Tuesday, 19 March 2019

அருட்தந்தையோடு அருளானந்தனின் அனுபவங்கள்

வாழ்க வளமுடன்.

அருட்தந்தையோடு அருளானந்தனின் அனுபவங்கள்.

பாகம் : 9.

உலக சமுதாய சேவா சங்கத்தின் அகில உலக தலைமையகத்திற்குச் (International Head Quarters) சொந்தக் கட்டிடம் அமைக்கப்படுதல்.

உங்களுக்கு ஏற்கனவே தெரிவித்தப்படி, 1983 ஆம் ஆண்டு உலக சமுதாய சேவா சங்கத்தின் வளர்ச்சிக்கு (Developement) சிறந்த திருப்பு முனையாக அமைந்தது என்பதற்கு முதன் முதலாக சங்கத்தின் சொந்தக் கட்டிடம் அமைக்கப்பட்டது ஒரு சான்றாகும்.

1981 ஆம் ஆண்டு ஆகஸ்டு 14 ஆம் தேதி, அருட்தந்தை அவர்களின் 71 ஆவது பிறந்த நாள் வழக்கம் போல் சென்னையில் கொண்டாடப்பட்டது. அந்த விழாவில் மனவளக்கலை யோகா பயின்ற அன்பர்களின் அன்பளிப்பாக ரூபாய்.71,000/- பிறந்தநாள் பரிசாக (Gift) அளிக்கப்பட்டது. இத்தொகையை அருட்தந்தை அவர்கள் நமது சங்கத்திற்கென ஒரு சொந்தக் கட்டிடத்தை அமைப்பதற்குப் பயன்படுத்திக் கொள்ளும் வகையில், பொதுச் செயலாளரிடம் வழங்கினார்கள். இத்தொகையைக் கொண்டு, சென்னை, திருவான்மியூர், வால்மீகி நகரில் ( தற்போது தலைமையகம் இருக்கும் இடத்தில்) சங்கத்தின் சொந்தக் கட்டிடத்தை அமைப்பதற்கான பணி தொடங்கப்பட்டது.

மனவளக்கலையைக் கற்றுப் பயன்பெற்று வந்த பல அன்பர்களின் நன்கொடைத் தொகையைப் பயன்படுத்தி, இக்கட்டிடப் பணி முடிக்கப் பெற்றது.

இந்தக் கட்டிடம், அருட்தந்தை அவர்களின் தலைமையில், பல்துறை அறிஞர்கள், பயிற்சிப் பெற்ற அன்பர்கள் - ஆகியோர் கலந்து கொண்ட ஒரு சிறப்பு நிகழ்ச்சியில், 25.11.1983 அன்று திறக்கப்பட்டது.

அருட்தந்தை அவர்கள் வெளியூர் மற்றும் வெளிநாட்டுப் பயணம் மேற்கொள்ளாத நாட்களில் இங்கு தங்கி, ஆன்மீக சேவையையும், நிர்வாகப் பணிகளையும் செய்து வந்தார்கள்.

தொடரும்....

Monday, 18 March 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(18/03/2019)*

அனைவருக்கும் அன்பு என்பது தான் அவசியமாக இருக்கிறது.. அது ஏன் இக்காலத்திலே அரிதாகி விட்டது என்று தான் புரியவில்லை?

ஒரு இயந்தரத் தனமான வாழ்க்கையை தான் வாழ்ந்து கொண்டு இருக்கிறார்கள் மக்கள்.

பிள்ளைகளுக்காக சம்பாதிக்கிறோம் என்கிறார்கள், ஆனால் அதே பிள்ளைகளுக்கு நேரம் ஒதுக்கி ஒன்றாக உணவு சாப்பிடுவதோ அல்லது அவர்களது பள்ளியில், கல்லூரியில் என்ன நடந்து கொண்டிருக்கிறது என்பதை கேட்கத் தயாராகவும் இருக்க வேண்டும் தானே??

குடும்ப உறவுகளிடையே அன்பு எனும் நல்லிணக்கம் கணவன் மனைவி இருவருக்கும் இருந்தால் மட்டுமே... அது வீடு முழுக்கப் பரவும். அவர்களிடத்திலே இருக்க வேண்டுமென்றால் விட்டுக் கொடுக்க வேண்டும், மன்னிக்கும் பழக்கமும், மறக்கும் பழக்கமும் இருந்தால் மட்டுமே  அமைதி காண   முடியும்.

