தினம் ஒரு மாற்றம் (11/06/2018)

வாழ்க வையகம்!
வாழ்க வையகம்!
வாழ்க வளமுடன்!!

*தினம் ஒரு மாற்றம்* (11/06/2018)

"தனக்குப் பொருள் இன்பம் தலைமைப் புகழ்வேண்டித் தான் பிறர்க்குத் தீங்கிழைப்போன் தாழ்ந்துத் துன்பமேற்பான் தன் பிறப்போ இறப்போ தன் வாழ்வோ இடை நிகழ்ச்சி தனி உண்மை நினைவோடு தான் ஆற்ற இன்ப மயம்.

- அருட்தந்தை வேதாத்திரி மகரிஷி அவர்கள்.
ம.வ.க. 1 (பக். 178)

தைரியமும் தன்னம்பிக்கையும் எங்கிருந்து வருகிறது என்று கேட்டால்... ஒருவர் தனக்கும் பிறருக்கும் உண்மையாக நடக்கும் போது மட்டுமே தான் வரும்.

ஒவ்வொருவரும் இவ்வுலகில் சாதிக்கப் பிறந்தவர்கள் ஒவ்வொரு வகையிலும்...
பல்வேறு வகையிலும்...

அறிவையும் ஆற்றலையும் ஆக்கத்துறையில் செலுத்தி முன்னேற்றப் பாதையில் சென்றால் இறைவன் எப்பொழுதும் உறுதுணையாக இருப்பார் என்பது உறுதி.

மன உறுதியும், விடாமுயற்சியும், தன்னடக்கமும், பணிவும், உயர்வை ஈட்டித்தரும் என்பதில் யாருக்குமே மாற்றுக் கருத்து இருக்காது.

தனது *சுயம்* என்பதை வெளியே கொண்டு வர தயக்கம் தேவை இல்லை.

இறைவனின் பிள்ளைகள் தான் அனைவரும்.

ஒரு தாய் பிள்ளைகளை எப்படி உணவும், ஊட்டமும், செல்லத்தையும், சேர்த்து ஊட்டி அரவணைத்து வளர்ப்பது போல் இறைவன் அவருவருக்கான சுதந்திரத்தைத் தேடிக் கொள்ள சாவியை மனிதரிடம் கொடுத்து விட்டார்.

எந்த இடத்தில் போகிற வழியில் தனக்கான வழிகாட்டுதல் உள்ளது என்பது மனிதனின் தேடுதலில் தான் உள்ளது.

சரியாகத் தேடினால் புதையலே கிடைக்கும்.

அலட்சியமாகத் தேடினால் பதிலும் அவ்வாறே இருக்கும்.

பதில்களும், புதையலும் வெளியே இல்லை.
தன்னிடமே உள்ளது..

அமைதியும் இன்பமும் வெளியே இல்லை. அவரவர் செய்யும் கடமைகளில் விளைவாக உள்ளது.

விருப்பத்துடன் ஈடுபாட்டோடு அன்புடன் செய்ய அமைதி அங்கேயே இருப்பதைக் காண முடியும்

அன்புடன் ஜெ.கே