தினம் ஒரு மாற்றம்

*வாழ்க வையகம்!*
*வாழ்க வையகம்!*
*வாழ்க வளமுடன்!!*

*தினம் ஒரு மாற்றம்*
*(17/04/2019)*

நம் நாட்டில் அனைத்து வளங்களும் இருப்பாகவே, உபரியாகவே உள்ளது. ஒவ்வொருவரின் எதிர்மறை எண்ண அலைகளால் இருப்பை இல்லாதது போல் ஒரு மாயையை உண்டு பண்ணுகிறது மனித மனம் தான்.

இயல்பை உணரும் காலம் வந்துவிட்டது.. தனக்குள் இருக்கும் தெய்வீத்தை மனித மனம் உணரத் தொடங்கி விட்டது. இனி இறையுணர்வுடனும் அறநெறியுடனும் வாழவே முற்படுகிறான் மனிதன். நியாயம், அநியாயம், உண்மை, பொய், எது என்பது புரிந்து கொள்ள ஆரம்பித்து விட்டார்கள் மக்கள்.

மக்கள் வளமாக, நலமாக, வாழ என்ன வேண்டும் என்று எண்ணத்தை சிந்தனையில் செதுக்க ஆரம்பித்து விட்டார்கள்  மனிதர்கள்.

இனி விழிப்புணர்வில் நின்று செயல்களாற்றும் திறம் தன்னுள் வந்துவிட்டதை உணர்கிறார்கள். 

எது வேண்டும் வேண்டாம் என்று இனங்கண்டு கொள்ள எந்த புலன் அனுபோகம் பெறும் பொழுதும் நினைவை துரியத்தில் வைத்து செயல்களாற்ற நன்மையே அனைவருக்கும் நடக்கும் என்ற நம்பிக்கை விதையை நம்பிக்கையோடு விதைக்கலாம்.

ஒரு விதை தரும் பயனை சில ஆண்டுகளில் மரமாகி காய் கனியாகி நிழலாக கிடைக்கும் போது மட்டுமே அது புரிய வருகிறது.. ஆரம்பத்தில் புரிவதில்லை. புரிந்து கொண்டு அறிவைக் கொண்டு செயல்படும் பொழுது இறைநிலை அனைத்து மக்களுக்கும் பாரபட்சமின்றி நன்மையே அளிக்கும்.

அன்புடன் ஜே.கே