அதற்கு பதிலாக கணவரோ/ மனைவியோ ஏதோ கோபத்தில் அல்லது உணர்ச்சிவசத்தில் பேசிவிட்டால் அதையே நினைத்து நினைத்து, வருந்திக் கொண்டு தன்னையும் வருத்திக் கொண்டு, இருக்கக் கூடாது. சூழ்நிலையின் இறுக்கம் புரிந்து நேர்மறை எண்ண அலைகளை பரப்பும் போது அங்கே தன்னுடைய தவறு அல்லது சண்டை வந்ததற்கான பங்கு தன்னிடம் என்ன இருக்கிறது?  என்று யோசித்தால் இருவருமே சமாதானம் அடைய முடியும்..

ஒரே ஒரு மன்னிப்பு கேட்பதில் என்ன குறைந்தா விடப்போகிறோம்.. அந்த ஒற்றை சொல் இரு மனங்களிடையே இருக்கும் மனஇறுக்கத்தையும்,  மன இடைவெளியையும் குறைக்கும் தானே!!

ஏன் முயற்சித்து ஒற்றுமை பேணி பிள்ளைகளுக்கு ஒரு  எடுத்துக்காட்டாக வாழலாம் தானே!

இன்றைய சூழ்நிலை பலவாறு யோசிக்கத் தூண்டுகிறது பிள்ளைகளுக்கு.. அதை பெற்றோர்கள் வீட்டில் குடும்பத்தில் ஏற்படுத்தாமல் இருந்தால்... பிள்ளைகள் மகிழ்ச்சியாக இருப்பார்கள்.. அவர்களது எதிர்காலமும் சிறப்பாக அமையும்.

அன்புடன் ஜே.கே

அருட்தந்தையோடு் அருளானந்தனின் அனுபவங்கள்

வாழ்க வளமுடன்.

அருட்தந்தையோடு அருளானந்தனின் அனுபவங்கள்.

பாகம் : 8

ஆழியாறு அறிவுத் திருக்கோயில் அமைக்கப்படுதல்.

25.12.1985 அன்று அருட்தந்தை அவர்களின் முன்னிலையில், அருட்செல்வர் டாக்டர் N. மகாலிங்கம் அவர்களின் தலைமையில் அறிவுத் திருக்கோயிலுக்கான கால்கோல் விழா இனிதே நடைப்பெற்றது. பொள்ளாச்சியில் உள்ள அருட்செல்வர் அவர்களுக்குச் சொந்தமான "காந்தி மண்டபத்தில்" 25.12.1985 முதல் ஒரு வார ஆசிரியர் பயிற்சியை அருட்தந்தை அவர்கள் நடத்தினார்கள். இந்தப் பயிற்சியில் சுமார் 300 அன்பர்கள் கலந்து கொண்டனர். அவர்களில் நானும் ஒருவன்.

நாங்கள் அனைவரும் அறிவுத் திருக்கோயில் கால்கோல் விழாவில் கலந்து கொள்ளும் நல்வாய்ப்பைப் பெற்றோம்.

1986 ஆம் ஆண்டு முதல் ஆழியாறு அறிவுத் திருக்கோயில் வளாகத்தில், அருட்தந்தை அவர்கள் பயிற்சிகளை நடத்துதல்.
**************
25.12.1985 முதல் கட்டிடப் பணிகள் சிறப்பாக நடைப்பெற்றன. அருட்தந்தை அவர்கள் அந்த வளாகத்தில் தங்கி ஆசிரியர்ப் பயிற்சி, மௌன நோன்பு நடத்துதல், போன்ற சேவைகளைச் செய்வதற்கு ஏதுவாக, 'வள்ளலார் குடில்' அமைக்கப்பட்டது. அதே சமயத்தில் பயிற்சி நடத்துவதற்கு ஏதுவாக சுமார் 300 பயிற்சியாளர்கள் வசதியாக அமரும் வகையில் ஒரு கட்டிடம் அமைக்கப்பட்டது.

தொடரும்......

Saturday, 16 March 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(16/03/2019)*

வாழ்க்கையை தான் பெரும்பாலானவர்கள்  இதெல்லாம் ஒரு வாழ்க்கையா?? என்று சலிப்போடு கூறுகின்றனர்.

உண்மையில் ஒவ்வொரு மனிதப் பிறவியும் தெய்வீகத்தை நோக்கியே பயணிக்கிறது..

எதற்காக இந்த வாழ்க்கை என்று தெரியாமல் மனிதன் பயணிக்கிறான். இலக்கு எது என்பது புரிய ஆரம்பித்தவுடன் யோக வாழ்க்கையில் தேடலை ஆரம்பிக்கிறான்.

மனித மனம் உணர்ச்சிக்கும், உணர்வுக்குமான, புரிதலின் புனிதப் பயணம். இங்கே உணர்ச்சி வெல்ல தன்னை அனுமதிக்கிறாரா?? உணர்வில் பேரின்ப களிப்பில் திளைக்கிறாரா? என்பது தான் ஒவ்வொருக்குள்ளும் எழும் கேள்வி..

