தினம் ஒரு மாற்றம் (06/08/2018)

வாழ்க வையகம்!
வாழ்க வையகம!
வாழ்க வளமுடன்!!

*தினம் ஒரு மாற்றம்* (06/08/2018)
குறள் 380:

ஊழிற் பெருவலி யாவுள மற்றொன்று
சூழினுந் தான்முந் துறும்.

விளக்கம் 1:
ஊழை விட மிக்க வலிமையுள்ளவை வேறு எவை உள்ளன, ஊழை விலக்கும் பொருட்டு மற்றோரு வழியை ஆராய்ந்தாலும் அங்கும் தானே முன் வந்து நிற்கும்.

விளக்கம் 2:
விதியை வெல்ல வேறொரு வழியை எண்ணி நாம் செயற்பட்டாலும், அந்த வழியிலேயோ வேறு ஒரு வழியிலேயோ அது நம்முன் வந்து நிற்கும்‌; ஆகவே விதியை விட வேறு எவை வலிமையானவை?.

English Couplet 380:
What powers so great as those of Destiny? Man's skill
Some other thing contrives; but fate's beforehand still.

Couplet Explanation:
What is stronger than fate ? If we think of an expedient (to avert it), it will itself be with us before (the thought).

இயற்கையை ஒருவர் ஏன் ஆதரிக்க வேண்டும் அல்லது அதனுடன் நல்லிணக்கத்துடன், நட்புடன் ஏன் இருக்க வேண்டும்?? இயற்கை தான் விதி.. அதுவே செயல்விளைவு.

*வி* னை விதைத்தவன் வினை அறுப்பான்.
*தி* னை விதைத்தவன்  தினை அறுப்பான்.

இயற்கையே அனைத்துமாக இருக்கிறது.  இயற்கை என்பது நாம் வாழ்ந்து கொண்டிருக்கும் சூழ்நிலை, தூயவெளி முதல் மனிதன் வரை அனைத்துமே..... அதிலிருந்து வரும் காந்த அலைகள்.... விளைவுகள்....

ஒருவரின் உடல், உயிர், மனம், மட்டும் அல்ல, இயற்கை ஒவ்வொன்றையும் இப்படித்தான்.... என்று வடிவமைத்து, தீர்மானித்து அனைத்தையும் ஒருவரின் செயல்களுக்கேற்ப விளைவைத் தருகிறது.

மனிதன் அறிவால்,  இயற்கையை உருமாற்றி, தரமாற்றி (தரத்தை அதன் தரத்தில் இருந்து மாற்றாமல்  அதன் தரத்தை அவ்வாறே இயல்பாகக் கொடுப்பது) ஆக்கப்பூர்வமாக அதை பயன்படுத்தினர்.

ஆக்கவழியில் சிந்திக்கும் மனிதர்கள் ஒரு போதும் தனது தரத்தை குறைத்துக் கொள்ள விரும்புவதில்லை. 

இன்றைய காலத்தில் அறிவை பலபேர் ஆக்க வழியில் தான் செயல்படுத்தி, முன்னேற்றம் கண்டு, அதை பிறரும் பயன்படுத்தும் வண்ணம் சேவை செய்தும் வருகிறார்கள்.

இயற்கையின் ஆற்றலால் இயற்கை வழியை பின்பற்றினால் ஒருவரின் குணநலன், பண்புநலன், காக்கப்படும்.

இயற்கையை மதித்து வாழ்ந்தால் மட்டுமே அனைவருக்கும் இயற்கை ஒத்தும் உதவியுமாக இருக்கும்.

பூமிக்கு அருகே வரும் கோள்களின் கதிர் அலைகள் ஒருவரின் எண்ணத்திற்கேற்ப ஒவ்வொரு ரசாயனத்தன்மையை உருவாக்கி விளைவை உணர வைக்கிறது. 

அதை மனிதன் உணர்ந்து அதன் காந்தத் தன்மையை புரிந்து, அதன் ஆற்றலை நட்புணர்வுடன் ஈர்க்கும் பொழுது அதன் தாக்கம் ஒருவருக்கு சாதகமாகவே இருக்கும்.

இயற்கையை மதித்தாலே போதும். அதன் நட்புறவு ஒருவருக்கு இயல்பாகக் கிடைக்கும்.

அன்புடன் ஜெ.கே