தினம் ஒரு மாற்றம் (13/06/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (13/06/2018)

"ஆன்மீகத்துறை யென்ற அகல வழிப்பாதையிலே அடிவைத்து மென்மேலும் முன்னேறிப் போகுங்கால் அறிவுபெறும் அனுபவங்கள் வியப்பாகும் இனிமையாம் ஆன்மஒளி சுடர்விட்டு உள்ளுணர்வு பேறாகும்."

- அருட்தந்தை வேதாத்திரி மகரிஷி அவர்கள். (ம.வ.க பாகம் 1, பக்கம் 64)

ஒருவரின் கல்வி எந்த அளவுக்கு வாழ்க்கைக்கு அவசியமோ அந்த அளவை விட பண்பு மிக மிக அவசியம்.

மேற்படிப்புப் படித்தால் பண்பு வளருமா??

அல்லது தன்னைத் தான் சூழ்நிலைக்கு ஏற்றவாறு பிறருடன் நல்லிணக்கத்துடன் பண்போடு பழகுவதும் இனிமையான சொற்களால் பேசுவதை மாற்றிக் கொண்டால் பண்பு வளருமா??
என்றால் ...

தனக்கும் பிறருக்கும் எந்த விஷயங்கள் எல்லாம் ஒத்து வருமோ அந்த விஷயங்களைத் தவிர, ஒத்து வராத விஷயங்களில் மிகுந்த கவனத்துடன், விழிப்புணர்வுடன், பண்பான, சொற்களை பயன்படுத்தி கற்ற கல்விக்கும், பெற்றோருக்கும், ஆசானுக்கும், பெருமை சேர்க்கும் வகையில், தன்னை பிறர் மதிக்கும் அளவு நடப்பது பண்புடைமையாகும்.

இப்பண்பும், மதிப்பும், ஒருவருக்கு மனவளக்கலை கல்வியினால் கிட்டும்.

மிக எளியமுறை இயற்கைத் தத்துவ பண்பாட்டுக்கல்வியை பயிற்சிமுறையாக SKY யோகாவில் பாடத்திட்டமாகவும், எளியோர் கற்கும் வகையிலும் கற்றுத் தரப் படுகிறது.

*அனைவருக்கும் முழுமை நல வாழ்வு கிடைப்பது பயிற்சி முறையில் மட்டுமே..*

*படித்தால் மட்டும் போதாது. செயல்பாடே அவசியம் இங்கு சுயமாக சிந்திக்க இந்த பயிற்சிமுறை உதவும். வாழ்க்கையில் ஒவ்வொரு பயிற்சிமுறையையும், பயன்படுத்தும் போது அளவிலா ஆனந்தம் உண்டாகும்.*

குடும்பத்திலும், வெளியுலக உறவுகளோடும், சூழ்நிலைக்குத் தகுந்தவாறு வளைந்து கொடுத்தும், அனுசரித்தும் போகவும், தன்னை மேம்படுத்தவும், இந்த பயிற்சிகள் உதவுகின்றன.

எதையுமே எதிர்கொள்ளும் சக்தியும் கிடைக்கின்றன.

அன்புடன் ஜெ.கே