ஏனென்றால் ஒவ்வொருவரையும் கர்மவினை சவாலுக்கு அழைக்கும்.. பழக்கத்தின் வழி வாழப் போகிறாயா? உண்மையின் வழியான மெய்விளக்க வழி வாழப் போகிறாயா?  என்று கேள்வி கேட்கும்.. மனிதன் சவாலை ஏற்பானா??
அனைவரின் சிந்தனைக்கு...

கேள்விகள்... விடைகள் ஒவ்வொருக்குள்ளேயே இருக்கும். கேள்விகளை கேட்பதிலும், வாக்குவாதம் செய்வதிலும், குறைகள் காண்பதிலும் மனதை செலுத்தினால்... அதன் பக்கமே ஒருவர் ஈர்க்கப்படுவார்.. விடைகள் அவர்களை நெருங்காது.. இதனால் தான் பலபேர்  வாழ்க்கையை புரியாத புதிராகவே எதிர் நோக்குகின்றனர். தீர்வுகளை மட்டுமே ஒருவர் சிந்திக்கப் பழகினால் விடைகளும், விளக்கங்களும் தானாகவே வந்து சேரும். 

மனவளக்கலை பயிற்சி எளிமையாக, மகிழ்ச்சியாக, அமைதியாக வாழ  வாழ்க்கைப் பாதையை  காட்டுகிறது.

அன்புடன் ஜே.கே

அருட்தந்தையோடு அருளானந்தனின் அனுபவங்கள்

அருட்தந்தையோடு அருளானந்தனின் அனுபவங்கள்.

பாகம் : 6

ஆழியாறு அறிவுத் திருக்கோயிலை அமைப்பதற்கான இடத்தைப் பெறுவதற்கு இறையாற்றல் ஏற்படுத்தித் தந்த சூழ்நிலைகள்.

அருட்தந்தை அவர்கள் 1983 ஆம் ஆண்டில், கோவை மாவட்டத்தில் உள்ள பொள்ளாச்சி நகரில் ஒரு வார அகத்தாய்வுப் பயிற்சியை நடத்தினார்கள்.

இந்தப் பயிற்சியில் அருள்நிதி M.சின்னசாமி அவர்களும், அவர்களது அன்புத் துணைவியார் மனோரமா அம்மா அவர்களும் கலந்து கொண்டு பயன்பெற்றார்கள். பயிற்சி நிறைவுப் பெற்ற அன்று அருள்நிதி சின்னசாமி அய்யா தம்பதியர் அவர்களது இல்லத்திற்கு வருமாறு அருட்தந்தை அவர்களை அன்புடன் கேட்டுக் கொண்டார்கள்.

அவர்களது அழைப்பை ஏற்று அருட்தந்தை திரு.M. சின்னசாமி அய்யா அவர்களின் இல்லத்திற்குச் சென்று, நமது சங்கத்தின் கொள்கைகள் பற்றி சிறிது நேரம் உரையாடினார்கள்.

பிறகு, தமது உள்ளத்தில் பல ஆண்டுகளாகத் தேங்கியிருந்த 'அறிவுத் திருக்கோயிலைப் பற்றிய எண்ணத்தை அருட்தந்தை அவர்கள் கீழ்க்காணுமாறு வெளியிட்டார்கள்.

"ஒரு தூய்மையான தெய்வீக சூழ்நிலையில் ஒரு ஆசிரமம் ஓங்கார வடிவில் அமைக்க வேண்டும். அதற்கு ஏற்ற இடம், ஆறு, மலை இவற்றிற்கு அருகாமையில் இருக்க வேண்டும்" என்று சொன்னார்கள்.

"அந்தப் பணியை என்னிடம் கொடுத்து விடுங்கள்" என்று சின்னசாமி அவர்கள் கூறினார்கள்.

பிறகு, திரு.M. சின்னசாமி அய்யா அவர்கள் அருட்செல்வர் மகாலிங்கம் அய்யா அவர்களைத் தொடர்பு கொண்டு பேசியபோது தனக்கு சொந்தமான இடத்தை அளிப்பதாக சம்மதம் தெரிவித்தார்கள். அருட்செல்வர் அவர்கள் அருட்தந்தை அவர்களையும், திரு.M.சின்னசாமி அய்யா அவர்களையும் அவருக்குச் சொந்தமான இடத்திற்கு அழைத்துச் சென்றார்கள். தற்போது அறிவுத் திருக்கோயில் இருக்கும் இடத்தைக் காண்பித்தார்கள்.

