தினம் ஒரு மாற்றம் (12/06/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம்  ஒரு மாற்றம்* (12/06/2018)

"அறிவு அதன் உயிர் காந்த அலையின்மூலம் ஐம்புலன்கள் வழியாக எதைத் தொட்டாலும் பொறி இயக்கம் தொடர் பொருளின் இயக்கம் ஒக்கப் பொருந்தும் அந்த அளவுக்குச் சீவகாந்தம் பெறும் மாற்றம் அழுத்தம், ஒலி, ஒளி, சுவைகள் பின்னும் மணம் எனும் ஐந்தாய் சீவகாந்தம் செறிவின் அளவு குறையும் நிகழ்ச்சியேதான் சீவனுக்கு இன்ப துன்ப உணர்வுகள் ஆம்.

-அருட்தந்தை வேதாத்திரி மகரிஷி அவர்கள். ம.வ.க. 1
(பக்.  182)

விடியலில் சூரியனின் வெளிச்சம் வந்து விட்டால் இருள் கண்களுக்குப் புலப்படாது.

அறிவுக்கு எட்டிய ஒன்று தான் இன்பம், துன்பம், அமைதி, பேரின்பம்..... விளைவுகளெல்லாம்.

அறிவு தன்னை அறிதலில் ஈடுபடும் போது, துன்பம் சென்று, இன்பம் வரும், அமைதி வரும், பேரின்பம் கிட்டும்.

மனதின் ஓர்மை நிலையில் அனைத்துமே ஒன்று தான்.

மனதுக்கு பொருத்தமில்லாத உணர்வையே துன்பம், கவலை, கோபம், என்கிறோம்..

மனதுக்கு பொருத்தமான மகிழ்ச்சி, இன்பம் குதூகலம், பேரின்பம், எல்லாம் மனதின் அலைச்சுழலின் வேறுபாடுகள் தானே தவிர வேறு ஏதும் இல்லை.

மனதை பக்குவப்படுத்த பழகிக் கொண்டால் அனைத்தும் சமமே என்ற உணர்வு வந்துவிடும்.

மனதை ஒரே அலைச்சுழல் விரைவில் அமைதி நிலையில் வைத்துக் கொள்ள மனமது செம்மையாகும்.

வேற்றுமை உணராது ஒற்றுமையே நாடும். அன்பை மட்டுமே செய்யும்.

மனிதன் இறைவனும் வேறல்ல என்ற உணர்வும் வந்துவிட்டால் அனைவருக்கும் நலம் விளைவிக்கும் செயல்களையே செய்ய முனைவான்.

ஒரு மலைப்பாதையில் சுவடுகள் பதிக்கப் பதிக்கப் புல் நிறைந்த வழியில் பாதை உருவாகும். போகும் வழியில் முட்கள் கரடுமுரடான பாதைகள் இருக்கும். ஆனால் அதுவே கால் தடம் பதிக்கப் பதிக்க சமமான பாதையாக  உருவாகும்.

உணர்வுகளும் அவ்வாறே மனதை செதுக்க செதுக்க பக்குவமாகும். 

அன்புடன் ஜெ.கே