிற்கான விளையாட்டை நாடுகிறார்களா??

இப்படிப் பலப் பல விஷயங்கள் இன்று கணிணியில் உள்ளது. அதில் அவர்கள் நாடுவது எதை??

அல்லது நண்பர்களுடன் ஓடியாடி விளையாட ஆசைப்படுகிறார்களா??

பதின்பருவ வயதினர் அலைபேசியில்/ தொலைக்காட்சியில் எதை ரசித்துப் பார்க்கிறார்கள்?? அதை கவனிக்க லேண்டியுள்ளது. வயதிற்குரிய சில விஷயங்களை நாடுவது இயல்பான விஷயம். ஆனால் அதில் மூழ்காமல் இருப்பதற்கு மனவளக்கலை பயிற்சி உதவும்.

பெரியவர்கள் ஆண்கள்/ பெண்கள் இருபாலரும் FB, Instagram, Twitter, Whats App, போன்ற பல Apps. உள்ளது. நடிகர் வடிவேலு அவர்கள் கூறவது போல் 'வச்சிட்டான்யா ஆப்பு??' அது App அல்ல.. கூர்ந்து கவனித்து அதிக நேரம் அதில் செலவழிப்பதை விளைவறிந்த விழிப்புணர்வில் ஊடகங்களை நல்ல விஷயங்களுக்கு மட்டும் பயன்படுத்துவது சிறப்பு..

இது தான் இன்றைய தொழில்நுட்பத்தை மனிதர்கள் பயன்படுத்தும் இயல்பூக்க நியதி..

எதிலும் எதையும் அடிமையாக்காமல் தனது உடல் மனம் தனது கட்டுப்பாட்டில் வைப்பது சிறப்பு.

எதிலும் கவனம் வேண்டும்.

அன்புடன் ஜே.கே

Wednesday, 3 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(03/04/2019)*

நம் மகரிஷி சாந்தி தவத்தை அளித்திருக்கிறார்கள். ஏன் தெரியுமா?? குடும்பத்தில் உறவிலே நல்லிணக்கத்தைப் பேணவும், எந்த அளவில், யாரிடம் எவ்வாறு  அளவுமுறையோடு பழகுவது என்பதும் மனதிற்கு  அமைதி பெறவும் அதை தக்க வைக்கவும் தான்.

தவக்கனலை குறைப்பதற்கு மட்டுமல்ல. பொறுமையும், நிதானமும் மூலாதாரத்தில் கவனிக்கும் போது வரும். சமநிலை, சகஜ நிலை இங்கு தான் கிடைக்கும்.

நம் உடல், உயிர், மனம்,  இதற்கான மையம் கருமையம். மூலாதாரம், ஆன்மா, உள்ளம், அகம், என்று கூறுவார்கள்.

மூலத்திற்கு ஆதாரமாக இருப்பது மூலாதாரம். . இறைநிலையே மனிதனுக்கு ஆதாரமாக உள்ள உயிரை  தூய்மைபடுத்த ஒரு உதவி.. குருவின் சேர்க்கை உயிர்கலப்பு.

இறைநிலை என்பது மூலம். அதில் மனதை கவனிக்கும் போது மண்ணுக்குரிய ஆராய்ச்சி. இப்பிறப்பின் ரகசியம். பிறவியின் நோக்கம் புலப்படும்.

மனதை லேசாக வைப்பதற்கும் நடுநிலைமையில்..  எந்த சூழ்நிலையிலும், தன்னம்பிக்கை, தைரியத்தோடும், நிற்பதற்கும் துணைபுரிகிறது.

ஒரு மரத்திற்கு மூலம் அதன் விதை தான்.