அருட்தந்தை அவர்கள் விரும்பியவாறே சூழ்நிலையைக் கொண்டிருந்ததால் இந்த இடத்தைத் தேர்வு செய்தார்கள்.

தொடரும்....

Vethathiriya Philosophy

Purpose of Blessing

        You must understand the simple fact that no one can harm another according to one's whims and fancies. Suffering comes to you under the Law of Cause and Effect and the person who causes the suffering it only an agent of this law. Every one carries with him the imprints of this Karma.

        When a person does some thing wrong, some thing sinful, he has to bear the consequences of those actions according to the Law of Cause and Effect. Nature has to bring out and erase the imprint of sin and thus purify him, The process of purification may some times be achieved by individuals own action that may reflect in pain or suffering.

        At other times the pain or suffering may come through the actions of others. Whatever may be the agency through which the pain comes, you must not forget that the cause is your own action and the suffering you undergo is meant to purify you. If you practice constant awareness and cultivate an introspective approach in your daily life, you will clearly realize this truth.

       The individual who causes pain to you is only an instrument in the hands of Nature. His own Karmas made him do harm to you. He will have to bear the consequences of his action sooner of later. But, that is not your concern. What you must constantly remember is, that nothing in the universe can bring you suffering unless your actions warrant it.

      In your pilgrimage towards perfection all the imprints of sins within you can be erased by your following triple methods of purification, namely, expiation, super imposition and dissolution. If you do not take any steps yourself, Nature will take the responsibility of purifying you.

        During such a process, pain and suffering may come to you either through your own actions or through actions of others. If you understand these principles clearly, you will realize that there is no meaning in hating those who do harm to you. They are only Nature's agents, the instruments and messengers of the Law of Cause and Effect System.

        I know that it is not easy to bless your enemy even though you intellectually understand the Truth behind the explanation given by me. As I have been telling you often, the life on this earth is a struggle between the understanding and habit. The life long habit of reaching violently and with hatred to those who harm you cannot be conquered in a day.

        Constant, practice is necessary. Through meditation you increase your will power to direct the activities of the mind according to your wishes and through introspection your understanding of the working of the Law of Cause and Effect will increase day by day.

        With a well trained mind functioning with clear understanding, you will realize the futility of hatred. Only then, through your personal experience you will understand that by hating those that harm you, the vicious circle of hatred is being strengthened, which can bring more and more misery to yourself and others. A clear grasp of this fact and repeated recording of this truth in your brain cells will help you to eradicate hated from your lives and it will become easy for you to bless your enemies.

      Your blessing should never be mechanical or meaningless repetition of few words. They must come from your heart, from deep within you, from the very core of your being. During meditation you mind is merging with its source, namely the Life force or the Soul and later on the soul gets merged with the Supreme.

       When you come out of mediation, you are in a high mental state and if you bless some one from this elevated state it will be very effective, as your blessings abundantly charged with energy. That is why I want you to bless your enemies also after every mediation.

        If you do this regularly and sincerely, your enemies will become your friends in course of time. The medical men of olden days have written about 'Alchemy' the science of converting base metals into gold. What I am teaching you is also a type of alchemy; for it changes your enemies into friends.

- Swamiji Vethathiri Maharishi

Friday, 15 March 2019

அருட்தந்தையோடு அருளானந்தனின் அனுபவங்கள்

அருட்தந்தையோடு அருளானந்தனின் அனுபவங்கள்

பாகம் : 5

1982 மற்றும் 1983 ஆண்டுகள் நமது சங்கத்தின் வரலாற்றிலும், வளர்ச்சி வேகத்திலும் திருப்புமுனையாக அமைந்தன என்பதைக் கீழ்க்காணும் செய்திகளைக் கொண்டு அறிந்து கொள்ளலாம்.

1982 ஆம் ஆண்டில் தான், 1997 ஆம் ஆண்டு முதல் நமது சங்கத்தின் தலைமைப் பொறுப்பில் முழு ஈடுபாட்டுடனும் அர்ப்பணிப்பு உணர்வுடனும் நமது சங்கத்தின் வளர்ச்சிக்கும், ஆழியாறு அறிவுத் திருக்கோயிலின் மேம்பாட்டிற்கும் மகத்தானச் சேவைகளைச் செய்து வருபவரும், இந்திய அரசு அவரது உன்னதமான சமூக சேவைக்காக வழங்கிய பத்மஸ்ரீ விருதினைப் (Padmashri award) பெற்றுள்ளவருமான மதிப்பிற்குரிய அருள்நிதி S.K.மயிலானந்தன் அவர்கள் அருட்தந்தையிடம் தீட்சைப் பெற்றார்கள்.

