தினம் ஒரு மாற்றம் (09/06/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (09/06/2018)

ஒன்றுமிலா ஒன்றேதான் ஈர்ப்புசக்தி ஓங்கியதோர் எழுச்சிநிலை அணுவாய் போச்சு ஒன்றான ஈர்ப்பணுவில் எழுச்சியாகும் ஊடுருவி நிறைந்த ஒரு கவர்ச்சியாயும் ஒன்று இரண்டாகி அவை ஒன்றில் ஒன்றாய் ஒவ்வோரணுவும் இயக்க நிலையமாகி ஒன்றை ஒன்று ஈர்த்துக் கவர்ந்து இயங்கியங்கி உண்டான மாறுதலே ஐம்பூதங்கள்.
- அருட்தந்தை வேதாத்திரி மகரிஷி அவர்கள்.

ஏதுமற்ற சுத்தவெளி மட்டுமே அனைத்து கோள்களையும் தாங்கிக் கொண்டிருக்கிறது. சுத்தவெளியே  ஆற்றல் களமாகி இருக்கிறது.

அதற்கு மட்டுமே காந்த சக்தி உண்டு. அப்படியென்றால் அதில் இருக்கும் அனைத்து பொருளுக்கும் உயிர்களுக்கும் ஈர்ப்பு ஆற்றல் உண்டு தானே!

ஒத்தது ஒத்ததை ஈர்க்கும் பண்பு தான் சுத்தவெளியின் பேராற்றல் தன்மை.

மனிதன் உணவை ஈர்க்கும் போது அது  சீரணமாகி அதற்குரிய கால அவகாசத்தில் கழிவாகி வெளியேறி விடுகிறது.

எதுவும் சிறிது காலம் வரை மட்டுமே.

வாங்கும் பொருளும், தேங்கும் பணமும்,   நிலையில்லா பேராசையும் அதன் உண்மை உணரும் போது..ஓயும்.

பின்பு எது நிலைக்கக் கூடியது??

உண்மை என்பதே நிலைக்கும். இறையாற்றல் உண்மையை மட்டுமே ஈர்க்கும்.

தோற்றப் பொருட்கள் எல்லாமே மயக்கும் மாயை. அதன் ஈர்ப்பும் மாயை. அதற்கு மனம் மயங்கி தவறுகள் இழைக்கிறான் மனிதன். அதன் மேல் உள்ள ஈர்ப்பால்.

ஆனால் அளவு மீறும் போது எதுவுமே துன்பமாகிப் போகும் என்பது அவனது அறியாமையே காரணம்.

தியானப் பயிற்சியில் மட்டுமே 'தான்' எதற்காகப் பிறந்தோம் என்று கேள்விக்கு விடை கிடைக்கிறது.

மனிதன் தன்னை அறியவும் தன்னை திருத்தி தன்னை மேம்படுத்திக் கொள்ளவும் மட்டுமே பிறந்தது அப்பொழுது தான் தெரிய வருகிறது.

*நான் யார்?*
விடை அப்பொழுதே கிட்டும்.
காந்தத்தை உணர்வோம். இறைநிலையின் ஈர்ப்பு ஆற்றலை உணர்ந்து அதனுடன் இணைவோம்.

அன்புடன் ஜெ.கே