அதே போல் மனிதனுக்கு மூலம் மூலாதாரம். இது ஆழ்மனம்.  இங்கே சங்கல்பத்திற்கு வலிமை கூட்டும் போது அது திணிவு பெறுகிறது.  செயலாகிறது.
உயிருக்கான இயக்க மையம் மூலாதாரம். அமைதி வேண்டுமானால் இங்கே மனம் குவித்து சரி செய்ய முடியும். எப்பொழுதெல்லாம் உடல், மனநலன் அசௌகரியமாக உள்ளதோ, அமைதி தவத்தில் சிறிது நேரம் இருந்தால்.. உணர்ச்சி வயத்திலிருந்து உணர்வுநிலைக்கு வர முடியும்.

அன்புடன் ஜே.கே

Tuesday, 2 April 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(02/04/2019)*

நல்ல மனிதர்கள் உலகில் அதிகரித்து வருகின்றனர். வீட்டில், வெளியில், அலுவலகத்தில், குறைகளை பேசி, வம்பு அளக்காமல், இனிய சொற்களை, அன்பாகப் பேசி சக மனிதரிடம் நல்லிணக்கம் பேண நட்புணர்வை உறவாக  வளர்க்கிறார்கள். எதற்கும் வாக்குவாதம் செய்ய வாய்ப்பே அமையாமல், ஒருவருக்கொருவர் விட்டுக் கொடுத்தும், அனுசரித்தும் செல்கின்றனர்.

பொறாமையை வளர்க்காமல் பொறுமையை வளர்க்கிறார்கள்.

மனஅழுத்தத்தை ஏற்படுத்தும் விஷயங்களுக்கு இடம் கொடுக்காமல் மனதை வளப்படுத்த யோகக் கலையை கற்று மனதை லேசாக வைக்கின்றனர்.

கணவன் மனைவி ஒற்றுமை அதிகரிக்கிறது. கூட்டுக் குடும்பம் மீண்டும் பாதுகாப்புணர்வை அதிகரிக்கிறது. தனிமை குறைக்கப்படுகிறது.. உறவுகள் வலிமை பெறுகிறது. அலைபேசியில் பேசுவது குறைந்து நேரடியாக எதையும் அமர்ந்து கலந்து பேசி முடிவுகளை சரியாக எடுக்கின்றனர்.

இயற்கை உணவும், ஆரோக்கியமும் மக்களிடையே பெருகுகிறது. உலகத்தில் தன்னுடைய உயிரையும், பிறருடைய உயிரையும் மதிக்கும் தன்மை ஓங்குவதால் சண்டை சச்சரவு வன்முறைகள் குறைந்து அன்பும் கருணையும் ஓங்குகிறது.

இயற்கையே அனைத்தும்... மூலமும் முடிவும் ஒன்றே என்றுணர்ந்த போது அங்கே அமைதி நிலைக்கிறது. உலக அமைதி நிலவுகிறது. இயற்கை வளம் ஓங்குகிறது. தெய்வீகம் பரவுகிறது. சிந்தனைத்திறனில் ஏற்றம் நிகழ்கிறது.

எங்கும் பசுமையும், அன்பும், அறனும் மலர்கிறது. கல்வித் தரத்தில் ஏற்றம் மாற்றங்களாக சிந்தனைத்திறனை ஊக்குவிப்பதாக ஒழுக்கப்பழக்கக் கல்வியை.. விஞ்ஞானம், விவசாயத்தில், ரசாயனக் கலவை அல்லாத இயற்கையின் மணம்...  அதன் வாசம் எங்கும் வீசுகிறது. நற்பண்புகள் அனைவரிடையே ஊடுருவுகிறது. ஊடாடிக்கொண்டே இருக்கிறது. உலகமெல்லாம் அதன் நறுமணம் பரவுகின்றது.. அமைதியும் மகிழ்ச்சியும் நிலவுகின்றது.
இவ்வாறு சிந்திக்கும் போது அதை கற்பனைக் காட்சியாக மனதில்  வலம் வருகிறது. மனம் பேரானந்தம் அடைகிறது.

அன்புடன் ஜே.கே