இதேப்போல் ஆழியாறு அறிவுத்திருக்கோயில் அமைப்பதற்கான இடத்தைப் பெறுவதற்கு அருட்தந்தை அவர்களுக்கு உதவியதோடு, இந்த அறிவுத்திருக்கோயில் மிகச் சிறந்த முறையில் கட்டி முடிப்பதற்கும், பின்பு இதன் விரிவாக்கத்திற்கும், வளர்ச்சிக்கும் முழு ஈடுபாட்டுடன் தன்னை அர்ப்பணித்து வரும் அருள்நிதி சின்னசாமி அய்யா அவர்கள் அருட்தந்தையிடம் தீட்சைப் பெற்றார்கள். அவர்கள் தீட்சைப் பெறுவதற்கு ஊக்கமளித்த அன்புத் துணைவியார், அருள்நிதி மனோரமா அம்மையார் ( என் குருநாதர் நூலை எழுதியவர் ) அவர்களும் அருளாசானிடம் தீட்சைப் பெற்றார்கள்.

எனவே அ/நி SKM அவர்களின் குடும்பத்தினரும், அ/நி சின்னச்சாமி அய்யா அவர்களின் குடும்பத்தாரும் உலக சமுதாய சேவா சங்கத்தின் சீர்மிகு வளர்ச்சிக்கும், ஆழியாறு அறிவுத் திருக்கோயிலின் விரிவாக்கம், செயல்பாடு மற்றும் வியத்தகு செயல்பாடுகளின் மேம்பாடு, இவற்றிற்கு பிற அறங்காவலர்களோடு இணைந்தது, "உற்ற செல்வம், உடலுழைப்பு, அறிவு இவற்றைக் கொண்டு ஆற்றி வரும் தொண்டினை நாம் ஒவ்வொருவரும் உணர்ந்து அவர்களைப் பாராட்டுவோம்.

" அருட்பேராற்றல் கருணையினாலும், அன்பே வடிவான அருட்தந்தை அவர்களின் நல்லாசியினால் இவ்விரண்டு குடும்பத்தினரும் அனைத்து வளங்களும் நிறைவாகப் பெற்று, (முழுமை நலத்துடன்) வாழ்க வளமுடன் பல்லாண்டு என உளமாற வாழ்த்துவோம்.

தொடரும்....

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(15/03/2019)*

புது வீடு கட்டுவதற்கு முன் காலி இடத்தில் உள்ள குப்பைகளை, தேவையில்லாத செடிகொடி, புதர்களை, நீக்குவோம்.

அது போலவே சில நல்ல விஷயங்களை செய்ய வேண்டுமானால்.. புதிய சமுதாயம் உருவாக வேண்டுமானால்.. கதிர்களூடே சில தேவையில்லாத களைகளை நீக்குவது போல், சிலவற்றை அப்புறப்படுத்தித் தான் ஆக வேண்டும்.

மீண்டும் அதனால் எவ்விதத் துன்பமும் ஏற்படாதவாறு வேருடன் பிடுங்கி எறிய வேண்டும். நன்கு வளரும் பயிர்களூடே விஷப்பயிர்களை வளரவிடக்கூடாது. வளர விட்டால் நல்ல பயிற்களைகளும் வீணாகிப் போய்விடும். குப்பையை, கழிவை நீக்கினால் தான் தூய்மை வரும்.

நோய்களுக்கு மருந்து கொடுத்து சரி செய்கிறோம். ஆனால் இயற்கை நமக்கு அளித்த உணவே மருந்தாக உட்கொள்ளும் தன்மையை ஏற்க மனதைப் பழக்கப்படுத்த வேண்டும். அது நோய் வருமுன் காக்க உதவும். சமையலறையில் உள்ள பொருட்களும் புதிதாக உள்ள காய்கனிகளும்,  உணவே மருந்தாகும். , மனதில் தூய்மை வேண்டுமானால் தவமும் தற்சோதனையும் அவசியம். உடலில்  ஆரோக்கியம் மேம்பட  இயற்கை உணவும், உடற்பயிற்சியும் அவசியம்.

மிக முக்கிய விஷயம் எதிலும்,  ஐந்தில் அளவு முறையும் அவசியம். உணவு, உழைப்பு, உறக்கம், பாலுறவு, எண்ணம்.. இவைகளில்,  அந்தந்த பருவத்திற்கேற்ற நேர்மையான அணுகுமுறை அனைத்திலும் அவசியமான பண்பாகும். மித மிஞ்சிய உபயோகம் கூடாது,  பயன்படுத்தாமலும் இருக்கக் கூடாது, அலட்சியப்படுத்தவும் கூடாது, முரண்பட்டும் உபயோகிக்கவும் கூடாது. அளவுமுறை அந்தந்த எல்லைக்கோட்டுக்கு உட்பட்டு நிற்கப் பழகுதல் வேண்டும்.

