தினம் ஒரு மாற்றம் (14/06/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (14/06/2018)

"மனிதனின் உடலமைப்பும், மதியமைப்பும் மண்ணுலக அமைப்பும் மற்றனைத்தும் ஆய்ந்து, இனிவகுப்போம் ஒரு திட்டம், என்றும் எங்கும் எவருக்கும், வாழ்க்கையில் துன்பம் நீங்க-
- அருட்தந்தை வேதாத்திரி மகரிஷி அவர்கள் (உலக சமாதானம் 13-ம் பாடல்.)

*ஒருவரது ஆரோக்கியம்* என்பது அவரவர்  மனதிலா? உடலிலா?
உணவிலா?
உடற்பயிற்சியிலா?மருத்துவரிடத்திலா?
உணவே மருந்தாக எடுப்பதிலா??
மருந்தையே உணவாக எடுப்பதிலா??

*மனம்* தான் அனைத்திற்குமே மூல காரணமாகத் திகழ்கின்றது என்பதை ஏற்க முடியும் என்றால் அதுவே உண்மை.

அந்த காலத்தில் நம் முன்னோர்கள் பரிபூரண உடல்நலத்தோடு தான் வாழ்ந்தார்கள். அதற்கு அவர்கள் வாழ்ந்த இயற்கை வாழ்வியல் முறையும் அதன் அமைப்பும் அதாவது உடற்பயிற்சியை  வாழ்க்கையிலேயே உழைப்பாகவும், உணவை நொறுங்கிக் கூழாக்கி சாப்பிட்ட முறையும், ஆரோக்கியமான நற்சிந்தனையும், நல்ல பழக்கவழக்கங்களும், ஒற்றுமையும் அவர்களிடத்தில் இருந்ததே காரணம்.

இப்பொழுது அந்த உழைப்பு இருக்கிறதா?? ஒற்றுமை இருக்கிறதா??

கூட்டுக் குடும்பம் பாதுகாப்பையும் தீர்வையும் தரும்.

சரி, உணவை சீரணிக்கும் அளவாவது உடல் உழைப்பு உள்ளதா??

எங்கங்க !! காலையில சாப்பிட்டு விட்டு ஆபீஸ் போனா வீட்டுக்கு வந்து ரெஸ்ட் எடுக்கத் தான் தோணுது!! இதுல எங்க உடற்பயிற்சி செய்ய...ன்னு கேள்விகள் ஏராளம்.

மருத்துவரிடம் மணிக்கணக்காக அமர நேரம் இருக்கிறது.
T.v. Serial பார்க்க நேரம் உள்ளது..Fb,  Whats App போன்ற Apps களில் Chat செய்ய நேரம் உள்ளது.

*ஒரு மணி நேரம் பயணத்திற்கே எத்தனை சிக்னலை உயிர் பாதுகாப்பிற்காக கடக்கும் போது, வாழ்நாள் முழுவதுமான பயணத்திற்கு உடலை பாதுகாக்க விழிப்புணர்வு வேண்டும் தானே!!!*

*தன் உடலை,  வாழ்நாள் முழுவதும் கூடவே இருக்கும் இந்த உடம்பை காப்பதற்கு என்ன செய்ய வேண்டும் எனற சுய சிந்தனை வேண்டுமா??வேண்டாமா???*

சாப்பிடற சாப்பாட்டக் கூட அப்படியே முழுங்கி விடுறோம் மென்று சாப்பிடாமலேயே..

உழைப்புக்கும் உடற்பயிற்சிக்கும் எங்கே போவது??

அதுக்கு தனியா ஜிம்முக்கு போகணும்..

வாக்கிங் போகலாம்..... ஆனா  மழைகாலம் வந்தா அதுவும் கட்.

அப்ப என்ன தாங்க செய்யறது?? நீங்க கேக்கறது புரியுதுங்க....😊

*மனவளக்கலை* என்பது அன்றாட வாழ்க்கை முறையில் எப்படி வாழ வேண்டும் என்ற எளிய முறையை கற்றுக் கொடுக்கும் பண்பாட்டு யோகக் கல்வி முறை.

இது பயின்றால் போதும் அவரவர் வீட்டிலேயே உடற்பயிற்சி செய்து உடலையும் நலமாக வைக்க முடியும். மனதையும் செம்மையாக வைக்க முடியும்.

இதில் கற்று தன்னை ஒருவர் உணர்ந்து வாழ முடியும்.

அன்புடன் ஜெ.கே