அன்புடன் ஜே.கே

Thursday, 14 March 2019

Vethathiriya Philosophy

LIFE :

The time length between birth and death is called life.

• Human life is in the coordination of self, society, Nature.

• Self contains individual physical  health, nourishment of life  force, mental hygiene.

• Society is the relationship  and the harmony among the members in the family and among families.

• Nature is the formation of the universe, functional precision and it’s end.

LIFE :

1)Self, 2)society, 3)nature :

1) Self

- physical health

-- simplified physical   exercise

- life  force health - Kayakalpha exercise
      
- Mental health 
- meditation, introspection .

2) society

- family welfare ,
healthy friendship, world peace

-virtuous life

3) Nature

- Brahma Gnanam - Divine feeling

compiled by Arulnidhi Amrutha

Vazgha valamudan 🙏

அருட்தந்தையோடு அருளானந்தனின் அனுபவங்கள்

வாழ்க வையகம்! வாழ்க வளமுடன்! குருவே துணை!!

அருட்தந்தையோடு அருளானந்தனின் அனுபவங்கள்

பாகம் - 2.

1983 ஆம் ஆண்டு 25 ஆண்டுகள் கழித்து, சென்னை , திருவான்மியூர் வால்மீகி நகரில் சங்கத்தின் தலைமையகம் சொந்தக் கட்டிடத்தில் செயல்படத் தொடங்கியது.

கட்டமைப்பு ( Infrastructure ) மற்றும் ஆசிரியர்களை உருவாக்குதல்.

இந்த மாபெரும் வளர்ச்சி ஏற்படுவதற்கு ஏதுவாக நமது அருட்தந்தை அவர்கள் பல மனவளக்கலை மன்றங்களைத் தோற்றுவித்தார்கள். நூற்றுக் கணக்கான ஆசிரியர்களையும் உருவாக்கினார்கள்.

ஆழியாறு அறிவுத்திருக்கோயில்.

அருளாசன் அவர்கள் 'அறிவே தெய்வம்' என்னும் கொள்கையின் அடிப்படையில், உலகிலேயே முதன்மையானதான அறிவுத்திருக்கோயிலை, கோயமுத்தூர் மாவட்டத்தில், ஆனமலை அடிவாரத்தில், அழகான இயற்கை அழகு கொண்ட சூழலில் அமைத்தார்கள். 1990 ஆம் ஆண்டு தொடங்கப்பட்ட இந்த அறிவுத்திருக்கோயிலை, முன் மாதிரியாகக் கொண்டு தமிழ்நாட்டின் பல ஊர்களிலும், வேறு மாநிலங்களிலும் பல அறிவுத் திருக்கோயில்களை அமைப்பதற்கு அன்பர்களுக்கு ஆக்கமும், ஊக்கமும் அளித்தார்கள்.

ஒரு வார சிறப்புப் பயிற்சிகள் மற்றும் ஆசிரியர் பயிற்சிகளை 1990 ஆம் ஆண்டு வரை தனது 79 ஆம் வயது வரை அருட்தந்தை அவர்களே நடத்துதல்.

1989 முதல் 1990 ஆண்டு வரை, ஒவ்வொரு ஆண்டும் தமிழ்நாட்டில் 4 அல்லது 5 அகத்தாய்வு பயிற்சிகளையும், 2 அல்லது 3 ஆசிரியர் பயிற்சிகளையும் நடத்துவார்கள்.

ஒவ்வொரு ஆண்டும் சுமார் 6 மாதங்கள் அமெரிக்கா போன்ற அயல் நாடுகளில் சேவை செய்வார்கள்.

இந்தியாவில் தங்கியிருக்கும் போது, புதுதில்லி, மும்பை போன்ற நகரங்களிலும், கர்நாடகா, ஆந்திரா போன்ற மாநிலங்களிலும் பயிற்சிகள் நடத்துவார்கள்.

எனவே 1985 ஆம் ஆண்டு தான் சேலம் நகரத்திலிருந்து சுமார் 10 கி.மீ தொலைவில் உள்ள
ஒரு திருமண மண்டபத்தில் நடைப்பெற்ற அகத்தாய்வுப் பயிற்சியில் கலந்துகொள்ளும் நல்வாய்ப்பைப் பெற்றேன்.

பின்பு அதே ஆண்டில், பொள்ளாச்சியில் உள்ள 'காந்தி மண்டபம்' எனும் திருமண மண்டபத்தில் அருட்தந்தை அவர்கள் நடத்திய ஒருவார ஆசிரியர் பயிற்சியை முடித்து ஞானாசிரியர் சான்றிதழை அருட்தந்தை அவர்களிடம் பெற்றேன்.

தொடரும்.....

அருட்தந்தையோடு அருளானந்தனின் அனுபவங்கள்

அருட்தந்தையோடு அருளானந்தனின் அனுபவங்கள்.

பாகம் : 4

எண்ணியவெல்லாம் எண்ணியபடியே ஆகும்;
எண்ணத்தில் உறுதியும் ஒழுங்கும் அமைந்திடில்.

- ஞானக்களஞ்சியம் பாடல் 1540

அருட்தந்தை அவர்கள் தனது வாழ்வின் அனுபவங்களின் அடிப்படையில் வழங்கயுள்ள இந்தப் பாடலை ஒரு சாமியம் (formula) என்றே கருதலாம்.

இந்தச் சாமியத்திற்குச் சான்றாக அவர்களது வாழ்க்கையில் பல திட்டப்பணிகள் (projects) வெற்றிகரமாக நடந்தேறின. அத்தகையத் திட்டப் பணிகளில் ஒன்றுதான் உலகிலேயே முதன்முதலாக அறிவே தெய்வம் என்ற தத்துவத்தின் அடிப்படையில் ஆழியாறில் அமைக்கப்பட்ட 'அறிவுத் திருக்கோயில்'.

அருட்தந்தை அவர்களது உள்ளத்தில் இந்த எண்ணம் எழுந்த நாள் முதல் (உலக சமுதாய சேவா சங்கத்தின்) தலைமையகத்தில் நடைப்பெற்ற கூட்டுத்தவ முடிவில் (1983 ஆம் ஆண்டு) இதனை அறிவித்த நாள் வரை சங்கத்தின் பொருளாதார நிலை அத்தகைய திட்டப்பணியை முடிப்பதற்குப் போதுமானதாக இல்லை.

எனவே இதனை அறிந்தவர்களில் மேலே குறிப்பிட்ட சாமியத்தை அறியாதவர்கள்,பெருமளவு தொகையைச் செலவு செய்து இந்தத் திட்டப்பணியை வெற்றிகரமாக முடிக்க முடியுமா என்று எண்ணியது இயல்புதான். ( வியாப்பதுமில்லை).

இருப்பினும், உலக மக்களின் மேன்மைக்காகப் பயன்படவுள்ள ஒழுங்கும், இந்த எண்ணம் நிறைவேற வேண்டும் என்ற உறுதியும் அருளாசான் அவர்களின் எண்ணத்தில் இருந்தன. எனவே, இந்த எண்ணம் நிறைவேறுவதற்கான சூழ்நிலையை இறையாற்றலே அருட்தந்தை அவர்களுக்கு எவ்வாறு ஏற்படுத்தித் தந்தது என்ற விவரங்களை நாளைத் தெரிவிக்க உள்ளேன்.

தொடரும்....

Wednesday, 13 March 2019

அருட்தந்தையோடு அருளானந்தனின் அனுபவங்கள்

அருட்தந்தையோடு அருளானந்தனின் அனுபவங்கள்.

பாகம் : 3

அருட்தந்தை அவர்களின் ஒப்பற்ற நம்பிக்கை ( self confidence )

அருட்தந்தை அவர்கள் 1983 ஆம் ஆண்டில், ஒரு நாள் வாடகை இல்லத்தில் நடைப்பெற்ற கூட்டுத் தவத்தை நடத்தி முடித்த பிறகு, ஆழியாறு அறிவுத் திருக்கோயில் அமைப்பதற்கான இடத்தை தேர்வு செய்து விட்டதாகவும், அந்த இடத்தில் ஓங்கார வடிவத்தில் அறிவுத் திருக்கோயில் அமைக்கப்பட உள்ளது எனவும் மிகவும் மகிழ்ச்சியுடன் தெரிவித்தார்கள்.

என்னைப் போன்று 'குருவின் வாக்கு வேத வாக்கு' என்ற எண்ணம் கொண்டவர்கள் அறிவுத் திருக்கோயில் நிச்சயமாக அமைக்கப்படும் என்று நம்பினோம்.

ஆனால், தவத்தில் கலந்து கொண்ட சில அன்பர்கள், "அன்றைய உலக சமுதாய சங்க பொருளாதார நிலையில், அதிக செலவில் ஆழியாறு அறிவுத் திருக்கோயில் அமைப்பது இயலாத செயல்" என்ற கருத்தை சங்கத்திற்கு வெளியே வந்த பிறகு பிற அன்பர்களிடம் கூறிக் கொண்டிருந்தார்கள்.

அருட்தந்தை அவர்கள் அடுத்த நாள் நடத்திய கூட்டுத்தவம் நிறைவுப் பெற்றப் பிறகு, பிறருடைய எண்ணத்தை அறிதல் ( mind reading ) என்ற கலையை அறிந்தவர் என்ற முறையில் பின் வருமாறு கூறினார்கள்.

"இதற்கு முந்தைய கூட்டுத் தவத்திற்குப் பிறகு ஆழியாறில் அறிவுத் திருக்கோயில் அமைப்பது பற்றி உங்களிடம் சொன்னேன். இங்கே இருக்கும் சில அன்பர்களுக்கு இந்தத் திட்டப்பணி நடந்தேறும் என்பதில் நம்பிக்கையில்லை என அறிகிறேன்.

எந்தத் திட்டப் பணியை மேற்கொண்டாலும் ( உ.ம் : வீடு கட்டுதல் ) முதலில் திட்டமிடுபவர் மனதில் செயல் திட்டத்தின் முடிவில் நாம் பெறக்கூடிய விளைப்பயன் ( product) ஒரு கற்பனையாகத்
தான் இருக்கும்.
அடுத்த கட்டம், அறிவுத் திருக்கோயில் அமைப்பதற்கான நிழற்பட திட்ட வரைவு (blueprint) தயாரித்த பிறகு, அப்போது நமது மனதில் அறிவுத் திருக்கோயில் அகக்காட்சியாகத் ( visual) தெரியும். கட்டிடப் பணி முடிந்த பிறகு உண்மையான அறிவுத் திருக்கோயிலைக் கண்ணால் பார்க்க முடியும்.

எந்த ஒரு திட்டப் பணிக்கும் imagination, visualisation, actualization (actual result) ஆகிய மூன்று கட்டங்கள் உண்டு.

இப்போது முதல் கட்டப் பணிகள் முடிந்து விட்டன. படிப்படியாக மீதி இரண்டு கட்டப் பணிகளும் முடிவுற்று, நாம் அறிவுத் திருக்கோயிலைக் காண உள்ளோம்."

அருட்தந்தை அவர்களின் வலுவான தன்னம்பிக்கையை வெளிப்படுத்தும் வகையில் இந்த உரை அமைந்தது.

Tuesday, 12 March 2019

தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(12/03/2019)*

குடும்பம் என்பது கோயில்..  பல ஆன்மாக்கள் சங்கமித்து, பல உயிர்களை உறவுகளாக  இறைநிலை தேர்ந்தெடுத்து, அமைதி, மகிழ்ச்சி, மனநிறைவு, இருக்கும் இடமாக கருதும் ஒரே இடம்.. ஆனால் அப்படி இருக்கிறதா தற்காலத்தில்??

தனிக்குடித்தனம், தனி சமையல், தனிமை. தனிமை பல தரமுடைய வாய்ப்பை ஏற்படுத்துகிறதா? யாருக்கேனும் இதில் நல்வாய்ப்பாக அமைந்திருக்கிறதா?? சுயசிந்தனை வேண்டும்.

அக்காலத்தில் வீட்டில் தாத்தா, பாட்டி, பல உறவுகள் ...  குடும்ப ஒற்றுமை, நிர்வாகம், விட்டுக்கொடுத்தல், சகிப்புத் தன்மை, இவை ஒட்டுமொத்தமாக கூட்டுக் குடும்பத்தில் மட்டுமே பார்க்க முடிந்தது.

தற்காலத்தில் ஒவ்வொருவரிடமும் ஒரு எதிர்பார்ப்பு..ஆசை ..பேராசையாக.. .. மாறுகிறது.  உறவுகளிடையே அன்பும் நல்லிணக்கமும்  மட்டும் தான் பேண வேண்டும்..  தனது கடமையை முழுமனதுடன் ஒவ்வொருவருக்கும் செய்வதற்காகவே உறவுகள்.

அதில்...  நான் ஏன் இவர்களுக்கு செய்ய வேண்டும்? என்ற எண்ணம் தோன்றக்கூடாது.. பதிலாக நமது கடமையை முழுமையாக நிறைவேற்றத் தான் உறவுகளை ஏற்படுத்திக் கருமையத் தூய்மைக்கு வழி வகுக்கிறது இறையாற்றல்.

கடமையை செய்வதே கர்மயோகம். கருமையத் தூய்மைக்குத் தான் துன்பங்கள் வருகின்றன.. அதை ஏற்றுக் கொண்டு சூழ்நிலையை சாதகமாக்கி *'வாழ்க வளமுடன்'* வாழ்த்து கூறி அனைவரையும் நட்புறவாக்கிக் கொள்ள முடியும். துன்பமும் காணாமல் போய்விடும். தனது கடமைகளும் உணரப்படும்.

அன்புடன் ஜே.கே